Jone 8:22 - Buka Blahi Ka Cheke Holo

²² Mae biꞌodi hatimare mae Jiu ne cheke eghu fari thedi, “Mana te chekeni na tahati ginauna theome tangomana te tei ka vido aheva te tei thegna na teu si mana gne. Na tei faleheni thegna mana fou?”

Jone 8:22 ပူးပေါင်းရင်းမြစ်များ

Jone 8:52

Goro mae biꞌo re ne cheke eghu ka mae Jisas, “Uve, gognaro na ghehati lase nigho hi ka nou cheke themu re, iagho au kaisei naitu ke lamnamu. Naugna mae Ebraham ia la lehehi tifa nei hatimare mae profet ra jaola lehe hila. Nu te chekeni iagho na, ‘Mae ihei te leghuni chekegu iara na mana na theome lehe tifa e tifa.’

Jone 8:48

Hatimare mae Jiu ne cheke eghu ka mana, “Tutuani fara te chekeni ghehati ka iagho na, iagho theome mae Jiu nu iagho maemu ka namono Samaria, eghuteuna kaisei naitu au ke lamnamu iagho. Ba, theome doglo si cheke te edi ghehati grea?”

Nodi Khoje Hatimare Mae Jiu 22:6

Nu gognaro na iara theome jateula naikno eghu, nu ka gaoghathodi naiknore iara gne jateula madukhe eghu kolho. Naiknore diꞌa tadi fara ka iara, mare tirodi ghau iara.

Hibru 13:13

Eghume tahati mala tei ka mae Jisas mala au balugna mana ke kosi namono kate para ghita naiknore jateula teke eni mare ka mana ia eghu.

Hibru 12:3

Ghathoni mae Jisas. Mana au nheta ne snakreni thegna ka khamedi naikno te fodu ka nakhibore mala parani. Jateula tuana eghu ghotilo thosei nigra, nei thosei blogho ka nomi fatutuani na.

Jone 10:20

Kmana naikno ka mare ne cheke eghu, “Mae igne au kaisei naitu ke lamnagna la fanolini pha'ugna mana na! Ghotilo thosei lao fanomho ka mana!”

Jone 7:35

Hatimare mae Jiure nomhidi cheke mana igre ne cheke eghu fari thedi, “Sei, na tei aheva si mae ignea mala theome filoni tahati? Ba, na tei ka naikno tahati te au ka namonodi mae Griki ra? Ba mala tei farirhiudi mae Griki are?

Jone 7:20

Aonu naikno khapru teu jare re ne cheke eghu ka mana, “Ghema, kaisei naitu na au ke lamnamu iagho! Mae ihei gne site rogna falehe nigho iagho na ia?”

Nodi Khoje Hatimare Mae Jiu 123:4

Naugna funu tifa te mei na mae te dedei gre, mare ghatho tahudi fara thedi igre, mare cheke fapari ghami ghehati.

Nodi Khoje Hatimare Mae Jiu 31:18

Fofotho foflodi mae te patugama igre sagho, eigna mare lase cheke fahahage nei cheke fadiꞌadi mae te doglore igre neu. Nu mare mae lase cheke chaichaghi kolho eghu.

Jone 1:19

Kaisei fata na, hatimare mae biꞌodi mae Jiu te au ka namono Jerusalem igre ne kurudi keha mae pris baludi keha mae te loku ka Sugablahi na mala mei ghusna eghu ka mae Jone, “Ghema, iagho mae hei?”