Josua 4:22 - Buka Blahi Ka Cheke Holo

²² Cheke eghu ranghidi, ‘Tuthuanadi kuꞌeda tifa ra neke kasa ka vido te krango fari hotei Khoꞌu biꞌo Jordan.’

Josua 4:22 ပူးပေါင်းရင်းမြစ်များ

Josua 3:17

Eghuteuna kate kasa mare na, hatimare mae pris kegra fabrahu neu fari hotei khoꞌu tela krango hi na ne ghilei kasa ne hui naiknore ka keha phile khoꞌu na.

Profet Isaia 51:10

Iagho neke fota pea nhorora biꞌo na neke khapra, aonu nou naikno iagho re neke eni kaisei nabrou ka khotogna nhorora biꞌo na mala kasa ka glose te moja.

Thakle 16:12

Aonu fafamno engel na ne tei ne totofa nogna dis na ke kligna khoꞌu biꞌo te kiloni Iufretis. Eghuteuna khoꞌu na ne khapra. Eghume te khapra igne kaisei nabrou mala teidi hatimare mae king di ke maghatire.

Profet Isaia 44:27

Kate cheke iara na, nhorora nei khoꞌu biꞌo teu igre ginauna krango dofidi.

Eksodas 15:19

Kate filoni hatimare mae Ijep gre te khapra thongna na te kasa mae Israel gre ka keha phile na, nogna soldia mae king gna Ijep gre ne kasa la ngau balu nodi hose nei chariot ne tei ke leghudi. Nu Lord ne fapulo meini thongna na ne toku tafrudi.

Eksodas 14:29

Nu hatimare mae Israel gre ne tei ka vido te khapra, eghuteuna thongna na ne kegra jateula bara neu ka phei phile re ne kasa mare ka keha phile na.

Eksodas 14:22

Eghuteuna mae Israel gre ne kasa kate khapra na, aonu khoꞌu na ne kegra jateula bara neu ka phei philere!

Josua 4:21

Aonu mana ne cheke eghu ka naiknodi Israel igre, “Sua nate karha mei ke leghuda tahatire ginauna ghusna eghu ka kmadire, ‘Unha eghu si gaoghathodire thina igrea?’

Josua 3:16

khoꞌu na ne kegra snoto ne tei au delei fara rhegna namono Adam te namo ka namono Saretan. Eghuteuna keha philegna khoꞌu biꞌo te soru Thongna Lehe igne ne jaola ne thono krango fara. Naiknore ne kafe kasa ka keha phile na rhegna namono Jeriko.