Josua 14:14 - Buka Blahi Ka Cheke Holo

¹⁴ Mae Kaleb ne thofno leghu fakelini chekegna Lord, nodi God mae Israel ka nagnafagna fateote'o. Eghume, namono Hebron igne nodi tharaknagna mae Kaleb, thugna mae Jefune, nei vikegna mae Kenas eghu fabrahu.

Josua 14:14 ပူးပေါင်းရင်းမြစ်များ

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Jenesis 37:14

Mae kmagna na ne cheke eghu ka mana, “Iagho na tei jare mala filodi hatimare mae thabusimu ra glahula te au fakeli ghu theo ghu teu mare na. Iagho jaola tei mala filodi u sipu ra glahula te au fakeli ghu theo ghu teu reꞌe na. Kate tei iagho te filodi mare na iagho ke pulo mei ka iara eghu mala ke toutonu ranghi ghau iara.” Ka narane igne, mae Jekop nei hatimare eghu au neu ka glogu Hebron. Aonu mae Josep jifla ka namono na ne tei posa Sekem.

Naba 13:6

Ka vikegna mae Juda na, mana ne vahini mae Kelab, thugna mae Jefune.

Josua 14:13

Mae Josua nomhini nogna cheke mana igne ne fablahini mae Kaleb, aonu mae Josua ne snakre lao ka mana namono Hebron.

Josua 14:15

Tifa na, namono Hebron igne mare neke kiloni Kiriat-Aba. Eghuteuna mae Aba gne neke kaisei mae biꞌo ka hatimare mae Anak. Ke leghugna te atha mae Kaleb namono igne, naiknore ne au ka pharikeli.

Josua 11:23

Mae Josua ne kafe atha tongana namono igre ne tufa fari hoteidi vike te gnafa Israel. Eghuteuna kate atha te gnafa mae Israel namono igre, mare ne gnafa magra na ne au soru ka pharikeli.

Fapea Kronikols 15:7

Nu ghotilo mala au heta, eghuteuna gaoghathomi ghotilo re mala thosei glaꞌe soru. Iara ginauna tusu ari glepo te keli ka ghotilo eidi gloku te keli teke edi ghotilo ra.”