Jone 8:21 - Buka Blahi Ka Cheke Holo

²¹ Mae Jisas neke cheke eghu ka naiknore, “Iara ginau nake tei koko ghami ghotilo. Eghuteuna ke leghugu iara na, ghotilo ginauna hari ghau iara, nu ghotilo ginauna lehe baludi nakhibomi are. Ghotilo ginauna theome tangomana nate mei thoke ka namono aheva te tei iara na.”

Jone 8:21 ပူးပေါင်းရင်းမြစ်များ

Jone 7:34

Ghotilo ginauna hiro ghau iara, nu ghotilo ginauna theome filo ghau iara, naugna ghotilo ginauna theome tangomana te thoke ka vido aheva nate tei au iara na.”

Jone 8:24

Naugna igne te chekeni iara ka ghotilo na, ‘Ghotilo ginauna lehe baludi nakhibomi are’. Te theome fatutuani ghau iara ghotilo, iara kaisei mae teke karha mei jateula kaisei mae biꞌo teuna, ghotilo ginauna na lehe kau nakhibomire!”

Jone 13:33

“Uve, thuguro, iara ginauna theome au faraugha balumi ghotilo. Iara na jifla tei koko ghami ghotilo. Ghotilo ginauna hari ghau iara, nu ghotilo na theome filo ghau iara. Jateula teke chekeni iara tifei ka goro mae biꞌodi mae Jiura eghu, eghuteuna te chekeni iara gognarona, aheva te tei iara na ghotilo ginauna theome tangomana te mei na.

Efesus 2:1

Tifa na ghotilo neke au ka glehe, naugna ghotilo neke huhughuni God nei edi unha glepo te diꞌa.

Jone 12:35

Mae Jisas ne cheke eghu ka mare, “Gognarona naphae na ginauna au balumi ghotilo katha vido. Eghume te keli na ghotilo nonolo kani au ngau naphae na. Eghuteuna gromno na ginauna theome tangomana te mei ka ghotilo na. Mae ihei te nonolo kate romno na, mana na theome laseni nabrou na.

Jone 12:33

Mae Jisas neke chekedi glepo igre mala glola ka naiknore unha nafnata glehe nate lehe mana ginauna.

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Matiu 23:39

Te chekeni iara ka ghotilo na, ghotilo ginauna theome filo ghau iara ghilei thokeni narane te mala meigu iara na eghuteuna ghotilo na kafe cheke eghu, ‘God fablahini mana te mei ka nanghagna Lord!’ ”

Profet Isaia 65:20

“Theo kaisei sua nate lehe ka namono igne. Naikno te gnafa te au ka namono igne ginauna theome ghosei lehe. Jame ihei te lehe kate thokeni kaisei gobi finogha na, naiknore te ghathoni na, mae igne majaghaniu ngala. Eghuteuna jame ihei te lehe te thokeni nga narane igne na, naiknore ginauna ghathoni ne parani iara teuna.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Proveb 11:7

Kate lehe naikno te diꞌa na, nogna grouronu mana na, lehe balugna mana. Eghuteuna nogna nakmusa teke edi mana re theo nafudi.

Ululahu Kings 18:10

Ka nanghagna Lord mae ihei te karha te tifa, iara thofno cheke kate tutuani ka iagho, King Ehab neke kurudi nogna mae glokure mala tei tongana ka kantri te gnafa ka nauthoglu igne mala hiro nigho iagho. Jame kaisei mae king chekeni te thosei au iagho ka nogna kantri na teuna, mana na eni kaisei cheke te nheta fara mala laseni te tutuani nogna cheke mana igne.

Jone 7:36

Mae igne te chekei na tahati ginauna hironi mana, nu tahati ginauna theome filoni mana, eghuteuna tahati ginauna theome tei thoke ka vido aheva te au mana na teu signe. Unha eghu si mana gaoghathodi u cheke igrea?”