Jone 8:25 - Buka Blahi Ka Cheke Holo

²⁵ Hatimare ne ghusna eghu ka mana, “Ghema, iagho mae ihei sia?” Mae Jisas ne cheke eghu ka mare, “Iara ngala mae ihei teke chekeni thegu ka ghotilo tifa ia.

Jone 8:25 ပူးပေါင်းရင်းမြစ်များ

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Luku 22:67

Mare ne cheke eghu ka mae Jisas, “Cheke sagho ka ghehati. Iagho mae Kraes sia?” Mae Jisas ne cheke eghu ka mare, “Jame chekeni iara ka ghotilo ne mae Kraes teuna, ghotilo theome tangomana te fatutuani ghau iara na.

Jone 19:9

Aonu, mana neke ruma lamna suga ne ghusna eghu ka mae Jisas, “Iagho neke mei funumu aheva sia?” Mae Jisas ne theome cheke tughu ka mana.

Jone 1:22

Eghuteuna, hatimare ne cheke eghu ka mana, “Teuna, mae ihei eghu sagho ia? Famane cheke fakeli sagho eimu themu na mala ke pulo toutonu ghehati ranghidi mae teke kuru mei ghami ghehati ra. Ba, unha eghu iagho cheke eimu themu na?”

Jone 10:24

Hatimare mae Jiu ne kafe khapru mei ka mae Jisas ne cheke eghu ka mana, “Ghema, iagho faraugha ghami ghehati. Faghose cheke mei sagho mala lase nigho ghehati. Iagho ngala si mae Kraes na ia, ba theo?”

Jone 1:19

Kaisei fata na, hatimare mae biꞌodi mae Jiu te au ka namono Jerusalem igre ne kurudi keha mae pris baludi keha mae te loku ka Sugablahi na mala mei ghusna eghu ka mae Jone, “Ghema, iagho mae hei?”

Jone 8:24

Naugna igne te chekeni iara ka ghotilo na, ‘Ghotilo ginauna lehe baludi nakhibomi are’. Te theome fatutuani ghau iara ghotilo, iara kaisei mae teke karha mei jateula kaisei mae biꞌo teuna, ghotilo ginauna na lehe kau nakhibomire!”

Jone 8:26

Iara au kmana glepo fara te mala cheke eimi ghotilo nei mala fate ghami ghotilo teuna. Nu iara ginauna kafe cheke ka ghotilo naiknogna nauthoglu igne unha teke nomhidi iara ka mae teke kuru mei ghau na. Naugna unha te chekedi mana re thono tutuani fara.”