Josua 1:2 - Buka Blahi Ka Cheke Holo

² Lord ne cheke eghu ka mae Josua, “Nogu mae gloku iara Moses ia la lehehi, nu gognarona, ghotilo tarabana mala tei kasa ka Khoꞌu biꞌo Jordan, mala tei ka namono teke magnahagheni iara mala au ghotilo teku ia.

Josua 1:2 ပူးပေါင်းရင်းမြစ်များ

Diutronomi 3:28

Nu iara magnahaghei te famane cheke ka mae Josua, eghuteuna iagho farerheta gaoghathogna mana na, naugna ginauna mana u ngala te mala batudi naiknore te kasa ka Khoꞌu biꞌo Jordan mala hata glose nate filoni iagho na.’

Diutronomi 31:7

Aonu mae Moses ne kilo meini mae Josua ke uludi naiknodi Israel ne cheke eghu, “Rheta gaoghathomu na eghuteuna kegra heta fabrahu eghu. Naugna iagho ginauna na batudi naiknore, mala tangomana ghotilo tei te hata glose teke nhaꞌa cheke ni Lord nomi God ka kuꞌemi ghotilo tifa ra.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Josua 1:11

“Ghotilo tei ka naikno ra mala cheke eghu, ‘Ghotilo tarabana keha gano, naugna ka fatilo narane na tahati ginauna kasa ka Khoꞌu biꞌo Jordan mala tei hata namono teke nhaꞌa cheke ranghi ghita noda Lord God.’ ”

Josua 1:1

Ke leghugna te lehe mae Moses nogna mae gloku Lord igne, Lord ne cheke ka Josua thugna mae Nun, mae ihei teke toghoni mae Moses.

Naba 12:7

Nu iara theome eghu ka mae Moses mae ihei te kaisei nogu mae gloku iara na. Mana kolho mae lidadi nogu naikno iara re.

Diutronomi 34:5

Aonu, mae Moses nogna mae gloku Lord igne ne lehe jare Moab, ne thofno horoghoto ka chekegna Lord na.

Thoutonu Eigna Mae Job 1:8

Lord ne cheke eghu ka Satan, “Ba, iagho filo glani puhigna nogu mae gloku iara Job igne? Theo kaisei mae ka nauthoglu igne te jateula mana teuna. Mana kaisei mae keli nei doglo eghu. Eghuteuna mana ghatho tahu ghau iara nei theome magnahaghei te eni kaisei glepo te diꞌa.”

Jenesis 17:8

Namono Kenan te au teu iagho gognaro igne nodi namono keha vikei. Nu iara ginauna na tusu ari ka iagho nei ka thumu iagho nate karha mei ke leghumu iagho re eghu namono igne, eghuteuna namono igne ginauna na nomi ghotilo fabrahu tifa e tifa. Eghuteuna iara ginauna mala nodi God thumu iagho re ngala.”

Nehemaea 9:23

Iagho tusu ranghidi kuꞌemi ghehati ra kmana sua mala jateula nathunu te au ka maloa na are neu. Eghuteuna iagho neke hata meidi mala au ka namono aheva teke chekeni iagho ka kuꞌedi mare ra.