Josua 24:31 - Buka Blahi Ka Cheke Holo

³¹ Kate karha teu Josua na, vikegna Israel na neke leghuni kolho Lord. Eghuteuna ke leghugna te lehehi mana na, naiknodi Israel igre ne leghuni fabrahu Lord ghilei posani naranedi mae iheire teke baubatu nei loku teku balugna mae Josua teke ghilei lehe igre. Naugna naikno igre neke filodi thedi gloku biꞌo te edi Lord ranghini Israel.

Josua 24:31 ပူးပေါင်းရင်းမြစ်များ

Jajis 2:7

Josua thugna Nun, mana kaisei nogna mae gloku Lord eghuteuna mana thokei kaisei gobi nabotho finogha neke lehe nga. Mare giugiluni mana ka nogna vido glose thegna na Timnat-Heres jare Efrem ke raru thogele Gas. Ka narane karha nga teku Josua igre, naiknodi Israel igre neke ghatho tahuni Lord. Eghuteuna mare jaola neke thofno leghuni Lord kani au teku goro mae biꞌo igre balugna Josua neke filodi glepo biꞌo teke edi Lord ranghidi naiknodi Israel.

Diutronomi 31:13

Ghotilo eni igne, mala tangomana thumi ghotilo te theome karha nga teu ka naiknodi Israel igre, nei iheire te theome laseni vetula igne, mare mala jaola nomhini nei hironi eghu puhi te mala ghatho tahuni Lord nomi God. Mare mala nomhini fabrahu ka glose ke kasa Khoꞌu biꞌo Jordan aheva nate tei te au ghotilo tagna na.”

Diutronomi 31:29

Iara laseni ke leghugna te lehe iara na, ghotilo ginauna na thofno diꞌa fara, eghuteuna ghotilo ginauna figri tagrudi glepo te farirhiu ghami iara igre. Eghume ka narane nate mei are puhi biꞌo ginauna thoke ghami ghotilo, naugna ghotilo ne edi glepo te diꞌa te diꞌatagnadi fara Lord re.”

Diutronomi 11:2

Gognarona ghotilo mala ghathodi thumi ghotilo teke theome lasedi nei haimidi teku unha teke edi Lord nomi God. Mare neke theome filodi nogna nolaghi nei nogna nanheta nei ka khamegna te nolaghi eghu teke uludi mana nogna naoka re.

Filipae 2:12

Kheraguro, kate au tekeu iara balumi ghotilo jare ia, ghotilo neke leghudi koba nogu farirhiu iara re. Neubane au fadelei iara, iara magnahaghei ghami ghotilo fara te leghu ghau iara gognaro gne. Loku heta balu mhaghu nei fifilo fakeli mala gnafa fakeli nogna gloku God te mala athi ghotilo karha na.

Mae Khuru 20:29

Naugna iara la kulu lasenihi igne. Ke leghugna te tei koko ghami iara ginauna, keha naikno te diꞌa puhidire ginauna mei fariuriu lalamadi naikno ka khiloau gne.

Fapea Kronikols 24:2

Kani karha teku Pris Jehoada na, mae Joas ne eni unha te doglo ka tathagna Lord.

Diutronomi 11:7

Nu ghotilo neke thofno filo tathami gobigna lepo te biꞌo teke edi Lord ra.”

Jenesis 14:10

Ka sare Sidim te magra mare igne au kmana khora, khora igre fodu ka chopu te laka. Kate rikha mae king di Sodom ghe Gomora gre baludi nodi mae armi re, keha mae soldiare ne snoꞌo ka khora te fodu ka chopu igre. Nu keha thilo mae king re ne rikha ne tei baludi nodi mae soldiare ka thogelero.

Jajis 2:6

Tifa te mei na, Josua neke kuru teidi naiknodi Israel. Eghuteuna mare te gnafa na ne tei ne atha keha vido glose ke lamnagna glose teke nhaꞌa cheke ranghidi.

Jajis 2:10

Nu ke leghugna te lehe phagusu igne, iheire te gnafa teke kotu haghe ke leghudi mae igre neke theome ghatho tahuni Lord. Eghuteuna mare theome lasedi glepo biꞌo teke edi Lord ranghidi naiknodi Israel.

Fapea Kronikols 34:33

King Josia ne tei tongana ka namonodi vike te gnafa Israel igre mala hata fadelei mumuju te diꞌa te au ka nodi vido glose naiknodi Israel. Eghuteuna mana chekedi naiknore mala loku ranghini Lord. Eghume ka narane karha teu King Josia igre, naiknore theome figri tagru, nu leghuni Lord nodi God kuꞌedi tifa ra.