Jone 9:35 - Buka Blahi Ka Cheke Holo

³⁵ Mae Jisas ne nomhini te faꞌau kosini mana hatimare ka suga tharai na. Aonu, mae Jisas tei ne filoni mana ne cheke eghu, “Ba, ghema, iagho fatutuani ni ngau mae teke mei funu ka God gne sia?”

Jone 9:35 ပူးပေါင်းရင်းမြစ်များ

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Ululahu Jone 5:13

Iara riso ari letas igne ka ghotilo naikno te fatutuani ni Thugna God ra. Iara riso ari ka ghotilo mala laseni gognaro ghotilo te hatini thofno karha na.

Jone 10:36

Eghuteuna ka unha gne site ne cheke faparini iara mae Mama teuni ghotilo gnea? Ba, naugna te cheke eghu iara, ‘Iara Thugna God’ teu iara gne? God vahi ghau iara neke kuru mei ghau iara kau nauthoglu gne.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Ululahu Jone 5:10

Ihei te fatutuani ni Thugna God na, mana laseni ka nagnafagna na cheke igne thofno tutuani fara. Nu ihei te theome fatutuani ni God na, unha God te chekeni eigna mae Thugna na, mana kiloni God kaisei mae chaichaghi, naugna mana theome fatutuani ni unha te chekeni God eigna mae Thugna na.

Ululahu Jone 5:5

Ba, ihei tangomana te tapla soruni puhigna nauthoglu igne? Uve, mae ihei ngala te fatutuani ni mae Jisas na thofno Thugna God.

Ululahu Jone 4:15

Ihei te fatutuani nei chekeni Jisas na Thugna God, God au balugna mana nei mana au balugna God.

Letas Teke Riso Tei Mae Pol Ka Khiloau Rom 10:20

Mae Isaia frane fara neke cheke eghu chekegna God na, “Iheire teke theome hiro ghau iara re mare nake filo deni ghau iara. Iara neke falalase ghau thegu ka iheire te theome ghusna ghau iara te mala toghodire.”

Mae Khuru 9:20

Mana doglo ne tei lamnagna nodi suga tharai mae Jiure ne toutonu eigna mae Jisas na thofno Thugna God.

Mae Khuru 8:36

Kate soru te soru mare ka nabrou na, mare tei ne posa ka vido te au keha khoꞌu na. Mae biꞌo na ne cheke eghu, “Filo! Igne u khoꞌu na! Ba, unha gne te lhoti ghau te theome apublahi iara gognaro na?”

Jone 20:28

Mae Tomas ne cheke eghu ka mana, “Tutuani fara, iagho nogu Lord nei nogu God!”

Jone 11:27

Mafa ne cheke eghu ka mana, “Uve, Lord. Iara fatutuani nigho iagho te mae Kraes Thugna God na. Iagho ngala mae ihei te ofoni ghehati te mala mei kau nauthoglu igne.”

Jone 6:69

Gognaro ghehati fatutuani nigho iagho. Ghehati laseni nigho iagho mae blahi neke mei funu ka God.”

Jone 5:14

Kaisei fata ke leghugna igne, mae Jisas neke filoni mae igne ka Sugablahi na. Mae Jisas ne cheke eghu ka mana, “Filo sagho, iagho gognaro na kela kelihi. Eghume iagho gognaro na thosei ke eni kaisei glepo te diꞌa, na eghunu ke thoke nigho iagho kaisei glepo ke diꞌagna ignei eghu.”

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Jone 1:34

Tutuani fara, iara la filonihi. Eghume unha te chekeni iara ka naiknore mae igne ngala thofno mae Thugna God na.”

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Nonomho Te Keli Teke Risoi Mae Mak 1:1

Igne fufunu gna Nonomho te Keli eigna mae Jisas Kraes Thugna God.

Matiu 16:16

Ka vido tuana mae Simon Pita ne cheke eghu, “Iagho mae Kraes, Thugna God te karha fabrahu te tifa.”

Matiu 14:33

Aonu mae fanomhore pogho soru ka mae Jisas ne cheke eghu, “Tutuani fara, iagho thofno Thugna God!”

Nodi Khoje Hatimare Mae Jiu 27:10

Uve, jame te tei koko ghau iara kmagu nei idogu teu gre, Lord ginauna taji fakeli ghau iara.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Nodi Khoje Hatimare Mae Jiu 2:7

King na ne cheke eghu, “Gognarona iara na chekeni unha teke chekeni Lord ia. Mana neke cheke eghu ka iara, ‘Iagho mae thugu iara. Funu gognaro gne, iara mae kmamu iagho.

Matiu 4:3

Satan mei ne cheke eghu ka mana, “Ghema, te Thugna God iagho na, iagho chekedi thina igre mala tughu ke vuhai bret.”

Jone 9:22

Idogna kmagna teu mana ne cheke eghu naugna repa ne mhaghudi mae biꞌodi mae Jiure. Mae Jiure la kulu chekenihi mae ihei te chekeni mae Jisas gne ngala mae Kraes na teuna mala au kosi kau suga tharai na.

Jone 9:34

Aonu, hatimare diꞌa tadi fara ka mana ne cheke eghu, “Ghema, iagho mae tuana diꞌa fabrahu ngala puhimu na funu karha mei mu! Iagho theome naba te farirhiu ghami ghehati na!” Aonu, hatimare ne faꞌau kosini mana kau suga tharai na.

Fatilo Jone 1:10

Kate mei iara na, iara ginauna na chekedi ka ghotilo unha te edi mae Diotrefes. Mana chaichaghi nei cheke fadiꞌa ghita tahati. Nu theome tuana ngala eghu te eni mana na. Mana tirogna toghodi iheire te loku ranghini Kraes. Mana jaola lhotidi iheire te magnahaghei toghodi hatimare mae gloku nei faꞌau kosidi ka khiloau.

Mae Khuru 8:37

Mae Filip ne cheke eghu ka mana, “Jame te fatutuani iagho ka nagnafamu fateote'o na, iagho tangomana.” Mae biꞌo na ne cheke eghu, “Iara fatutuani Jisas na thofno Thugna God!”