Josua 10:9 - Buka Blahi Ka Cheke Holo

⁹ Bongi thongana igne, mae Josua balu nogna armi jifla Gilgal ne tei Gibeon. Mare ne posa lao hamerane boibongi kate theome tarabana teu nodi soldia mae Amo igre.

Josua 10:9 ပူးပေါင်းရင်းမြစ်များ

Fapea Timoti 2:3

Eghuteuna iagho tarabana mala au papara balugu iara jateula kaisei nogna soldia keli mae Jisas Kraes.

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Proveb 22:29

Mae te laseni fara nogna gloku na, mana na theome eni nogna gloku fiti mae na, nu mana ginauna na loku ranghini mae funei.

Fapea Timoti 4:2

mala toutonuni koba chekegna God na. Tarabana leghu fata mala eni igne, neuba naiknore ne tirodi fanomho ka iagho. Iagho toghodi naiknore mala filo glani mare unha te jafra ka nakarhadire. Eghuteuna iagho fadodoglo puhidi naiknore ka unha te jafra ba toghodi mala nheta nodi fatutuani na. Eghuteuna kate farirhiudire, iagho mala taegodi nei farirhiu fakelidi eghu.

Josua 10:8

Lord ne cheke eghu ka mae Josua, “Thosei mhaghudi mae tuare. Iara ginauna togho ghami ghotilo, eghuteuna ghotilo ginauna uluni magra igne. Eghuteuna theo kaisei ka mare nate ulu ghami ghotilo ka magra na.”

Josua 10:10

Eghuteuna kate filoni armi gna Israel igne, nodi soldia mae Amo igre mhaghu nodi fara ne rikha tafri, naugna Lord ne faromno nagnafadire. Mae Josua balu nogna armi ne aknu falehe kmana mae ka mare ka namono igne, eghuteuna ngolhidi kehare leghu nabrou ne tei posa ka thogele te mala haghe ka namono Bet-horon. Mare ngolhi leghudi ne tei aknu falehedi ne ghilei tei posa ke matadi phei namono biꞌo Aseka ghe Makeda.

Josua 11:7

Mae Josua nei hatimare nogna mae soldia, mare tei ne posa Merom kate iho te theome tarabana teu mae naokare ne magra ka mare jare.