Jone 8:34 - Buka Blahi Ka Cheke Holo

³⁴ Mae Jisas ne cheke eghu ka mare, “Tutuani fara, te chekeni iara ka ghotilo na, iheire te loku jafra ka nakhibo na, naikno tuare sneka ka nakhibo.

Jone 8:34 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 6:16

Ghotilo kulu lasenihi igne, eigna te snakre ghami themi ghotilo te au ke parigna kaisei mae te mala leghuni nogna cheke na, ghotilo ginauna leghuni kolho nogna cheke naikno tuana. Ghotilo ginauna jateula tuana eghu ka nakhibo na. Naugna jame te eghu na, ghotilo ginauna jateula nogna mae sneka eghu kolho nakhibo, ka puhi tuana nakhibo na ginau falehe ghami kolho. Nu jame au jateula nogna mae sneka God teu ghotilo te mala leghudi chekegna mana re, God ginauna togho ghami mala au doglo ghotilo ke ulugna thegna.

Fapea Pita 2:19

Mare neke nhaꞌa cheke ka naiknore eigna nasnagla na. Nu mare thedi na theome snagla kolho eghu. Mare jateula te sneka eghu ka puhi nate roꞌedi teu mare. Naugna naikno na sneka ka puhi diꞌa te batuni mana na.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Letas Teke Riso Tei Mae Pol Ka Khiloau Rom 6:12

Eghume, thosei snakreni nakhibo mala funei frunidi thinimi are, eigna thinimi are ginauna lehe kolho. Na eghunu batu ghami nakhibo me leghudi ghotilo puhimi themi te diꞌare eghu.

Letas Teke Riso Tei Mae Pol Ka Khiloau Rom 6:6

Tahati laseni fara igne. Nakarhada tifa na tahati jateula te tupijuru eghu balugna Kraes ke kligna gaju fafatha, mala tangomana God te roꞌeni nogna nolaghi nakhibo teke au ka nakarhada tifa na. Ka puhi igne nakhibo na theo kaisei nogna nolaghi te mala funei fruni ghita na.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Letas Teke Riso Tei Mae Pol Ka Khiloau Rom 7:25

Tahati mala cheke fakelini God, eigna mana ginauna eni igne ka nogna gloku mae Jisas Kraes noda Lord! Eghume iara thegu na jateula igne eghu, ka gaoghathogu na, iara thofno magnahaghe te leghuni nogna mae gloku nogna vetula God. Nu naugna iara kaisei naiknogna nauthoglu igne kolho, iara leghuni u puhigna nakhibo te au ke lamnagu.

Ululahu Kings 21:25

(Theo kaisei mae te jateula King Ehab teu te snakreni nakarhagna na te mala eni glepo te thono diꞌa fara ka tathagna Lord na. Gobigna lepo te edi mana igre thono diꞌa fara, khetogna mana Jesebel igne te batuni mana na.

Letas Teke Riso Tei Mae Pol Ka Khiloau Rom 7:14

Eghuteuna te laseni tahati na, u vetula gne neke mei funu ka God, nu naugna iara maegu ka nauthoglu igne naikno kolho, iara au jateula nogna mae sneka eghu nakhibo.

Mae Khuru 8:23

Iara filo glanini nagnafamu iagho na la fodu fara kau goghotu gognaro na, eghuteuna puhi te diꞌa na la funei fruni nigho iagho.”

Jone 3:3

Mae Jisas ne cheke eghu ka mana, “Uve, tutuani fara te chekeni iara ka iagho na. Theo kaisei naikno tangomanani te ruma ke lamnadi naikno te funei frunidi God re ghilei ke karha majaghani ghu mana.”

Matiu 5:18

Nu tutuani fara te chekeni iara ka ghotilo na, kate au nga teu nauthoglu ghe maloa gre baludi gobigna lepo igre, ginauna theome hata koko kaisei phugra cheke ikoi kau nogna vetula mae Moses na, ghilei horoghoto ka gaoghathodire.