Jone 8:6 - Buka Blahi Ka Cheke Holo

⁶ Mare cheke igre khogla saosagroni kolho mae Jisas, mala cheke jafra mana nu athini mana ka fate eghu kolho. Nu mae Jisas theome cheke ne pogho soru ne rioriso ka thagru glose na, ka geghesu thegna na.

Jone 8:6 ပူးပေါင်းရင်းမြစ်များ

Profet Jeremaea 17:13

Lord God, ghehati maemi Israel gre fatutuani nigho. Ihei te figri tagru nigho na ginauna mamaja nogna fara. Ihei te tei koko nigho iagho na, ginauna na jateula cheke te rioriso soru ke kligna nusu ra eghu, eghuteuna ghosei me dofini teura eghu kolho. Lord, iagho jateula glokha khoꞌu te tusu mei karha na ka ghehati ra eghu.

Luku 10:25

Kaisei fata, kaisei mae velepuhigna vetula nogna mae Moses mei ka mae Jisas ne fariuriu saosagroni mana. Mana ne cheke eghu, “Velepuhi, unha gne nate eni iara te mala tangomana iara te hatini karha fei tifa na?”

Matiu 19:3

Keha mae Farasi mei ne fariu saosagroni mae Jisas. Mare ne ghusna eghu ka mana, “Ghema, snakreni ka noda vetula tahati na si mae te koko khetogna na ka keha puhi te magnahaghei mana na ia?”

Profet Emos 5:10

Puhi te eni ghotilo ka fate na igne thono diꞌa fara. Eigna jame kaisei mae chekedi unha glepo te tutuani re, eghuteuna diꞌa tagnadi unha te edi fadiꞌa ghotilo ka fate na teu igne, ghotilo ginauna tiromini mae ihei te doglo puhigna na igne.

Eklesiasti 3:7

Narane mala reku pohe nei narane mala susuki pohe. Narane mala au kmu nei narane mala cheke.

Ululahu Korin 10:9

Eghuteuna tahati mala thosei fariuriuni Lord jateula mare eghu, eigna mogo na neke falehedi mare.

Nonomho Te Keli Teke Risoi Mae Mak 10:2

Aonu, keha mae Farasi ne mei funu saosagroni mana. Mare ne cheke eghu ka mana, “Ba, snakreni ka noda vetula tahati na si mae te mala koko khetogna na ia?”

Nonomho Te Keli Teke Risoi Mae Mak 8:11

Keha mae Farasire mei ka mae Jisas ne toutonu balugna mana, naugna mare magnahaghei te saosagroni mana. Aonu mare toreni mana mala eni kaisei fagaglana mala laseni mana teke mei funugna kligna ka God na.

Matiu 26:63

Nu mae Jisas ne theome cheke. Aonu mae pris biꞌo na ne cheke eghu, “Gognarona iagho nhaꞌa cheke ka ghehati. Iara magnahaghei nigho iagho ka nanghagna God te karha, cheke kate tutuani ka ghehati. Iagho ngala si mae Kraes Thugna God na ia?”

Matiu 22:35

Aonu kaisei mae ka hatimare mae Farasi, mana laseni fara nogna vetula mae Moses. Mana mei ne saosagroni mae Jisas ne ghusna eghu ka mana, “Velepuhi, vetula aheva gne te biꞌo tulao ka nogna vetula mae Moses igre?”

Matiu 22:18

Nu mae Jisas lasedi mae igre fariu saosagroni kolho mana. Aonu mana ne cheke eghu ka mare, “Ghotilo mae chaichaghi! Naugna unha site fariu saosagro ghau iara ghotilo gnea?

Matiu 16:1

Kaisei narane, keha mae Farasi nei keha mae Sadiusi, mare mei mala saosagroni mae Jisas. Aonu mare ne cheke eghu ka mana, “Iagho eni kaisei kofubobhoi. Igne fagaglana te mala laseni ghehati nolaghi teke funu ka God na.”

Matiu 15:23

Mae Jisas ne theome cheke ka naꞌa. Nogna mae fanomhore mei ne cheke eghu ka mana, “Ghema, chekeni sagho naikno biꞌo tuana mala tei delei! Naugna naꞌa leghu ghita ne eha fabrahu.”

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Profet Emos 5:13

Ka narane te edi naiknore nafnata puhi te diꞌa igre, ghotilo mae te lalase ra au kmu kolho theome ghagri kaisei cheke ka mare.

Profet Daniel 5:5

Aonu kaisei khame naikno megei nga ne jifla mei, rioriso neu ka gringnigna nogna suga king na ka vido te agha teu juta na.

Proveb 26:17

Kate farore iagho ka nodi fapholai keha naiknore, iagho jateula te korho ka khuligna khuma na ia eghu.

Naba 14:22

Theo kaisei naikno ka mare te ginau tei ka vido Kenan na. Mare filodihi nogu nolaghi nei khofubobhoi teke edi iara Ijep nei ka namono nagou teure. Nu neubane eghu ngau mare theome ke leghu ghau iara kolho nei mare fariuriu ghau iara nabotho fata.

Jenesis 49:9

Juda, iagho jateula kaisei lion majaghani te falelehe bosu te ghamu ghegna ra eghu, eghuteuna gnafa teuna gnokro soru me thuru nogna, eghuteuna theo kaisei naikno te frane te mala lao fadofrai ia eghu.

Jone 8:2

Hamerane boibongi ka keha narane na, mae Jisas neke pulo Jerusalem ne ruma ka Sugablahi na. Ka narane tuana, kmana naikno filoni mana ne mei khapru faligohoni mana. Eghuteuna mana gnokro soru ne toutonu ranghidi Nonomho te Keli na.

Luku 11:16

Keha naiknore magnahaghei te fariuriuni mae Jisas. Aonu mare ne toreni mana mala eni kaisei kofubobhoi mala laseni glahula mei funu ka God tutuani.

Nonomho Te Keli Teke Risoi Mae Mak 12:15

Nu mae Jisas ne laseni unha mae igre te magnahaghei saosagro na. Mana ne cheke eghu ka mare, “Naugna unha site magnahaghei saosagro ghau iara ghotilo gnea? Hata mei sileni na mala filoni iara.”

Nodi Khoje Hatimare Mae Jiu 39:1

Te chekeni iara na, iara ginauna na reireghi fakelidi unha te edi iara re. Na eghu nu cheke fadiꞌa iara ka nogu chekere eghu. Kate au teu mae te diꞌare rhegui na, iara ginauna na theome gagri kaisei cheke.

Nonomho Te Keli Teke Risoi Mae Mak 3:2

Aonu keha naiknore magnahagheni te fathoethokeni mae Jisas. Mare ne thono filo leghuni mana glahula me fakelini mana mae te lehe khamegna na kau narane Sabat.