Josua 15:19 - Buka Blahi Ka Cheke Holo

¹⁹ Naꞌa ne cheke eghu, “Mama, kokhoni ghau iara. Glose ke matagna namono nagou na teke snakre mei iagho ka ghepa igne thono moja fara. Iara magnahaghei nigho iagho te snakre mei kaisei vido glosei ka ghepa aheva te au khoꞌu tagna.” Aonu kmagna na ne snakre lao ka naꞌa glose te au glokha khoꞌu te kiloi mare glokha khoꞌu kligna, eghuteuna glokha khoꞌu pari.

Josua 15:19 ပူးပေါင်းရင်းမြစ်များ

Fapea Korin 9:5

Eghume te ghathoni iara na, iara na toredi thilo mae thabusigna igre mala kulu ari ka ghotilo ame ari nga ghehati eghu, mala tarabana unha teke nhaꞌa chekehi ghotilo ra. Ghehati laseni te tufa ghotilo ra naugna ghotilo thofno magnahaghei te tufa ka namha, theome naugna te huhuruni ghehati ka ghotilo.

Ululahu Samuel 25:27

Iara atha mei keha glepo ka iagho funei maladi nou mae soldia iagho gre.

Diutronomi 33:7

Lord, fanomho ka vikegna Juda kate tarai ari mare ka iagho te mala toghodire. Lord, ke hata fapulo meidi keha vikemi ghehati ra. Tusu lao nolaghi ka vikegna Juda mala magra thedi ka nodi naoka re. Eghume iagho toghodi mala uludi mare nodi naokare.

Jenesis 33:11

Eghume iara gognaro na thofno tore nigho iagho te mala hata nogu namha iara te tusu ari ka iagho igre. Eigna God na neke fablahi ghau iara neke tusu ranghi ghau iara glepo kmana fara.” Eghuteuna naugna ka te cheke heta fara mae Jekop igne mae Iso ne hata u namha tuana.

Jenesis 12:9

Ke leghugna igne mae Ebram nei nogna vike na ne jifla jare ne tei ke mhata. Eghuteuna mana ne tei fabrahu ne ghilei tei posa ka nohi Negev.

Josua 15:18

Ke leghugna tholaghi na, Aksa ne cheke ka mae Otniel mala tei mana tore ka mae Kelab mala tufa keha glose ka repa. Keha fata ke leghu, Aksa tei ne cheke ka kmagna. Aonu kate thoke ka vido igne, naꞌa ne krofu soru ka nogna dongki na, kmagna na ne ghusna eghu ka naꞌa, “Aksa, ne unha?”

Josua 15:20

Igne glose aheva te khotogna vikegna mae Juda.