Josua 23:10 - Buka Blahi Ka Cheke Holo

¹⁰ Jame kaisei thogha mae magnahaghei aknu falehe ghami ghotilo, kaisei mae ka ghotilo kolho nate ngolhidi mare na, naugna Lord phile balumi ghotilo jateula teke nhaꞌa chekeni mana ka ghotilo ia eghu.

Josua 23:10 ပူးပေါင်းရင်းမြစ်များ

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Levitikas 26:8

Glima mae ka ghotilo kolho nate ngolhi fajifladi kaisei gobi naoka! Eghuteuna kaisei gobi mae kolho ka ghotilo na ginauna ngolhi fajifladi nabotho thogha naoka! Nomi naoka ghotilo igre ginauna kafe lehe ka nomi naflahi mala magra ghotilo re.

Diutronomi 3:22

Ghotilo thosei mhaghudi mare, naugna Lord nomi God ghotilo ginauna magra ranghi ghami ka mare.’ ”

Eksodas 14:14

Megeu kolho si ghotilo, Lord thegna ginau na magra tughu ghami ghotilo. Nu ghotilo na theome eni kaisei glepo ka mare eghu.”

Nodi Khoje Hatimare Mae Jiu 35:1

Lord, diꞌatamudi sagho naikno te diꞌatadi ghau iara igre. Magridi sagho naikno te magri ghau iara igre.

Diutronomi 20:4

Naugna Lord nomi God ghotilo na ginauna tei balumi ghotilo mala magra balumi ghotilo ka nomi naoka re, eghuteuna mana ginauna togho ghami ghotilo mala uluni ghotilo magra tuana.’

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Nodi Khoje Hatimare Mae Jiu 46:7

Lord, mae ihei te blahi fara na au baluda tahati. Noda God tahati naiknoda Israel, mana taji fakeli ghita tahati.

Josua 23:3

Ghotilo la filodihi gobigna lepo teke edi Lord noda God ka naikno teke kulu au ka tahati ka namono igne. Ghotilo laseni Lord noda God neke magra ranghi ghita tahati.

Ululahu Samuel 14:6

Aonu, mae Jonatan ne cheke eghu ka mae soldia majaghani te au balugna na, “Tapa ginauna tei salaꞌu ka keha phile gno mala ari posa ka mae bongihehe te theome vahe are. Glahu togho ghita Lord. Eghuteuna jame te togho ghita mana na, neubane tapa kolho, ba tahati kmana, theo kaisei glepo nate fanograni Lord te mala uluni tapa magra igne.”

Josua 10:42

Ka narane tuare, Lord, nodi God maedi Israel igne ne toghodi mare mala uludi nei hata eghu nodi namono mae naoka igre.

Jajis 15:15

Samson ne filoni kaisei nhubra gagama gna dongki teke lehe majaghani na, aonu mana hata haghe nhubra gagama igne ne aknu falehe kaisei thogha soldia gna Filistia.

Fapea Samuel 23:8

Igre nanghadi nhuludi nogna soldia mae Devet re: Ulu lahu na, mae Jes-Baal ka vikegna mae Hakmon. Mae igne mae funei ka thilo mae nhuludi soldia igre. Mana neke hata nogna goru na neke fada falehe nhana gobi soldia.

Jajis 3:31

Ke leghugna Ehud, Samga thugna Anat jaola neke fakarhidi naiknodi Israel. Mana kaisei fata na neke aknu falehe namno gobi maedi Filistia ka kaisei gaju fnonu te atha mare te mala batudi buluka re.

Diutronomi 20:3

Mana ginauna cheke eghu, ‘Ghotilo maemi Israel fanomho mei ka nogu cheke iara igne! Gognarona ghotilo tarabana mala tei magra ka nomi naokare. Ghotilo thosei mhaghu ba ghatho peapea ba nanga nomi ba farikha ghami!

Diutronomi 28:7

“Mana ginauna togho ghami ghotilo mala uludi nomi naoka te mei magra ka ghotilo are. Neuba naoka igre ne mei fodu ka narane te mala mei magra ka ghotilo na, mare ginauna rikha rikiraka tafri tei ka sopai nabrou.

Diutronomi 32:20

“Lord neke cheke eghu ka ghotilo, ‘Gognarona iara poru ka ghotilo. Aonu iara ginauna na filoni unha nate goigoni ghami ghotilo na, naugna ghotilo ne phaꞌu boto fara, eghuteuna ghotilo sua theome ghatho tahu ghau iara.

Josua 23:11

Eghume leuleghu narane na ghotilo mala thofno namhani Lord noda God.

Ululahu Kronikols 5:22

Kmana te aknu falehe mare na, naugna God neke toghodi vikegna mae Ruben, vikegna mae Gad nei vikegna mae Manase teu igre. Mare au neu jare ne ghilei thokeni narane te mei armi gna Asiria te khi jifladi ka nodi namono na.

Profet Isaia 30:17

Eghuteuna jame te filoni ghotilo kaisei nodi soldia mae naoka re, kaisei thogha mae ka ghotilo ginauna rikha, naugna ghotilo ne mhaghuni mana. Jame te filodi ghotilo glima mae ka mare na, ghotilo te gnafa na ginauna na kafe rikha. Eghuteuna keha ka ghotilo kolho nate karha te mala jateula kaisei gaju flagi te kegra sopa thegna ka thogele ra teuna.”

Profet Sekaraea 12:8

Ka narane tuana, iara ginauna jateula kaisei greoreo eghu mala reireghi fakelidi naikno te au Jerusalem. Neubane glaꞌe fara keha ka mare, nu iara ginauna kafe tusu lao nanheta ka mare mala nheta mare jateula King Devet tifa ia eghu. Eghuteuna mare ka tharakna gna King Devet, ginauna jateula God eghu ka mare, nei jateula nogu engel iara Lord mae ihei te batudi fabrahu mare.

Levitikas 26:7

Ghotilo ginauna ngolhi fajifladi nomi naokare eghuteuna aknu falehedi ka nodi naflahi mala magra re.

Ululahu Kronikols 5:20

Eghuteuna mae soldia igre ne toreni God mala toghodi ka magra igne. Aonu God ne toghodi mare, naugna mare ne fatutuani ni mana. God ne lisa lao ka khamedi mare vikegna mae Hagri igre, nei iheire te gnafa teke balugna mana re.