Josua 4:14 - Buka Blahi Ka Cheke Holo

¹⁴ Ka narane igne, Lord ne fafnaknoni mae Josua ka gaoghathodi naikno te gnafa Israel. Mare ne ghatho tahuni fabrahu mae Josua ka nakarhagna mana na, jateula mare teke ghatho tahuni mae Moses tifa ia neu.

Josua 4:14 ပူးပေါင်းရင်းမြစ်များ

Josua 3:7

Lord ne cheke eghu ka mae Josua, “Gognarogne, iara ginauna fafnaknoni nanghamu iagho na ka tathadi naiknodi Israel, mala laseni naiknore te au fabrahu iara balumu iagho na, jateula teke au fabrahu iara balugna mae Moses tifa ia eghu.

Fapea Kronikols 30:12

Eghuteuna God ne toghodi naiknodi Juda ne kaisei gaoghatho kolho ne leghuni nogna cheke Lord teke chekeni king baludi nogna mae biꞌo mana re.

Letas Teke Riso Tei Mae Pol Ka Khiloau Rom 13:4

Naugna mae biꞌo ka gavman tuana nogna mae gloku God mala edi glepo te kelire ranghi ghami ghotilo. Nu jame te edi ghotilo glepo te diꞌare, ghotilo naba te mala mhaghuni mae biꞌo tuana, naugna mana theome mala fiti hata nolaghi kolho. Mana nogna mae gloku God, mana tangomana te paradi naikno te edi glepo te diꞌare mala falalaseni God te diꞌatagna ka mare.

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Proveb 24:21

Thuguo, ghatho tahudi Lord ghe lida. Iagho au fadelei ka naikno te theome keli ranghidi phiamare are.

Ululahu Samuel 12:18

Aonu mana ne tarai ka Lord, eghuteuna ka narane tuanala, Lord ne kuru mei fila balu nakhete, eghuteuna naiknore ne mhaghu nodi fara ka Lord ghe mae Samuel.

Eksodas 14:31

Kate filoni hatimare mae Israel gre nogna nolaghi biꞌo Lord te tapla faparidi mae Ijep gre, mae Israel gre ne pogho soru ka mana, nei ghatho tahuni Lord nei nogna mae gloku Moses.

Ululahu Korin 10:2

Eghuteuna mare neke kafe leghuni mae Moses neke kaisei balugna mana jateula te apublahi balugna mana ka khoveo nei ka thongna neku.

Josua 4:13

Jame phiatutu thogha soldia tarabana mala magra ne salaꞌu ke ulugna Lord ne tei ne kegra ka sare rhegna Jeriko.

Josua 4:15

Lord ne cheke ka mae Josua mala cheke ka mae pris te pala Bokis Blahi igne mala daka mata ka khoꞌu na.

Eksodas 11:3

Lord ne tusu lao gaoghatho te keli ka nagnafadi naiknodi Ijep gre mala ghatho tahudi naiknodi Israel re. Tutuani fara, mae Moses gne jaola kaisei mae biꞌo fara ka tathadi hatimare nogna mae funei nei nogna naikno teu mae king re.

Fapea Kings 2:15

Glimafulu mae profet di Jeriko ne filoni unha te eni mae Elisa ka narane igne. Eghuteuna mare ne cheke eghu, “Tore! Nolaghi te mala cheke jateula mae profet Elija teuna la meihi ka mae Elisa!” Aonu mare tei ne thafoni mana, eghuteuna mare ne pogho soru pari ka glose na ne fafnaknoni mana.

Ululahu Kronikols 29:25

Lord ne nhaꞌa hagheni Solomon ka nafnakno biꞌo ka tathadi naikno te gnafa Israel, eghuteuna naiknore ne ghatho tahuni mana. Uve, mana fnakno fara salaꞌudi keha king di Israel ulu lahu ra.