Jone 9:31 - Buka Blahi Ka Cheke Holo

³¹ Tahati kafe laseni God na theome fanomho ka nogna tharai mae te diꞌa na nei toghoni mana eghu. Nu God na fanomho ka ihei te pogho soruni nei leghuni teu mana na ngala.

Jone 9:31 ပူးပေါင်းရင်းမြစ်များ

Proveb 15:29

Lord na theome fanomho ka nogna tharai ihei te eni puhi te diꞌa na. Nu mana fanomho ka nogna tharai ihei te doglo na.

Profet Isaia 1:15

Kate ngafa haghe ghotilo khamemire te tarai mei ka iara na, iara ginauna tirogu filo ari ka ghotilo. Neuba ghotilo ne tarai ne tarai leghu rane, iara ginauna tirogu fanomho ka ghotilo. “Naugna dadaradi naikno teke aknu falehe ghotilo ra fodu ka khamemi ghotilore.

Proveb 28:9

Jame iagho te theome fanomho ka unha te chekeni ka vetula na, Lord ginauna theome fanomho ka nou tharai iagho na.

Profet Maeka 3:4

Eghuteuna ghotilo mae lidami Israel ginauna tanhi ka Lord mala togho ghami, nu mana theome cheke tughu ghami ghotilo. Eghuteuna mana ginauna theome nomhidi nomi tharai ghotilo re, naugna ghotilo ne leghudi kolho puhi te diꞌa re!

Nodi Khoje Hatimare Mae Jiu 145:19

Leuleghu fata na mana tusu lao glepo ka iheire te ghatho tahuni mana re. Mana jaola nomhidi nodi tharai re nei fakarhidi.

Profet Sekaraea 7:13

“Kate eha iara ka mare na, mare tirodi fanomho. Aonu kate eha mei mare ka iara na, iara jaola tirogu fanomho ka mare.

Proveb 21:13

Jame te theome fanomho iagho ka naikno te kumare, ginauna na theo kaisei naikno nate fanomho la ka iagho na.

Profet Jeremaea 14:12

Neuba mare ne dangna gano ne theome ghamu fagaglanagna nodi diꞌanagnafa na, eghuteuna neuba mare ne tanhi mei ka iara mala toghodi neu, nu iara ginauna na theome fanomho ka mare. Eghuteuna jame te gahu fafara mare te tusu mei wit te keli ka iara na, iara ginauna theome gleale'adi naikno igre. Iara ginauna kurudi mae naokare mala mei aknu falehedi, eghuteuna grofo nei fogra biꞌo eghu ginauna thokedi mare.”

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Profet Esikiel 8:18

Eghume, iara ginauna jaola fakakhana nogu nolaghi na kate diꞌatagu ka mare. Iara ginauna theome kokhonidi ba fakarhidi. Neuba mare ne tarai fabiꞌo jateula te eha fabiꞌo mei ka iara neu, nu iara ginauna tirogu fanomho ka mare.”

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Nodi Khoje Hatimare Mae Jiu 18:41

Mare neke eha naikno mala mei toghodi neku, nu theo kaisei naikno te mei fakarhidire. Mare neke tanhi ka God, nu God neke tirogna nomhidi mare.

Thoutonu Eigna Mae Job 42:8

Eghume ghotilo na hata tei fitu buluka nalhaꞌudi nei fitu sipu nalhaꞌudi, eghu tei ka mae Job. Eghuteuna ghotilo falelehe glepo igre mala fafara te thofno krono fara. Eghuteuna mae Job nogu mae gloku iara igne ginauna tarai mei ka iara eimi ghotilo. Eghuteuna iara ginauna nomhidi nogna tharai mana re. Neuba ghotilo ne jafrahi, nu iara ginauna na theome para ghami ghotilo. Ghotilo theome cheke fadoglo eigu iara jateula mae Job eghu.”

Thoutonu Eigna Mae Job 35:12

Naugna naikno te diꞌa re fahaehaghe fara, God theome cheke tughu ka mare.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Profet Jeremaea 15:1

Aonu Lord ne cheke eghu ka iara, “Jeremaea, fanomho sagho. Jame neubane mei namo ka iara mae Moses ghe mae Samuel phei nogu mae gloku iara tifa ra, neuba phia mare ne mei tanhi ka iara mala toghodi naiknodi Juda igre neu, iara ginauna na theome kokhonidi naiknodi Juda igre. Kuru tei delei naikno igre! Iara theome magnahaghei te filodi agne na!

Profet Jeremaea 11:11

Aonu Lord ne cheke eghu, iara ginauna na goigonidi mare, eghuteuna theo kaisei naikno ka ghotilo nate rikhani puhi biꞌo igne. Neuba mare ne tanhi ka iara, iara na theome fanomho ka mare.

Profet Isaia 58:9

Eghume, jame te tarai ghotilo ka iara na, iara ginauna nomhi ghami ghotilo. Eghuteuna jame te eha mei ghotilo ka iara na, iara ginauna tarabana mala togho ghami ghotilo. “Jame te koko ghotilo puhi te faparidi keha naiknore, diꞌa ranghidi, tusu khamedi, cheke fadiꞌadi teu keha naiknore,

Nodi Khoje Hatimare Mae Jiu 143:10

Iagho nogu God iara, farirhiu ghau iara sagho mala unha te magnahaghedi iagho re. Kokhoni ghau nei baubatu ghau eghu ka nabrou te karha.

Jenesis 20:7

Gognaro na iagho ke hata fapulo gaꞌase igne ka mae thofno khetogna na, naugna mae igne kaisei nogu mae profet iara, eghuteuna mana ginauna na tarai nigho iagho, eghuteuna iagho ginauna na theome tangomana te lehe na eghu. Nu jame te theome hata fapulo iagho gaꞌase igne na, iagho ginauna na lehe baludi nou naiknore.”

Jenesis 19:29

Aonu kate roꞌedi te gnafa namono teke au ka sare na igre, God neke ghathoni unha teke toreni mae Ebraham eidi naikno te doglo ra ne fakarhi ni mae Lot. Nu mana ne roꞌeni namono aheva teke augna mana na.

Nodi Khoje Hatimare Mae Jiu 106:23

Aonu te chekeni God na, mana ginauna roꞌedi nogna naiknore. Nu mae Moses, mae ihei teke vavahi thegna Lord na ne theome magnahagheni gaoghathogna God na. Aonu mana ne kegra ke ulugna God ne fanograni te diꞌatagna mana ka naiknodi Israel re.

Nodi Khoje Hatimare Mae Jiu 99:6

Mae Moses ghe mae Eron, phia mare nogna mae pris God, eghuteuna mae Samuel kaisei mae ka mae iheire neke tarai ka God. Hatimare mae igre neke tarai ka God, eghuteuna mana neke cheke tughudi nodi tharai mare re.

Nodi Khoje Hatimare Mae Jiu 40:8

Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Hibru 10:7

Eghuteuna ke leghu na, iara ne cheke eghu, ‘God, iara au teu ao, iara tarabana mala eni unha te magnahaghei iagho na, jateula teke riso mare eigu iara kau buka vetula ia eghu.’ ”

Diutronomi 1:45

Aonu mare figri neke mei tanhi ka Lord. Nu Lord ne tirogna fanomho ka mare.”

Thoutonu Eigna Mae Job 35:13

Theo nafugna kolho te mala tanhi na, naugna God mae ihei te au nolaghi fateote'o igne, theome filo glanidi mare, eghuteuna mana theome nomhidi mare.

Jone 9:30

Mana ne cheke eghu ka mare, “Tore! Iara la thono jaglo nogu fara ka ghotilo sia! Ghotilo theome laseni aheva teke mei mana na, nu mana au nolaghi neke fakelidi phei tathagu iara gre.

Jone 9:32

Funu tifa te mei ka vuvuhagna nauthoglu igne te ghilei mei posa gognarona tahati theome nomhini kaisei naikno te fakelini tathagna mae teke karha dofu na.

Jone 11:22

Nu te laseni iara na unha te tore iagho ka God gognaro na, God ginauna tusu ranghi nigho iagho.”