Josua 15:7 - Buka Blahi Ka Cheke Holo

⁷ Nohi igne tei posani glogu Akoa eghuteuna ke haghe thokeni namono Debia, eghuteuna ke figri tei ke raru Gelilot tei posani nabrou Adumin te tei posa ka geri thogele na, eghuteuna leghuni nabrou igne tei thokedi phei glokha khoꞌu En-Semes ghe En-Rogel.

Josua 15:7 ပူးပေါင်းရင်းမြစ်များ

Ululahu Kings 1:9

Kaisei narane mae Adonaeja ne tei fafara ka Thina Mogo, rhegna glokha khoꞌu En-Rogel. Ka vido igne, mana ne falehe sipu, buluka nei sua buluka te blokha mala fafara. Eghuteuna mana kilodi mae thabusigna thegna re, baludi hatimare mae biꞌodi Juda te loku ranghini king, mala tei ghamu ka fafara igne.

Fapea Samuel 17:17

Aonu mae Jonatan thugna mae Abiata ghe mae Ahimas thugna mae Sadok, phiamare ofo neu ka glokha khoꞌu En-Rogel ke kosi Jerusalem, naugna phiamare ne mhaghu nodi fara te tei lamna namono na. Glahu tharukhae nodi ka keha naikno. Aonu kaisei gaꞌase ne tei toutonu ka phiamare unha te edi ka narane tuare, mala tei phiamare cheke ka King Devet.

Josua 7:26

Eghuteuna mare ne bukru thina ke kligna thinigna mae Ekan. Tothoghei thina igne au ngala gognaro na. Naugna igne, mare kiloni vido igne, “Glogu Ako,” gaoghathogna na, Puhi Biꞌo. Ke leghugna igne, Lord ne theome diꞌatagna ka naiknodi Israel.

Profet Isaia 65:10

Eghuteuna iheire te pogho soru ka iara igre nate baubatu te tei nodi buluka nei sipu teure funu ka sare biꞌo ke mosu Saron tei posa ka glogu ke maghati Akoa. Eghuteuna reꞌe ginauna au ghedi kmana buburu te mala ghamu nei gnafa teuna. Iara ginauna eni igne ka naikno te hiro ghau iara re.

Josua 15:15

Eghuteuna kate la uludihi naikno ka namono igre, mae Kelab ke tei neke magra ka naiknodi Debia, namono igne tifa na mare neke kiloni Kiriat-Sefa.

Josua 10:43

Aonu mae Josua balu nogna armi na neke kafe figri Gilgal.

Josua 7:24

Aonu mae Josua baludi naikno te gnafa Israel igre ne batuni mae Ekan ne soru ka glogu Ako. Mare jaola hata nogna silva, nogna pohe, nogna gol, thugna nalhaꞌu, thugna gaꞌase, nogna buluka, nogna dongki, nogna sipu, nogna suga tapuale, nei nogna gobigna lepo fateote'o teke khotodi manare.

Josua 4:19

Naiknore ne kasa ka Khoꞌu biꞌo Jordan ka fabothogna narane nhigra Abib ne tei au Gilgal ke maghati Jeriko.

Josua 15:6

eghuteuna tei posani namono Bet-Hogla, eghuteuna haghe ka thogele biꞌo ke raru Bet-Araba aheva iagho tangomana te filo soru ka glogu Jordan. Eghuteuna ke haghe funu jare tei posani thina biꞌo te kiloi, “Nogna Thina Bohan.” Mae Bohan gne kaisei thugna mae Ruben.

Josua 18:17

Fofota igne figri tei ke raru mala tei posani glokha khoꞌu En-Semes, eghuteuna doglo tei posa Gelilot ka keha phile te mala soru ka thabafe te kiloni Adumim aheva nabrou na te salaꞌu farihoteidi thogele ro. Fofota igne sukha tei posani nogna Thina Bohan. Bohan igne, nanghagna kaisei thugna Ruben.