Jone 8:17 - Buka Blahi Ka Cheke Holo

¹⁷ U nomi vetula ghotilo ia cheke eghu, ‘Te kafe nanaba phiamare nodi chekere unha te chekeni phiamare na tutuani fara.’

Jone 8:17 ပူးပေါင်းရင်းမြစ်များ

Diutronomi 19:15

Aonu mae Moses ne cheke eghu, “Ghotilo theome tangomana te fateni ihei jame te kaisei witnes kolho te chekeni najafragna mana na. Phei ba thilo mae te mala witnes ka najafra teke eni mana na ame fateni nga ghotilo mana eghu.

Diutronomi 17:6

Nu ulu lahu na, ame aknu falehe nga ghotilo teu na, ghotilo mala au phei ba thilo witnes ka puhi igne. Jame kaisei mae kolho te chekeni glepo igne na, ghotilo theome tangomana te faleheni mana ba gaꞌase na.

Hibru 10:28

Mae ihei teke huhughudi nogna vetula mae Moses igre eghuteuna phei mae ba thiloi filoni mana te huhughuni vetula na, naiknore neke theome kokhonini mana. Mare neke faleheni mana.

Matiu 18:16

Te tirogna fanomho fakeli mana ka iagho na, iagho ke pulo ka mana fapea fata na. Nu iagho toreni kaisei ba phei naikno mala tei balumu. Naugna grioriso te blahi na cheke eghu, ‘Kate fathoethoke kaisei mae eigna keha mae na, phei ba thilo naikno au balugna mana mala fanomho ka unha te chekeni mana na, nei kaisei gaoghatho ka unha te chekeni mana na.’

Galesia 3:24

U vetula na neke saghe leghu ghita fabrahu neke ghilei posa mei mae Kraes. Kate mei mae Kraes na, tahati tangomana te fatutuani ni mana, eghuteuna tahati doglo ke ulugna God.

Fapea Korin 13:1

Igne fatilo fata nate ari posa iara ka ghotilo na. Ghathoni u grioriso te blahi na ne cheke eghu, “Kate fathoethoke ihei eigna keha naikno na, phei ba thilo naikno teke filo tathadi puhi igne na mala au fanomho ka unha te chekeni mana na.”

Thakle 11:3

Eghuteuna ke lamnadi narane igre, iara ginauna tusu lao nolaghi ka phei nogu mae profet igre mala toutonuni phiamare chekegna God na. Phiamare ginauna pipichi pohe pipito teke hohoro ka khakla nanigot, fagaglana gna nodi diꞌanagnafa na.”

Galesia 4:21

Ba, ghotilo iheire te magnahaghei leghuni vetula na, ghotilo theome laseni unha te thofno chekeni ka vetula na?

Ululahu Jone 5:9

Tahati fatutuani ka unha te chekeni naikno na. Nu unha te chekeni God na thono heta fara uluni chekegna naikno, eghuteuna mana cheke eigna Thugna.

Ululahu Kings 21:10

Ghotilo hata mei phei mae mala vuavuha cheke, phei mae igre mala gnokro rhegna mana mala cheke faparini mana ke uludi hatimare mae biꞌo. Phiamare mala cheke chaghi eigna mana te cheke faparini God nei jaola cheke faparini king. Eghuteuna ghotilo hata fajiflani mana mala fada falehe ka thina.”

Jone 15:25

Igne horoghoto ka unha teke risoni ka vetula na eigna mae Kraes, ‘Mare theome magnahaghei ghau iara kate theo nafugna.’

Jone 10:34

Mae Jisas ne cheke eghu ka mare, “Te risoni ka nomi vetula ghotilo themi na, God neke cheke eghu, ‘Ghotilo kafe jateula God eghu.’

Naba 35:30

“Jame kaisei mae faleheni keha mae na, mae tuana jaola mala lehe. Nu ghotilo mala au phei ba thiloi nomi witnes mala cheke fajiflani glepo igne ne tuani ba theo teuna, nu jame te kaisei mae witnes kolho na mana theome nabagna te lehe na.