Josua 24:20 - Buka Blahi Ka Cheke Holo

²⁰ Neuba Lord ne thofno keli fara ka tahati, nu jame te tei kokoni ghotilo mana na, eghuteuna jaola me tei leghudi ghotilo keha god are teuna, mana ginauna diꞌatagna ka ghotilo, te eghu na, mana ginauna goigoni fahui ghami ghotilo.”

Josua 24:20 ပူးပေါင်းရင်းမြစ်များ

Mae Khuru 7:42

Nu God na ne figri lao thagrugna na ka mare nei snakredi mare mala pogho soru ka naprai, ka glaba, nei ka nathunu. Igne unha te risoni ka nodi buka mae profet ra. God neke cheke eghu, “ ‘Ghotilo naiknomi Israel ra, kate au ka namono nagou ia ghotilo neke au jare phiatutu finogha, ghotilo neke falelehe buluka koba neke fafara. Nu fafara tuare theome nogu iara.

Profet Esikiel 18:24

“Nu jame kaisei mae te doglo lilisei puhi te doglo na eghuteuna mana edi koba puhi te diꞌa re jateula te edi koba mae te diꞌa ra eghu, ba mae igne ginauna tangomana nate karha na? Theo! Iara ginauna theome ghathodi glepo te keli teke edi mana tifeiro ra. Uve, naugna mana la tirogna ghauhi iara, eghuteuna mana la snivihi ka nakhibo, mana ginauna mala lehe kolho.

Profet Jeremaea 17:13

Lord God, ghehati maemi Israel gre fatutuani nigho. Ihei te figri tagru nigho na ginauna mamaja nogna fara. Ihei te tei koko nigho iagho na, ginauna na jateula cheke te rioriso soru ke kligna nusu ra eghu, eghuteuna ghosei me dofini teura eghu kolho. Lord, iagho jateula glokha khoꞌu te tusu mei karha na ka ghehati ra eghu.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Profet Isaia 63:10

Nu mare figri tagruni nei fadiꞌa nagnafani eghu mae Tharunga te Blahi. Eghume, Lord na kela nodi naoka mare, eghuteuna mana nake magra ka mare.

Profet Isaia 1:28

Nu Lord ginauna falehedi iheire te tapla jafra ka nakhibo nei iheire te figri tagruni Mana.

Esra 8:22

Iara mamaja nogu fara te toreni king te mala kuru nogna soldia nei mae te saghe ka hose te mala reireghi ghami ghehati ka nabrou na. Iara mamaja nogu naugna iara neke cheke eghuhi ka king, “Nomi God ghehati gne thofno fablahidi fabrahu iheire te fatutuanini mana re, nu thono diꞌatagna fara ka iheire te figri tagruni mana re.”

Hibru 10:38

“Nogu naikno iara te doglo are ginauna athini thofno karha na, naugna mare ne fatutuanidi nogu cheke iara gre. Nu te figri tagru mare te theome fatutuani ghau iara na, iara ginauna na theome keli tagu.”

Diutronomi 4:25

Neuba ghotilo ne au raugha ka glose igne ne au thumi nei grami neu, ghotilo jafra jame te sari mumuju ghotilo te tarai tagna na. Jame te eni ghotilo glepo te jafra nei theome doglo teu ka tathagna Lord igne na, mana ginauna diꞌatagna fara ka ghotilo.

Diutronomi 4:26

Iara kilodi maloa ghe nauthoglu mala fiofilo fakeli ka nogu cheke iara igre gognarona. Jame te horo thua nafnata mumuju ghotilo na, ghotilo na theome raugha dofi ghami ka glose te khotogna ghotilo tuana, naugna Lord ginauna falelehe kmana naikno ka ghotilo.

Josua 24:21

Nu mare ne cheke eghu ka Josua, “Theo, ghehati ginauna mala leghuni mana fabrahu gognarona!”

Ululahu Samuel 12:15

Nu jame te theome leghuni ghotilo Lord te figri tagruni nogna cheke mana na, mana ginauna figri tagru ghami ghotilo jateula teke figri tagrudi mana kuꞌemi ghotilo tifa ra eghu.

Ululahu Samuel 12:25

Nu jame te edi fabrahu ghotilo glepo te diꞌa re, mana ginauna goigoni ghami ghotilo fara balugna nomi king gne.”

Ululahu Kronikols 28:8

Eghuteuna mae Devet ne cheke eghu ka naiknore, “Eghume, iara gognarona cheke ke ulugna noda God, nei ke ulumi ghotilo naiknomi Israel, iara na cheke eghu fadoglo ari ka ghotilo. Ghotilo mala thofno leghu fakelidi nogna cheke te gnafa Lord noda God. Jame te eghu ghotilo na, ghotilo ginauna au ka famane glose igne, eghuteuna iheire nate karha mei ke leghumi ghotilo re ginauna au fabrahu ka glose igne.”