Jone 8:47 - Buka Blahi Ka Cheke Holo

⁴⁷ Mae iheire te nogna God re, mare fanomhidi chekegna God re. Nu ghotilo gne theome nogna God naugna ghotilo ne tiromi fanomho ka mana!”

Jone 8:47 ပူးပေါင်းရင်းမြစ်များ

Fapea Jone 1:9

Mae ihei lalase te tei sala'uni nogna farirhiu mae Kraes na, God na theome au ka mana. Nu mae ihei te leghuni fabrahu nogna farirhiu mae Kraes na, mae Mama ghe mae Thugna ginauna na kafe au balugna mana.

Jone 18:37

Mae Paelat ne cheke eghu ka mana, “Eghume, iagho mae King eghu?” Mae Jisas ne cheke eghu ka mana, “Uve, te chekeni teu ngala iagho themu tuana, iara mae King. Iara neke karha mei ka nauthoglu igne mala cheke thakleni unha te tutuani na. Mae ihei te magnahaghei leghuni unha te tutuani na, fanomho ka iara.”

Ululahu Jone 3:10

Eghume tahati lasedihi iheire te thugna God nei iheire te thugna mae Satan. Iheire te theome eni unha te doglo na theome thugna God. Eghuteuna ihei te theome namhani kheragna fofodu na mana theome thugna God.

Jone 8:45

Nu iara chekeni ka ghotilo u glepo tutuani na. Naugna igne ghotilo theome fatutuanidi unha te chekedi iara re.

Jone 8:37

Iara lase ghami ghotilo thofno vikegna mae Ebraham. Nu iara lase ghami ghotilo magnahaghei te falehe ghau iara, naugna ghotilo theome magnahaghei te leghudi u nogu farirhiu iara re.

Jone 8:43

Ghotilo theome laseni unha te chekeni iara na. Naugna ghotilo theome magnahagheni te leghudi nogu cheke iara re.

Jone 6:65

Mae Jisas neke cheke eghu, “Igne u gaoghathogna teke chekeni iara ia, theome tangomana kaisei naikno te mei ka iara na jame te theome snakre meini mae Mama ka iara na.”

Fatilo Jone 1:11

Uve thabusigna, thosei leghuni unha te diꞌa na, nu leghuni unha te keli. Mae ihei te eni unha te keli na mana thugna God. Nu mae ihei te eni unha te diꞌa na mana theome laseni God.

Ululahu Jone 5:1

Iheire fateo te fatutuani ni mae Jisas na mae Kraes, igre goro thugna God. Ihei te namhani God Mama na jaola namhadi thugnare.

Profet Daniel 12:10

Puhi biꞌo te thoke mei gognaro igre mala toghodi naikno kmana mala au doglo nei gae eghu ke ulugna God. Nu naikno te diꞌare ginauna theome lasedi gaoghathodi glepo igre, eghuteuna mare ginauna edi fabrahu glepo te diꞌa igre. Nu naikno te autadi gaoghatho te keli gre ngala nate filo glanidi re glepo igre.

Jone 5:25

Tutuani fara te chekeni iara ka ghotilo na. U narane na la meihi, la kulu auhi agne, kau narane tuana naikno teke lehehira ginauna nomhi ghau iara mae Thugna God na. Eghuteuna naikno nate nomhi ghau nei leghu ghau teu iara tuare na athini u karha na.

Jone 12:48

Mae ihei te theome keli tagna ka iara, nei tirogna fanomho ka chekegu iara na teuna, kaisei glepo nate fateni mana na. Cheke te farirhiu iara igre na fateni mana kau narane leghu lahu na.