Josua 6:1 - Buka Blahi Ka Cheke Holo

¹ Ka narane tuana maedi Jeriko igre ne bobotho famaku grengathagna namono biꞌo na, naugna mare mhaghuni armi gna Israel. Theo kaisei mae te tangomana te jifla kosi na, ba te ruma mei lamna na.

Josua 6:1 ပူးပေါင်းရင်းမြစ်များ

Josua 2:24

Phia mare ne cheke eghu ka mae Josua, “Tahati thofno laseni Lord na snakre meihi ka tahati namono biꞌo igne. Naikno te gnafa ka namono igre thono mhaghu nodi fara ka tahati.”

Nodi Khoje Hatimare Mae Jiu 127:1

Jame te theome totogho Lord ka ihei te loku ka suga na, gloku te eni mana igne theo nafugna kolho. Eghuteuna jame te theome reireghi fakeli Lord balugna mae ihei te reireghi gna nogna namono na glahula mei ruma naokare ka nogna namono na teuna, reireghi te eni mana igne theo nafugna kolho.

Josua 2:7

Eghume, nogna mae gloku mae king igre jifla ne tei hirodi phei mae igre, eghuteuna ke leghugna te jifla te tei mae igre, mae greireghire ne bobotho grengathagna namono na. Mare hirodi phei mae igre ne ghilei tei posa ka vido aheva te tei kasa ka Khoꞌu biꞌo Jordan.

Fapea Kings 17:4

Nu ke leghu na, mae Hosea neke kurudi keha mae neke tei filoni King So gna Ijep mala mei toghoni. Ke leghu mae Hosea neke theome foli takis ka king gna Asiria. Nu kate laseni King Salmanesa glepo igne, mana ne kurudi keha mae mala mei lokini mae King Hosea ne nhaꞌa laoni mana ka sosolo.

Josua 5:15

Mae biꞌo igne ne cheke eghu ka mae Josua, “Hata koko nou sadol are, naugna vido te kegra teu iagho igne thono blahi fara.” Aonu mae Josua ne leghuni unha te chekeni mana na ne hata koko nogna sadol re.

Josua 6:2

Nu Lord ne cheke eghu ka mae Josua, “Gognarona iara na snakre ari ka iagho namono Jeriko, balugna king, nei hatimare mae soldia fateote'o.

Josua 2:1

Kate au teu mae Josua baludi keha vikedi Israel ka vido te au gaju akesia igne, mana kurudi phei mae mala tei Kenan mala filo poru ka namono Jeriko nei ka namono te au faligohoni. Eghuteuna kate tei poru phei mae igre ke lamnagna namono igne, phei mae igre tei ne au ka sugagna kaisei gaꞌase vine, nanghagna na, Rehab.

Josua 18:21

Nanghadi nodi namono tharakna ka vikegna Benjamin: Jeriko, nei Bet-Hogla, nei Emek-Kesis,

Fapea Samuel 10:5

Nu mae igre ne thono mamaja nodi fara ne tirodi ke posa ka namono na. Kate nomhini mae Devet eigna unha te eni mae Hanun ka nogna mae funei igre na, mana ne fatei cheke eghu ka mare, “Ghotilo thosei nananga mala ghosei ke pulo mei agne Jerusalem. Theo. Ghotilo au Jeriko ke ghilei kotu fapulo gremohomi are ame ke pulo mei nga eghu.”

Fapea Kings 2:4

Phia mare au neu Betel, eghuteuna mae Elija ne cheke eghu ka mae Elisa, “Iagho na ofou agne, naugna Lord neke cheke ka iara mala tei Jeriko.” Nu mae Elisa ne cheke eghu ka mana, “Ka nanghagna Lord mae ihei te karha te tifa, iara thofno cheke kate tutuani ka iagho, iara ginauna tei balumu iagho, eghuteuna na theome tei koko nigho iagho.” Aonu phiamare ne kafe tei Jeriko.