Josua 21:4 - Buka Blahi Ka Cheke Holo

⁴ Kokholo gna Kohat kaisei thugna mae Livae, mare neke kulu snakre lao namono igre ka mare. Tharakna ka kokholo gna Eron mae ihei teke pris biꞌo tifa igne, mana teke khotodi nabotho thilo namono eghuteuna keha ka namono igre neke snakre lao ka vikegna Juda, keha ka vikegna Simion, keha ka vikegna Benjamin.

Josua 21:4 ပူးပေါင်းရင်းမြစ်များ

Josua 24:33

Kate lehe Eliesa thugna Eron igne, mare ne giugiluini mana ka namono Gibea ka thogele nogna rijon Efrem, ke lamnagna glose teke tusu lao mare ka thugna mana Finehas.

Naba 3:27

Eghuteuna tothoghei tharakna ka vikegna mae Amram, nei vikegna mae Isaha, nei vikegna mae Hebron, nei vikegna mae Usiel teu igre neke jifla mei ka vikegna mae Kohat.

Josua 21:3

Aonu mae iheire te baubatu ka vikedi Israel igre ne leghuni unha te chekeni Lord igne ne snakre lao namono nei glose teu igre ka vikegna Livae mala tangomana mare te lilisei nodi buluka, nei sipu, nei nanigot teu ka vido te khotogna mare igne.

Josua 21:5

Eghuteuna keha ka kokholo gna Kohat igre khotodi nabotho namono, kehare au ka nogna vido vikegna Efrem, eghuteuna keha ka nogna vido vikegna Dan, eghuteuna keha au ka nogna vido gaga vikegna Manase te au ke mosu Khoꞌu biꞌo Jordan.

Eksodas 6:16

Fatilo thugna mana na Livae, eghuteuna mana au thilo thugna, Geson, nei Kohat, nei Merari. Eghuteuna tharakna teke karha mei ke leghudi thiloi igre au nanghadi thiloi igre. Livae neke au nabagna kaisei gobi tolufulu fitu finogha.

Eksodas 6:20

Amram neke tolaghi ka Jokebed, greghagna kmagna mana. Repa au phei thudi nalhaꞌu, Eron ghe mae Moses. Amram karha ne posani kaisei gobi tolufulu fitu finogha neke lehe nga.

Ululahu Kronikols 6:39

Mae Asaf gne neke kheragna mae Heman, eghuteuna kate loku ka Sugablahi na, mana kegra fei nheta gna mae Heman mala toghoni mana ka khoje. Mae Asaf gne neke karha ka vikegna mae Geson, eghuteuna kuꞌegna mana re igre: Mae Asaf gne neke thugna mae Berekaea. Mae Berekaea gne neke thugna mae Simea. Mae Simea gne neke thugna mae Maekol. Mae Maekol gne neke thugna mae Basea. Mae Basea gne neke thugna mae Malkaeja. Mae Malkaeja gne neke thugna mae Etni. Mae Etni gne neke thugna mae Sera. Mae Sera gne neke thugna mae Adaea. Mae Adaea gne neke thugna mae Etan. Mae Etan gne neke thugna mae Sima. Mae Sima gne neke thugna mae Simei. Mae Simei gne neke thugna mae Jahat. Mae Jahat gne neke thugna mae Geson. Mae Geson gne neke thugna mae Livae.