Josua 2:1 - Buka Blahi Ka Cheke Holo

¹ Kate au teu mae Josua baludi keha vikedi Israel ka vido te au gaju akesia igne, mana kurudi phei mae mala tei Kenan mala filo poru ka namono Jeriko nei ka namono te au faligohoni. Eghuteuna kate tei poru phei mae igre ke lamnagna namono igne, phei mae igre tei ne au ka sugagna kaisei gaꞌase vine, nanghagna na, Rehab.

Josua 2:1 ပူးပေါင်းရင်းမြစ်များ

Hibru 11:31

Kaisei gaꞌase vine, nanghagna na Rehab, neke fatutuani ni God. Naugna igne, kate grofo namono na, naꞌa neke theome lehe baludi naikno te tirodi leghuni God na. Naugna naꞌa neke taji fakelidi phei maedi Israel teke mei efra poru ka namono Jeriko.

Jemes 2:25

Jateula Rehab, kaisei gaꞌase vine. Thogheiro na naꞌa nake doglo fara ke ulugna God naugna naꞌa neke fatutuani ni God neke toghodi phia maedi Israel teke mei efra re neke pophorudi phiamare ka nogna suga na. Aonu ke leghugna igne naꞌa toghodi phiamare neke pulo ka keha nabrou delei.

Matiu 1:5

mae Salmon na neke kmagna mae Boas (Rehab teke idogna mana na); mae Boas na neke kmagna mae Obed (Rut teke idogna mana na); mae Obed na neke kmagna mae Jesi na;

Naba 25:1

Ka vido tuana, naiknodi Israel gre neke au ka vido sare biꞌo Akesia. Eghuteuna keha mae ka naiknodi Israel gre ne vuha ei puhi diꞌa tafri baludi goro gaꞌasedi Moab.

Efesus 5:5

Ghotilo themi la lasenihi igne, nafnata naikno te gnognoro nei edi nafnata glepo te diꞌa igre teuna, mare theo sapedi ka nauthoglu majaghani Kraes ghe God te funei frunini na. Eghuteuna jaola iheire te mamagnadi nodi glepo keha naiknore, mare theo sapedi jare naugna naikno igre jateu te tufru soruni mumuju eghu kolho.

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Josua 3:1

Hamerane boibongi ka keha narane na, mae Josua baludi naikno te gnafadi Israel igre kegra haghe ne jifla Akesia, aonu mare ne tei au rhegna Khoꞌu biꞌo Jordan. Mare ofo neu ka vido igne mala tei kasa ka keha phile khoꞌu na.

Jajis 18:17

Aonu pris igne tei au ka grengatha na baludi soldia gre. Nu glima mae igre tei lamna suga ne hata fajifla mumuju teke horo ka silva balu efod nei keha mumuju langau eghu.

Jajis 18:2

Ka narane tuana, mare vavahi glima mae nheta ka vike mare ka phei namono Sora ghe Estaol. Aonu mare ne kurudi glima mae igre mala tei filo fakeli ka rijon igne mala filoni kaisei namono majaghani malagna vike igne mala au mare tagna. Kate tei glima mae igre te posa ka thogele kantri Efrem igne, mare tei ne au ka sugagna Maeka ne thuru jare.

Josua 5:10

Kate au teu mare Gilgal ka sare rhegna Jeriko igne, mare ne eni kaisei Gaghamu Ghasa-Polho ka grafi nabotho fati gna nhigra igne.

Naba 33:49

Jare ka sare biꞌo Moab na mare au farihotei phei namono, namono Bet-Jesimot ke mata nei namono Akesia ke raru.

Josua 21:31

nei Helkat, nei Rehob.

Jajis 18:14

Glima mae igre fifilo fakeli ka namono Lais ne cheke eghu ka kheradire, “Ei, kaisei maegna agne na, mana au kaisei mumuju teke horo ka silva nei kaisei nafnata pohe te kiloi efod baludi keha mumuju langau eghu. Ba, na faꞌunhadi si glepo igrea?”

Josua 1:18

Eghuteuna ihei te huhughu nigho ba te theome leghuni nou cheke iagho na, naikno tuana ginauna lehe. Nu iagho kegra heta fabrahu, thosei mhaghu ba suaraghi.”

Josua 2:2

Kate nomhi mae funeigna Jeriko igne te mei au phei mae igre ke lamnagna namono na te mala filo glani vido igne,

Profet Maeka 6:5

Ghotilo nogu naikno iara ra! Ghotilo ke ghatho fapulodi gobigna lepo King Balak gna Moab teke magnahaghei fariuriu tibridi kuꞌemi ghotilo ra, eghuteuna ghathoni cheke tughu Balam, thugna Beo, teke tusu lao ka mana. Ghatho fapulodi ka glepo teke edi ka nabrou, kani teke kafe jifla mare teke kasa ka Khoꞌu biꞌo Jordan mala tei ka namono Akesia mala tei ka namono Gilgal. Te keli na ghotilo mala ghatho fapulodi gobigna lepo te keli igre, eghuteuna ghotilo lasedi gobigna lepo teke edi iara teke fakarhidi kuꞌemi ghotilore ka narane tura.”

Jenesis 42:9

Gognaro mana neke ghatho fapuloni phei nogna mifi thegna tifa eidi mae thabusigna igre mala pogho soru ka mana teku na ne cheke eghu, “Ghotilo mae igre jau mei agne mala fasigho kolho ka namono igne sini. Ghotilo magnahaghei te mei te mala lase ghami ghehati te nheta ba te theome nheta na mala mei magra ka ghehati neku jau sini?”

Jenesis 42:16

Kuruni kaisei mae ka ghotilo mala tei hata mei mae teke karha leghu lahu ka ghotilo na. Eghuteuna ghotilo keha mae ra na tei au ka sosolo mala laseni ghehati nomi cheke ghotilo gre te tutuani ba te chaichaghi kolho na. Jame te laseni ghehati te theome tutuani kolho nomi cheke ghotilo re, iara na thofno cheke ka nanghagna mae king gna Ijep te mae fasigho kolho ghotilo na.”

Naba 13:1

Ka vido teke au teku mare ka namono nagou jare Paran, Lord ne cheke eghu ka mae Moses, “Iagho na vahidi nabotho phei mae lida, kaisei mae eghu ka vikemi ghotilo are. Eghuteuna iagho na kuru teidi mare mala tei filoni namono Kenan teke nhaꞌa cheke mala tufa ka ghotilo teku iara ia.” Aonu mae Moses ne edi jateula teke chekedi Lord re, ne vahidi nabotho phei mae lida mala tei filoni vido tuana.