Jone 8:44 - Buka Blahi Ka Cheke Holo

⁴⁴ Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Jone 8:44 ပူးပေါင်းရင်းမြစ်များ

Mae Khuru 13:10

ne cheke eghu ka mana, “Ghema, iagho thugna mae Satan! Iagho tiroudi gobigna lepo te kelire. Eghuteuna iagho fodu salaꞌui ka nafnata puhi te chaichaghi nei puhi te diꞌa nei batu fadiꞌadi naiknore eghu. Iagho leuleghu fata na fadiꞌani koba thofno chekegna Lord na ne jateula te khogla cheke chaichaghira neu kolho.

Ululahu Jone 3:12

Thosei jateula mae Kein, mana nogna mae Satan neke faleheni mae tahigna na. Mana faleheni mae tahigna naugna glepo te edi mana re diꞌa fara, eghuteuna glepo te edi mae tahignare keli fara.

Fapea Korin 11:3

Nu iara nanga nogu fara, glahula baubatu fajafradi mare gaoghathomi ghotilo re mala theome klino nei theome namhani eghu ghotilo Kraes. Glahu jateula mogo teke saosagroni Ivi ka chekegna te chaichaghi ia eghu.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Jone 8:38

Iara chekedi unha teke filodi thegu ka namono gna mae Mama na, nu ghotilo edi unha glepo teke cheke ranghi ghami mae kmami themi na.”

Jone 8:41

Eghume, te chekeni iara ka ghotilo na, ghotilo ke edi la glepo teke edi mae kmami themi re.” Nu mae Jiure ne cheke eghu ka mana, “Ghema, ghehati theome jateula goro sua te theome laseni mae kmadi na ia eghu sia. Nu ghehati mae kmami na kaisei God ngala.”

Ululahu Jone 3:15

Ihei te tirognani kheragna fofodu na mae tuana kaisei naikno aknu poru ka nagnafagna na. Ghotilo lasenihi theo kaisei naikno aknu poru te hatani karha fei tifa na.

Matiu 13:38

Nauthoglu igne jateula nagare eghu. Naikno te funei frunidi God igre jateula sisi te keli eghu. Naikno te leghuni Satan igre jateula sokiaro eghu.

Letas Teke Rioriso Mae Jud 1:6

Eghuteuna ghotilo ke ghatho fapulo dila hatimare mae engel. God neke tusu ranghidi nolaghi biꞌo. Nu keha ka mare theome magnahagheni nolaghi igne ne rikhani nodi famane namono nafnakno na. Aonu God ne reridi ka chen te maku ne koko laodi ka namono te romno fara na. Mare na ofou ka namono tuana ghilei thokeni narane biꞌo te mala fatedire.

Ululahu Jone 2:4

Jame kaisei naikno cheke eghu, “Iara laseni God!” nu theome leghuni chekegna God teuna, mana kaisei mae chaichaghi. Eghuteuna cheke tutuani na theome au ke lamnagna mana.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Thakle 9:11

Cheche igre au kaisei nodi mae King te mala funei frunidire. Mae igne kaisei mae engel, mana ngala mae biꞌo gna glave te mamhara fara igne. Eghuteuna ka cheke Hibru na, nanghagna engel igne mare kiloni mana, “Abadon”, nei ka cheke Griki na, “Apolion”. Eghuteuna ka cheke tahati na, “Mae mala goigonidi thua lepore.”

Mae Khuru 5:3

Ke leghugna igne, mae Pita ne filoni mae Ananias ne cheke eghu ka mana, “Ghema Ananias, naugna unha sagho te snakreni mae Satan te batu fadiꞌani nagnafamu na te chaghini mae Tharunga te Blahi gnea? Naugna unha sagho te tathaji teu malamu themu keha vidogna sileni gnea?

Ululahu Kronikols 21:1

Mae Satan magnahaghei te ei puhi biꞌo mala thokedi naiknodi Israel, aonu mae Satan ne tusu lao gaoghatho ka mae Devet mala kaha naiknodi Israel.

Jone 6:70

Mae Jisas ne cheke eghu ka mare, “Iara neke kafe vahi ghami ghotilo nabotho phei mae. Nu neuba ngau kaisei mae ka ghotilo na thono jateula mae Satan eghu.”

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Fapea Pita 2:4

Kate tapla jafra engel re tifa na, God neke kuru teidi Gehena mala au papara mare jare. Mare mala au fabrahu jare ka vido te romno tuana ghilei thokeni narane fate na.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Thoutonu Eigna Mae Job 1:11

Nu jame hata fadelei iagho gobigna lepo igre ka mana meuna, mana ginauna cheke fadiꞌa nigho ka tathamu iagho na!”

Ululahu Kings 22:22

“Lord ne cheke eghu ka mana, ‘Ka unha nate eni iagho na?’ Naitu igne ne cheke eghu, ‘Iara ginauna tei chekedi nogna profet mae Ehab igre mala cheke chaichaghi mare.’ “Lord ne cheke eghu, ‘Tei sagho gognarogne, mala tei mana ka magra.’ ”

Matiu 12:34

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Matiu 13:15

Naikno igre bobotho nagnafadire naugna mare theome magnahaghei te raꞌe lalase. Mare fadodofu tathadire naugna mare theome magnahaghei te raꞌe filo glanini kaisei glepo. Mare fofotho khulidire naugna mare theome magnahaghei te raꞌe laseni kaisei glepo. Mare edi glepo igre naugna mare theome magnahaghei teke pulo mei ka iara mala fakarhidi.’ Igne unha teke chekeni God ka mae profet Isaia na.

Jone 7:17

Mae ihei te magnahaghei leghuni unha glepo te magnahaghedi God re, mae tuana ginauna lasedi unha te chekedi iara igre neke mei funudi ka God teuna. Mana ginauna laseni u farirhiu igre theome nogu iara thegu.

Jone 8:55

Neubane chekeni ghotilo ‘Mana na noda God tahati’ neu, ghotilo theome thofno laseni mana. Nu iara ngala te laseni mana na. Jame chekeni iara ne theome laseni mana teuna, iara jame kaisei mae chaghi jateula ghotilo eghu. Nu iara laseni fara mana nei leghudi chekegna mana re.

Ululahu Jone 1:8

Te chekeni tahati, “Tahati theo kaisei nakhiboda teuna”, tahati chaghi ghita theda kolho, eghuteuna u tutuani na theome au ke lamnada.

Ululahu Jone 2:21

Iara theome riso ari ka ghotilo naugna ne theome laseni cheke te tutuani na. Theo. Iara riso ari ka ghotilo naugna ghotilo lasenihi cheke te tutuani na, eghuteuna ghotilo lasedihi chaichaghi ghe tutuani gre theome tei fodu.

Mae Khuru 24:9

Keha mae Jiu kaisei gaoghatho ne toghoni mae Tetelas ne kafe cheke eghu, “Glepo te chekedi mana tuare thofno tutuani fara.”