Jone 9:10 - Buka Blahi Ka Cheke Holo

¹⁰ Hatimare ne ghusna eghu ka mana, “Ne faꞌunha neke keli fapulo sagho phei tathamu teke dofu ra?”

Jone 9:10 ပူးပေါင်းရင်းမြစ်များ

Ululahu Korin 15:35

Nu keha naikno jame ghusna eghu, “Faꞌunha eghu ke karha fapulo si naikno tela lehehi grea? Unha nafnata thini si nate hata mare na ia?”

Jone 9:26

Goro mae biꞌo re ne ghusna eghu ka mana, “Phei tathamu are ba? Unha te eni mana ka iagho tekela fifilo iagho gognarogne?”

Jone 9:21

Nu ghepa theome laseni ne faneha neke keli nga mana phei tathagnare teuna, nu ghepa theome laseni mae ihei teke fakelidi phei tathagnare. Tei si ghotilo ghusnani mana mala toutonu mana thegna, mana theome mae sua.”

Jone 9:15

Hatimare mae Farasi neke ghusnani langau mana eigna teke keli fapulo mana phei tathagnare. Mana ne cheke eghu ka mare, “Mae igne ne muki glose te bothu na ka phei tathagu iara re. Kate tei dadalu iara tathagure, iara neke fifilo fakeli.”

Jone 3:9

Mae Nikodimas ne ghusna eghu ka mana, “Faꞌunha eghu tangomana si ignea?”

Nonomho Te Keli Teke Risoi Mae Mak 4:27

Bongi, mana thuru eghuteuna hamerane teuna ke dofra haghe leuleghu fata na mana eghu koba, nu sisire funu sublo haghe ne kotu. Eghuteuna mana theome laseni ne faꞌunha ne kotu teuna.

Eklesiasti 11:5

Iagho theome laseni faꞌunha ne karha nga neu sua na lamna ka thiꞌagna idogna na teuna. Jateula tuana eghu iagho theome laseni nogna gloku God na, mae ihei teke vuavuhadi gobigna lepore.

Profet Jeremaea 36:17

Mare neke cheke eghui ka mana, “Iagho cheke ka ghehati. Faꞌunha ne rioriso soru sagho cheke igre ia? Profet Jeremaea neke cheke ranghi nigho iagho neke rioriso soru cheke igre?”

Jone 6:1

Kaisei fata ke leghugna igne mae Jisas ne kasa baludi nogna mae fanomhore ka keha phile Kholo Galili te kiloni jaola Kholo Taebirias.

Jone 9:9

Keha naiknore ne cheke eghu, “Uve, mana ngala!” Nu kehare ne cheke eghu, “Theo, theome mana, kaisei mae jateula mana eghu.” Mana thegna ne cheke eghu ka mare, “Uve, iara ngala!”

Jone 9:11

Mana ne cheke eghu ka mare, “Mae te kiloi Jisas na neke eꞌei keha chopu neke muki ka tathagu iara re. Aonu mana cheke ghau iara neke tei dadalu ka kholo te kiloi Siloam. Aonu, iara tei ne dadalu phei tathagure, neke ghosei neke fifilo fapulo.”