Jone 8:36 - Buka Blahi Ka Cheke Holo

³⁶ Eghume, jame te atha fasnagla ghau iara mae Thugna God na, ghotilo ginauna snagla nomi tutuani ngala.

Jone 8:36 ပူးပေါင်းရင်းမြစ်များ

Fapea Korin 3:17

Te chekeni teu ka grioriso te blahi igne “Lord” na mae Tharunga te Blahi, eghume ihei te figri ka Lord na gaoghathogna na thofno snagla mala fatutuani ni mae Jisas Kraes naugna Tharunga gna Lord na au ka mana.

Galesia 5:1

Mae Kraes neke fasnagla ghita mala au snagla fabrahu tahati. Eghume ghotilo kegra heta. Thosei snakreni kaisei naikno me mala hata fapulo ghami jateula naikno sneka eghu.

Letas Teke Riso Tei Mae Pol Ka Khiloau Rom 8:2

Jaola naugna tahati kaisei balugna mae Jisas Kraes, nogna puhi te keli Tharunga te Blahi na tusu ranghi ghita karha te tutuani na. Eghuteuna mana ne hata fasnagla ghita ka puhi nakhibo te tangomana te falehe ghita.

Luku 4:18

“Tharunga gna God na au balugu iara. Naugna mana neke vahi ghau iara mala toutonuni Nonomho te Keli gne ka naikno te kumare. God neke kuru ghau iara mala toutonu ka naikno te au sosolo ka nakhibodire mala snagla mare, nei naikno teke dofure mala ke fifilo fapulo. Eghuteuna iheire te au papara ke paridi nodi nolaghi keha mae re ginauna mala ke au ka pharikeli.

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Nodi Khoje Hatimare Mae Jiu 119:133

Thosei snakre ghau mala tapla jafra iara ka nakhibo. Uve, iagho eni igne eigna iagho neke nhaꞌa chekenihi.

Nodi Khoje Hatimare Mae Jiu 119:32

Iara magnahaghei fara te leghudi nou cheke iagho ra, naugna iagho ginauna togho ghau iara mala lase fakelidi iara.

Nodi Khoje Hatimare Mae Jiu 19:13

Lhoti ghau mala thosei ke edi iara puhi te fameomekro te magnahaghedi iara gre, eghuteuna iagho thosei snakredi puhi te diꞌa igre mala funei fruni ni nakarhagu gne. Gognaro te haghe na iara mala snagla ka nogna nolaghi nakhibo.

Ululahu Korin 7:22

Tutuani, mae ihei teke mae sneka kani teke kiloni Lord na, mana gognaro na snagla malagna Lord. Jateula mae teke snagla kolho kani teke kiloni Lord na, mana gognaro na mae sneka malagna Kraes.