Jone 8:18 - Buka Blahi Ka Cheke Holo

¹⁸ Iara cheke eigu thegu, eghuteuna mae Mama mae teke kuru mei ghau iara na mana cheke eigu la iara.”

Jone 8:18 ပူးပေါင်းရင်းမြစ်များ

Jone 8:58

Mae Jisas ne cheke eghu ka mare, “Tutuani fara, te chekeni iara ka ghotilo na, ka narane theome karha nga tekeu mae Ebraham na, iara neke kulu auhi!”

Jone 8:38

Iara chekedi unha teke filodi thegu ka namono gna mae Mama na, nu ghotilo edi unha glepo teke cheke ranghi ghami mae kmami themi na.”

Hibru 2:4

God jaola neke falalase chekegna te thofno tutuani na ka kmana nafnata fagaglana nei kofubobhoi eghu teke edi mana re. Jaola, mana ne falalase neke tusu ranghidi nogna nolaghi mae Tharunga te Blahi na ka kmana nafnata puhi mala toghoni nodi gloku na, leghuni nogna gaoghatho thegna na.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Jone 10:14

“Iara ngala mae greireghi sipu te keli na. Jateula ngau mae Mama te lase ghau iara, nei iara laseni la mae Mama, jateula tuana eghu iara lasedi nogu sipure nei nogu sipu iara re jaola lase ghau iara. Iara snakreni karhagu na mala lehe nei ke fakarhidi eghu nogu sipure.

Jone 10:11

“Iara ngala thofno mae greireghi sipu te keli na, te snakreni karhagu na mala lehe ranghidi nogu sipure.

Jone 10:9

Iara gne jateula u grengatha eghu. Naikno te ruma mei ka iara na, mana ginauna tangomana te ludeni u vido te keli na. Eghuteuna mana ginauna tangomana nate ruma mei nei jifla teu kau nasnagla na. Eghuteuna mana ginauna ludedi u glepo te keli te malagna u nakarhagna na.

Jone 8:51

Tutuani fara, te chekeni iara ka ghotilo na, mae ihei te leghuni chekegu iara na, mana ginauna theome lehe tifa e tifa.”

Jone 8:25

Hatimare ne ghusna eghu ka mana, “Ghema, iagho mae ihei sia?” Mae Jisas ne cheke eghu ka mare, “Iara ngala mae ihei teke chekeni thegu ka ghotilo tifa ia.

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Jone 10:30

Uve, ghepa mae Mama na kaisei ngala.”

Jone 11:25

Mae Jisas ne cheke eghu ka naꞌa, “Uve, kaisei iara ngala te tusu lao u karha ka naikno te lehe na mala teke karha fapulo na. Nu ihei te fatutuani ghau iara na, neubane lehe mana ginauna karha fabrahu.

Naba 35:30

“Jame kaisei mae faleheni keha mae na, mae tuana jaola mala lehe. Nu ghotilo mala au phei ba thiloi nomi witnes mala cheke fajiflani glepo igne ne tuani ba theo teuna, nu jame te kaisei mae witnes kolho na mana theome nabagna te lehe na.