Jone 9:24 - Buka Blahi Ka Cheke Holo

²⁴ Hatimare ne fapea kilo meini mae teke dofu tifa na ne cheke eghu ka mana, “Ghema, iagho mei agne mala nhaꞌa cheke ke ulugna God, mala chekeni iagho unha te tutuani na! Ghehati laseni mae te fakelidi phei tathamu iagho gre mana kaisei mae diꞌa fara puhigna na.”

Jone 9:24 ပူးပေါင်းရင်းမြစ်များ

Jone 9:16

Eghuteuna, keha mae Farasi re ne cheke eghu, “Mae teke eni igne neke theome mei funu ka God, naugna mana ne theome leghuni vetula gna narane Sabat.” Nu keha mae re ne cheke eghu, “Jame mae teke eni igne mana mae diꞌa meuna, mana jame theome tangomana te edi kofubobhoi igre.” Mae Farasire ne theome kaisei gaoghatho eigna mae Jisas.

Josua 7:19

Eghuteuna mae Josua ne cheke eghu ka mae Ekan, “Ghema, iagho gognarona kegra ke ulugna God, noda Lord tahati maeda Israel! Iara magnahaghei nigho iagho te cheke thakledi unha teke edi iaghore. Iagho thosei pophoru kaisei glepo ka iara.”

Jone 19:6

Kate filoni mae Jisas na mae pris ulu nei mae pulis te reireghi gna Sugablahi na mare filo lao ka mae Jisas ne eha fabiꞌo, “Tupijuruni mae tuana! Tupijuruni mae tuana!” Mae Paelat ne cheke eghu ka mare, “Athani mana si ghotilo mala tupijuruni mana themi. Naugna iara theome filoni kaisei najafra ka mana te nabagna te mala fate faleheni mana na.”

Fapea Korin 5:21

Kraes na theo kaisei nakhibogna. Nu te mala togho ghita na, God neke lisa lao ke kligna gna mana nakhiboda te gnafare. God neke eni igne mala tangomana tahati te doglo ke ulugna God.

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Jone 18:30

Mare ne cheke eghu, “Mae igne kaisei mae diꞌa! Jame theome loku jafra mana meuna, ghehati jame theome atha meini mae igne ka iagho.”

Jone 16:2

Naiknore ginauna faꞌau kosi ghami ghotilo ka nodi suga tharai are. Uve, narane na mei, mare ginauna falehe ghami ghotilo. Eghuteuna mare gaoghathodire ne enihi unha te magnahagheni God na eghu.

Jone 14:30

Iara ginauna theome cheke faraugha balumi ghotilo, naugna mae Satan mae funei gna nauthoglu igne, la namo meihi. Tutuani fara, mana theo kaisei nogna nolaghi ke klignagu iara.

Jone 8:49

Mae Jisas ne cheke eghu ka mare, “Theo, theo kaisei naitu te au ke lamnagu iara na. Iara ghatho tahuni mae Kmagu na, nu ghotilo cheke fadiꞌa ghau iara.

Jone 8:46

Ba mae ihei ka ghotilo te filo ghau iara te eni unha glepo te diꞌa na? Te chekeni iara tutuani na, naugna unha me theome fatutuanidi ghotilo unha te chekedi iara re?

Jone 5:23

Mae Mama ne eni igne mala ghatho tahu ghau iara mae Thugna na naikno te gnafare, jateula ngau mare te ghatho tahu nila mae Kmagu iara na. Mae ihei te theome ghatho tahu ghau iara na, naikno tuana theome ghatho tahu nila mae Mama mae ihei teke kuru mei ghau iara na.”

Luku 19:7

Naiknore ne kafe filoni igne ne funu buiburini mae Jisas ne cheke eghu, “Filo si ghotilo! Tahati laseni mae Sakias gne kaisei mae gnognoro fara, eghuteuna mae Jisas gne la mei ka sugagna mana na!”

Luku 15:2

Hatimare mae Farasi nei mae velepuhigna vetula nogna mae Moses eghu filoni igne ne buiburi ne cheke eghu, “Mae igne fofodu baludi mae te diꞌa igre, eghuteuna tangomana te ghamu baludi mare!”

Luku 7:39

Kate filoni igne, mae Simon ne au gaoghathogna ne cheke eghu, “Jame thofno mae profet mae igne na, mana jame laseni puhigna thau te haboni mana igne. Naugna naꞌa kaisei naikno gnognoro fara!”

Nonomho Te Keli Teke Risoi Mae Mak 15:27

Jaola hatimare ne tupijuru balugna mae Jisas phia mae teke blau. Kaisei mae fei nhetagna nei kehana fei mairigna.

Profet Isaia 66:5

“Ghotilo naikno te leghu ghau nei ghatho tahu ghau teu iara ra, fanomho fakeli ka nogu cheke iara Lord. Naugna ghotilo ghatho tahu ghau iara fabrahu, eghuteuna keha naikno ka ghotilo theome magnahaghei te loku fodu balumi ghotilo. Eghuteuna mare maꞌe ghami ghotilo cheke eghu, ‘Snakreni Lord mala mei mana balu nogna nolaghi biꞌo mala filoni ghehati te glealeꞌa fara ghotilo na.’ Nu mare ginauna mamaja nodi fara.

Esra 10:11

Gognarona, ghotilo mala cheke thakledi nakhibomire ka Lord, nodi God kuꞌeda tifara. Eghuteuna ghotilo mala leghudi puhi te magnahaghedi mana re. Eghume ghotilo au fadelei ka naikno bongihehe te au ka noda glose tahati gne eghuteuna ghotilo koko gaꞌase bongihehe te tolaghi ghotilo are.”

Jone 9:25

Eghuteuna, mana ne cheke eghu ka mare, “Iara theome laseni ne mae diꞌa fara mana puhigna teuna. Nu kaisei glepo te lase fakelini iara na, iara neke dofu, eghuteuna gognaro na iara kela fifilo!”

Thakle 11:13

Ka vido tuanala ne kaisei nakheu biꞌo. Eghuteuna kaisei vidogna namono biꞌo na ne groꞌe, eghuteuna fitu thogha naikno ne lehe ka nakheu tuana. Eghuteuna naikno teke theome lehere mhaghu nodi fara ne cheke fakelini nanghagna God gna kligna na.