Jone 8:27 - Buka Blahi Ka Cheke Holo

²⁷ Hatimare theome laseni gaoghathogna te chekeni mana eigna God mae Kmagna na.

Jone 8:27 ပူးပေါင်းရင်းမြစ်များ

Profet Isaia 6:9

Mana ne cheke eghu ka iara, “Iagho tei ka nogu naikno iara ra mala cheke eghu ka mare: “ ‘Ghotilo ginauna nomhini chekegu iara na, nu ghotilo ginauna theome lasedi kolho gaoghathodi glepo igre. Ghotilo ginauna filodi unha te edi iara igre, nu ghotilo ginauna theome filo glani kolho kaisei glepo!’

Jone 8:47

Mae iheire te nogna God re, mare fanomhidi chekegna God re. Nu ghotilo gne theome nogna God naugna ghotilo ne tiromi fanomho ka mana!”

Jone 8:43

Ghotilo theome laseni unha te chekeni iara na. Naugna ghotilo theome magnahagheni te leghudi nogu cheke iara re.

Profet Isaia 59:10

Ghehati nolo tafri jateula naikno te dofu ra eghu. Neuba ghehati ne nolo tafri fari hotei naublatha, nu ghehati totokhei uka pari jateula ihei te nolo tafri fari hotei bongiro ra eghu. Neuba ghehati ne au baludi iheire te nheta igre, nu ghehati jateula naikno tela lehehi ra eghu kolho.

Jone 8:26

Iara au kmana glepo fara te mala cheke eimi ghotilo nei mala fate ghami ghotilo teuna. Nu iara ginauna kafe cheke ka ghotilo naiknogna nauthoglu igne unha teke nomhidi iara ka mae teke kuru mei ghau na. Naugna unha te chekedi mana re thono tutuani fara.”

Jone 8:28

Mae Jisas ne cheke eghu ka mare, “Gognaro ghotilo na theome lasedi nogu cheke iara gre ghilei nhaꞌa haghe ghau iara ghotilo mae teke mei funu ka God gne kau gaju fafatha na. Kau narane tuana ame laseni nga ghotilo te theome eni iara kaisei glepo leghuni nogu gaoghatho thegu na. Nu unha mae Kmada teke farirhiu ghau iara re ngala te farirhiudi iara ka ghotilo re.