Jone 8:58 - Buka Blahi Ka Cheke Holo

⁵⁸ Mae Jisas ne cheke eghu ka mare, “Tutuani fara, te chekeni iara ka ghotilo na, ka narane theome karha nga tekeu mae Ebraham na, iara neke kulu auhi!”

Jone 8:58 ပူးပေါင်းရင်းမြစ်များ

Eksodas 3:14

God ne cheke eghu ka Moses, “Nanghagu iara na, ‘IARA IHEI TE AU FABRAHU. Iagho tei cheke eghu ka naiknodi Israel ra: God, mae ihei te kuru mei ghau iara ka ghotilo igne, nanghagna IARA.’ ”

Kolose 1:17

Mae Kraes neke kulu au ke uludi gobigna lepore, eghuteuna ka nogna nolaghi mana te loku fodudi gobigna lepore.

Jone 17:5

Mama, gognarona fafnakno ghau iara ke ulumu. Tusu mei ka iara nafnakno teke kulu au ka iara kani teke au tekeu iara balumu iagho ia, ame eni nga iagho nauthoglu gne teku ia.

Profet Isaia 44:6

Lord mae ihei te au nolaghi fateote'o igne nodi King mae Israel, eghuteuna mana atha fasnagli ghami ghotilo. Mana neke cheke eghu, “Iara ngala God na, iara neke kulu au neke aunga gobigna lepo igre, eghuteuna iara ginauna na jaola leghu lahu. Uve, theo kaisei god ahevanga, kaisei Iara ngala.

Thakle 1:8

Noda Lord God neke cheke eghu, “Iara teke au tifa, gognaro gne, nei nake pulo mei nathuꞌu nauriha balu nolaghi fateote'o tifa tifa.” Tutuani, mana kulu au neke vuavuha nga gobigna lepore nei mana na au fabrahu kate ari te gnafadi gobigna lepore.

Hibru 13:8

Eigna mare fatutuani ni mae Jisas Kraes gne theome tughu gnora, nei gognaro nei tifa tifa.

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Profet Isaia 48:12

Lord ne cheke eghu, “Ghotilo naiknomi Israel, fanomho mei ka iara! Iara neke vahi ghami ghotilo mala nogu naikno iara. Kaisei iara ngala God na. Iara neke kulu au neke aunga gobigna lepo igre, eghuteuna iara ginauna na jaola leghu lahu ka gobigna lepo fateote'o igre.

Thakle 2:8

Mae igne ne cheke eghu ka iara, “Iagho rioriso kaisei letas ranghini engel gna khiloau Smana, eghuteuna iagho cheke eghu ka mana: Igne nogu cheke iara mae ihei te kulu au neke vuavuha nga gobigna lepore nei au fabrahu kate ari te gnafadi gobigna lepore. Tutuani, tifa na iara neke lehehi, nu gognaro na iara kela karha fapulo.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Profet Isaia 43:13

Uve, iara God mae ihei te au fabrahu funu tifa na. Theo kaisei naikno te rikhani nogu nolaghi iara na, eghuteuna theo kaisei naikno nate tughu glepo teke edi iara re.” Igne chekegna Lord.

Profet Isaia 46:9

Ghotilo ghathodi glepo teke edi tifa ra. Eghuteuna te mala laseni ghotilo na, kaisei iara ngala God na, theo kaisei god ahevanga te jateula iara teuna.

Profet Isaia 44:8

Ghotilo nogu naikno iara ra, ghotilo thosei mhaghu nei nanga nomi eghu! Iara neke toutonuhi ka ghotilo gobigna lepo nate thakle mei ginau re. Ghotilo mala toutonudi glepo te chekedi iara igre. Ba? Kaisei god au aheva nga te jateula iara teuna? Iara theome laseni. Kaisei iara ngala te jateula nomi thina rheta mala poru teu ghotilo na.”

Jone 8:51

Tutuani fara, te chekeni iara ka ghotilo na, mae ihei te leghuni chekegu iara na, mana ginauna theome lehe tifa e tifa.”

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Jone 8:34

Mae Jisas ne cheke eghu ka mare, “Tutuani fara, te chekeni iara ka ghotilo na, iheire te loku jafra ka nakhibo na, naikno tuare sneka ka nakhibo.

Jone 8:24

Naugna igne te chekeni iara ka ghotilo na, ‘Ghotilo ginauna lehe baludi nakhibomi are’. Te theome fatutuani ghau iara ghotilo, iara kaisei mae teke karha mei jateula kaisei mae biꞌo teuna, ghotilo ginauna na lehe kau nakhibomire!”

Jone 8:28

Mae Jisas ne cheke eghu ka mare, “Gognaro ghotilo na theome lasedi nogu cheke iara gre ghilei nhaꞌa haghe ghau iara ghotilo mae teke mei funu ka God gne kau gaju fafatha na. Kau narane tuana ame laseni nga ghotilo te theome eni iara kaisei glepo leghuni nogu gaoghatho thegu na. Nu unha mae Kmada teke farirhiu ghau iara re ngala te farirhiudi iara ka ghotilo re.

Jone 10:25

Mae Jisas ne cheke eghu ka mare, “Iara la chekehi ka ghotilo, eghuteuna ghotilo theome fatutuani ghau ngala iara. Ghotilo la filodihi gloku biꞌo teke edi iara ka nogna nolaghi mae Mama. Eghuteuna glepo te edi iara igre ngala te mala lase ghau iara ghotilo na.