Josua 23:7 - Buka Blahi Ka Cheke Holo

⁷ Ghotilo thosei fofodu baludi naikno bongihehe te au teu balumi ghotilo are. Eghuteuna ghotilo thosei tarai ka nanghadi nodi god mare tuare. Eghuteuna ghotilo thosei baubahu tadi ba loku ranghidi ba pogho soru ranghidi.

Josua 23:7 ပူးပေါင်းရင်းမြစ်များ

Eksodas 23:13

“Fanomho fakeli nei leghudi eghu ghotilo unha te cheke iara ka ghotilo igre. Iara theome snakre ghami ghotilo te pogho soru te tarai ghotilo ka mumuju na, ba te chekedi ghotilo nanghadire. Nangha tuare iara theome magnahaghei te nomhidi ka foflomi ghotilore.”

Profet Jeremaea 5:7

Lord ne cheke eghu ka iheire te au ka namono Jerusalem, “Iara theome tangomana te atha fadelei nakhibomi ghotilore. Naugna ghotilo ne tiromi figri mei ka iara, eghuteuna ghotilo ne leghuni mumuju god te theo kaisei nakarha tagna igne. Neuba iara ne tusu ari gobigna lepo te magnahaghedi ghotilore, nu ghotilo jateula mae te huhughuni puhigna tholaghi na te tei ka sugagna thau vine na ia neu ne theome au balugu iara.

Nodi Khoje Hatimare Mae Jiu 16:4

Iheire te tufru soru ka mumuju tuare ginauna hata mei kmana hoholo kolho ka thedi. Iara ginauna na theome fafara fodu baludi, ba cheke thakledi nanghadi nodi god mare tuare.

Eksodas 23:33

Ghotilo thosei snakredi naikno tuare mala au ka nomi kantri na. Jame te snakredi ghotilo te au mare balumi ghotilo na, mare ginau na huhuru ghami ghotilo mala pogho soru ka nodi god thedire.”

Efesus 5:11

Eidi naikno te au nga teu kate romno gre, ghotilo thosei fofodu baludi mala edi glepo te diꞌare. Eigna glepo igre mala fadiꞌadi kolho nakarhadi naiknore. Nu ghotilo falalase ranghidi unha te eni mare igne mala filo glanidi mare nodi najafrare.

Ululahu Korin 15:33

Thosei snakredi naiknore mala chaghi ghami eigna karha fapulo na. Eigna ghotilo lasenihi u cheke igne, “Jame te kaisei ghotilo baludi naikno te diꞌare, mare ginauna fadidiꞌa puhimi ghotilo te kelire.”

Profet Sefanaea 1:5

Iara ginauna koko sorudi pari iheire te haghe ke tagru suga te pogho soru ka naprai, nei ka glaba, nei ka nathunu. Naikno igre neke nhaꞌa cheke ka iara mala loku ranghi ghau iara neku, nu mare jaola nhaꞌa cheke mala loku ranghini mumuju god Molek.

Proveb 4:14

Iagho thosei tei ka nodi nabrou mae te diꞌa re, eghuteuna iagho thosei leghuni puhidi mare re.

Josua 23:12

“Ghotilo laseni igne, jame te figri tagruni nei theome leghuni teu ghotilo Lord te loku fodu baludi naikno bongihehe are ba tolaghi ka thudi gaꞌase mare re, ba snakredi mare mala tolaghi ka thumi gaꞌase ghotilo re, Lord ginauna tirogna togho ghami ghotilo. Eghuteuna jame te fofodu ghotilo ka naikno bongihehe are nei tei magra baludi mare teuna, Lord ginauna tirogna ngolhi fajifladi naikno bongihehe te au ka nomi namono ghotilo are. Jame te loku fodu ghotilo ka puhidi mare te thono diꞌa fara are na, mare ginauna na jateula kaisei phighoro eghu mala fakhale ghami ghotilo. Eghuteuna ghotilo ginauna na jateula te snoꞌo ke lamnagna kaisei khora ra eghu. Eghume puhidi mare te diꞌa tuare ginauna para ghami ghotilo jateula te puphuri naikno ka thagrumi ghotilo ra eghu, ba jateula nila te churu ka tathami ghotilo ra eghu. Eghuteuna ginauna na theo kaisei naikno ka ghotilo nate au ka namono teke tusu arihi mana ka ghotilo igne.

Profet Hosia 2:17

Iara ginauna nake theome snakreni naꞌa mala cheke fakelini nanghagna Baal.

Naba 32:38

Nebo, Baal-Meon, nei namono Sibma. Kate edi te gnafa mare namono igre, mare neke tughu nanghadi namono re.

Eksodas 20:5

Thosei tuturupuku soru tarai ka mumuju god nei keha tothoghaledi keha god delei. Naugna kaisei Iara ngala nou Lord nei God teu ghotilo te mala loku ranghini na. Iara ginau na theome keli tagu ka naikno te tuturupuku soru te tarai ka mumuju ba tothoghale igre. Jame te theome magnahaghei ghau iara ghotilo na, iara ginau na para ghami ghotilo eigna u nakhibo te eni ghotilo tuana. Theome ka ghotilo kolho eghu, nu iara ginau na jaola na paradi goro thumi, grami nei fapea grami teu ghotilo are.

Diutronomi 6:13

“Ghotilo mala ghatho tahuni Lord, nomi God, mala loku ranghini kolho mana. Eghuteuna ghotilo nhaꞌa cheke kolho ka nanghagna mana.

Diutronomi 10:20

Ghotilo mala ghatho tahuni Lord nomi God, nei leghudi unha te chekedi mana re. Ghotilo ghatho tahuni kolho mana. Eghuteuna nomi nhaꞌa cheke re, ghotilo edi ka nanghagna mana kolho.

Josua 23:8

Ghotilo mala ghatho tahuni Lord jateula te sughu eni ghotilo te ghilei mei posa gognarogne.

Profet Jeremaea 12:16

Mare mala filo leghudi puhidi nogu naikno iara re. Tifa te mei na, mare neke farirhiudi nogu naikno iara re mala pogho soru ka god Baal, eghuteuna eni nodi nhaꞌa cheke na ka nanghagna Baal. Nu gognarona mare mala nhaꞌa cheke ka nanghagu iara Lord kolho.

Naba 33:55

“Nu jame te theome brue fajifla ghotilo naikno te gnafa ka vido tuana na, mare ginauna edi kmana puhi ka ghotilo. Mare jateula gaju ikodi te tangomana juru ka tathami ghotilo ra eghu, ba jateula buburu fajujuru te tangomana juru ka thinimi ghotilo re eghu. Leuleghu fata na mare ginauna edi kmana hoholo fabrahu ka ghotilo.

Diutronomi 6:14

Ghotilo thosei pogho soru ka nodi god keha naiknoi te au faligoho ghami ghotilo are,

Fapea Kings 5:18

Nu toreni Lord mala hata fadelei nakhibogu iara. Kate tei tarai nogu king iara gne ka nogna Sugablahi god Rimon igne, iara ginauna toghoni king mala nolo balugna mana. Eghuteuna jame te pogho soru iara balugna king ke lamnagna nogna Sugablahi Rimon igne na, snakreni Lord mala hata fadelei nakhibogu iara gre.”

Fapea Kings 17:12

Eghuteuna mare neke huhughuni chekegna Lord mala thosei pogho soru ka mumuju teku na.

Fapea Kronikols 7:19

“Nu jame te figri tagru ghau iara ghotilo maemi Israel gre te theome faꞌuvedi nogu vetula nei nogu cheke teu teke edi iara ka ghotilo ra, ba pogho soru ka keha god delei.