Jone 8:29 - Buka Blahi Ka Cheke Holo

²⁹ Eghuteuna mae Mama mae teke kuru mei ghau iara na, mana au fabrahu balugu iara. Mana theome tei koko ghau iara, naugna iara edi fabrahu gobigna lepo te magnahaghedi mana mala edi iara teku re.”

Jone 8:29 ပူးပေါင်းရင်းမြစ်များ

Jone 6:38

Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.

Jone 16:32

Fanomho ghotilo ia. Narane te mala sopa thei ghotilo na la namohi. Ka narane tuana ghotilo ginauna kafe tei koko ghau iara nake pulo ka nomi namono themi re. Narane tuana agne hi gognarona. Nu iara ginauna theome au thegu eghu, naugna mae Kmagu iara na au balugu iara.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Jone 15:10

Te leghudi ghotilo nogu vetula iara re, iara ginauna namha ghami ghotilo fabrahu. Jateula ngau iara te leghudi nogna vetula mae Mama re, eghuteuna mana namha ghaula iara.

Jone 5:30

Iara theome tangomana te eni kaisei glepo leghuni u nogu gaoghatho thegu na. Iara tangomana te fateni naikno na leghuni unha te chekeni mae Mama na. Eghume unha te fatedi iara naiknore thofno doglo fara, naugna iara theome fariuriu loku leghudi kolho unha glepo te magnahaghedi iara thegu re, nu iara loku leghudi kolho unha glepo te magnahaghei mae teke kuru mei ghau na.

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Jone 8:16

Nu kate fateni iara naikno na, iara fateni mana ka puhi te tutuani nei doglo eghu. Naugna theome iara thegu kolho te fate na, nu ghepa mae Mama mae teke kuru mei ghau iara na te mala fate naikno na.

Ululahu Jone 2:1

Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Jone 14:31

Nu iara magnahaghedi naiknogna nauthoglu igne te lase ghau iara te namhani mae Mama na. Eghume iara edi ngala unha te chekedi mae Mama mala edi iara teku mana re. “Uve, kheraguro, ghotilo kegra haghe mala tei kokoni tahati vido igne.”

Jone 17:4

Iara na fatakleni nou nolaghi biꞌo iagho na ka naiknogna nauthoglu igne. Eghuteuna iara la loku fahuidihi gobigna lepo mala edi iara teku iagho ra.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Matiu 3:17

Aonu kaisei naogla ne cheke eghu mei funugna kligna, “Igne mae thofno Thugu iara na. Iara thofno namhani mana nei keli taguni eghu mana.”

Profet Isaia 42:6

“Iara Lord, iara neke kilo nigho mala fakakhana nakarhagu iara te doglo na. Iara ginauna au balumu iagho mala reireghi fakeli nigho. Ka iagho, iara ginauna eni nogu nhaꞌa cheke na baludi naiknogna nauthoglu igne. Eghuteuna iara ginauna togho nigho mala jateula kaisei juta eghu ka naikno te au romno ka nauthoglu igne.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Profet Isaia 42:21

Lord kelitagna fara te kilo fnakno ka puhigna mana te doglo. Eghuteuna mana magnahaghedi fara nogna naiknore te kilo fnaknoni mana nei nogna vetula.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Fapea Timoti 4:22

Iara toreni Lord Jisas Kraes mala fablahi nigho, eghuteuna nogna khokofakasai God na au balumi hui. Me gnafa. Iara, mae Pol.

Matiu 3:15

Aonu mae Jisas ne cheke eghu ka mae Jone, “Eni sagho gognarona. Naugna ka igne na tapa eni unha te magnahagheini God na.” Mae Jone ne faꞌuveni mana.

Ululahu Jone 3:22

Eghuteuna tahati na hata ka mana unha teke toreni. Naugna tahati leghuni nei eni unha te keli tagna mana.