Jone 9:16 - Buka Blahi Ka Cheke Holo

¹⁶ Eghuteuna, keha mae Farasi re ne cheke eghu, “Mae teke eni igne neke theome mei funu ka God, naugna mana ne theome leghuni vetula gna narane Sabat.” Nu keha mae re ne cheke eghu, “Jame mae teke eni igne mana mae diꞌa meuna, mana jame theome tangomana te edi kofubobhoi igre.” Mae Farasire ne theome kaisei gaoghatho eigna mae Jisas.

Jone 9:16 ပူးပေါင်းရင်းမြစ်များ

Jone 10:19

Kate nomhidi mae Jiu gre cheke mae Jisas igre, mare ne theome kaisei gaoghatho ka nogna cheke mana re.

Jone 7:43

Aonu naiknore ne theome kaisei gaoghatho eigna mae Jisas ne fnota.

Jone 7:12

Kmana naikno ne cheke pouporu eigna mae Jisas. Keha naiknore ne cheke eghu, “Mae igne kaisei mae keli fara puhigna na.” Keha naiknore ne cheke eghu, “Theo, mae igne magnahaghedi naiknore mala leghudi kolho nogna chaghi thegna re.”

Jone 3:2

Kaisei bongi mana neke mei ka mae Jisas, ne cheke eghu ka mana, “Velepuhi, ghehati lase nigho iagho kaisei mae velepuhi biꞌo neke mei funu ka God. Naugna jame te theome togho nigho God na, iagho jame theome tangomana te edi kofubobhoi igre.”

Matiu 12:2

Hatimare mae Farasi filoni igne ne cheke eghu ka mae Jisas, “Ghema, filo sagho ka nou mae fanomho are, mare loku kau narane Sabat. Nu narane igne thono blahi fara ka noda vetula tahati mae Jiu gre!”

Jone 15:24

Iara neke edi glepo te theome tangomana kaisei naikno te edi re fari hoteidi mare. Jame theome edi iara igre na, naiknore jame theome tangomana te filo glanidi nakhibodire. Eghume neuba ngau mare ne filodihi glepo te edi iara re, mare theome kafe magnahaghei ghami ghepa mae Mama.

Jone 14:11

Khogla fatutuani ghau iara te au balugna mae Mama, nei mae Mama au balugu iara. Ghotilo jame fatutuanidi nogu cheke iara te tutuani igre, naugna ghotilo la filodihi gloku biꞌo te edi iara ra eghu. Eghuteuna ghotilo mala fatutuani eidi glepo tuare.

Jone 9:24

Hatimare ne fapea kilo meini mae teke dofu tifa na ne cheke eghu ka mana, “Ghema, iagho mei agne mala nhaꞌa cheke ke ulugna God, mala chekeni iagho unha te tutuani na! Ghehati laseni mae te fakelidi phei tathamu iagho gre mana kaisei mae diꞌa fara puhigna na.”

Jone 6:52

Kate nomhidi cheke mae Jisas igre, hatimare mae Jiu ne funu diꞌa tadi ne fapholai fari thedi. Aonu, mare ne cheke eghu, “Faꞌunha tangomana si mae igne te tusu mei ka tahati thinigna na te mala ghamu na ia?”

Jone 5:36

“Nu glepo te edi iara igre, ke biꞌodi teke chekedi mae Jone rei, naugna u kofubobhoi te edi iara igre neke edi kau nogna nolaghi mae Mama neke famei ka iara. Eghuteuna u kofubobhoi te edi iara igre u fagaglana gna mae Mama teke kuru mei ghau iara na.

Mae Khuru 14:4

Nu naiknogna namono tuana na ne fnota ka phei tothoghei. Kaisei tothoghei na ne kaisei gaoghatho baludi mae biꞌodi mae Jiure, eghuteuna keha tothoghei na ne kaisei gaoghatho baludi mae khurure.

Matiu 12:10

Eghuteuna jare ka suga tharai na au kaisei mae te lehe khamegna na. Eghuteuna mare magnahaghei te fathoethokeni mae Jisas ne mei cheke eghu ka mana, “Ba, vetula na snakre ghita tahati site fakarhani naikno te fogra na ka narane Sabat na?”

Luku 13:14

Mae biꞌogna suga tharai na ne diꞌatagna fara ka mae Jisas, naugna mae Jisas ne fakelini gaꞌase tuana ka narane Sabat. Aonu mae biꞌogna suga tharai na ne cheke eghu ka naiknore, “Namno narane kolho te mala loku tahati na. Eghume ghotilo mei ka kaisei narane ka narane tuare mala ke fakeli fapulo ghami mare. Thosei mei mala fakeli ghami mare kau narane Sabat.”

Jone 2:11

Igne kofubobhoi ulu lahu teke eni mae Jisas ka namono Kena ka provins Galili. Jare mae Jisas ne falalase nogna nolaghi biꞌo God na, eghuteuna nogna mae fanomho manare ne fatutuani ni mana.

Jone 5:10

Aonu, hatimare mae biꞌodi mae Jiu igre ne cheke eghu ka mae teke keli fapulo na, “Gognarogne narane Sabat. Thono blahi fara ka noda vetula tahati na te pala iagho nou khifra na kau narane Sabat gne.”

Jone 7:23

Te mala leghuni nogna vetula mae Moses na ghotilo tohi fagaglana sua nalhaꞌu na ka fahanagna narane na. Te khale kau narane Sabat fahanagna u narane na ghotilo ginauna eni tohi fagaglana na kau narane tuana. Naugna unha site diꞌatami ghotilo ka iara kate fakelini iara thinigna thongana kaisei mae kau narane Sabat gnea?