Jone 8:15 - Buka Blahi Ka Cheke Holo

¹⁵ Ghotilo khogla fate leghuni kolho gaoghathogna naiknogna u nauthoglu igne kolho, eghuteuna iara theome fateni kaisei naikno jateula te eni ghotilo tuana eghu.

Jone 8:15 ပူးပေါင်းရင်းမြစ်များ

Ululahu Samuel 16:7

Nu Lord ne cheke eghu ka mae Samuel, “Iagho thosei ghathoni mae igne, neuba mana ne mae brahu nei famane mae neu, iara theome magnahagheni mae igne. Naugna puhigu iara te mala filo ka naikno na theome jateula puhigna naikno eghu. Naikno na filo fei thini kolho, nu iara Lord filo lamna ka nagnafagna naikno na.”

Jone 12:47

“Ihei te nomhidi nogu cheke iara igre, eghuteuna theome leghudi nei theome fatutuani ghau iara teuna, iara na theome fateni mana. Naugna iara theome mei mala fatedi naikno te au ka nauthoglu igne, nu mei mala fakarhidi naikno te au ka nauthoglu igne.

Jone 7:24

Thosei vavahi ka unha glepo te keli kolho fifilogna ke kosi na, nu te keli na vavahi ka unha glepo te thofno tutuani.”

Jone 3:17

Naugna God neke theome kuru meini mae Thugna na ka nauthoglu gne mala mei fateni ihei te jafra ka nauthoglu igne, nu mei mala karha naiknore ka mana.

Jone 18:36

Mae Jisas ne cheke eghu ka mana, “Iara mae King, nu iara theome jateula king gna nauthoglu pari igne eghu. Jame mae king gna nauthoglu pari igne iara meuna, nogu mae fanomho iara gre jame magra heta eigu iara mala theome atha ghau iara mae Jiu gre. Iara mae King, nu iara theome jateula ngau keha mae king te funei frunidi naiknogna nauthoglu pari igne eghu sia.”

Ululahu Korin 2:15

Eghume ihei te au tagna Tharunga te Blahi na, mana ngala tangomana te filo glanidire gobigna lepo teke farirhiu mana mae Tharunga te Blahi na. Nu ihei te theome au tagna Tharunga te Blahi na, mana theome tangomana te mala laseni u gaoghathogna mae te au tagna Tharunga te Blahi na.

Letas Teke Riso Tei Mae Pol Ka Khiloau Rom 2:1

Ghotilo iheire te lase fate naiknora, ghotilo theome tangomana te chekeni kaisei glepo na. Kate fatedi ghotilo keha naiknore, ghotilo cheke fapari ghami themi kolho, naugna ghotilo jaola edila glepo te diꞌa te edi mare igre.

Jone 8:11

Naꞌa ne cheke eghu ka mana, “Funei, theo kaisei ka reꞌe.” Mae Jisas ne cheke eghu ka naꞌa, “Iara theome tangomana la te fate nigho na. Jifla tei sagho nu thosei ke eni kaisei najafra eghu!”

Profet Emos 5:7

Ghotilo mae iheire te paradi naikno te doglo puhidira, eghuteuna ke tughu ka puhimi themi te diꞌare teura, fanomho mei ka iara!

Jemes 2:4

Te eghu ghotilo na, ghotilo jafra fara, naugna ghotilo ne vahini mae ihei te dedei na nei mae ihei te kuma na neu ka gaoghathomi themi te diꞌare.

Luku 12:14

Nu mae Jisas ne cheke eghu ka mana, “Ghema! Iara theo nogu nolaghi te mala mei tufa glepo farihoteimi ghopa na.”

Profet Habaku 1:4

Naiknore theome leghudi nou farirhiu iagho re, eghuteuna tirodi leghuni puhi te doglo te mala fateni naikno na. Mare tuthughu puhi te doglore ka puhi te diꞌa. Tuare te edi fabrahu mare kate hata kasa mare glokure ka naikno te doglore.”

Profet Emos 6:12

Hose na theome tangomana te chari ke kligna phegu, eghuteuna naikno na theome tangomana te joꞌu gano lamna thongna. Nu ghotilo tughu puhi te doglo na ka puhi fameomekro, eghuteuna tughu puhi te famane na mala ke jaola ke tughu ka glepo te raha mala ke diꞌa fara salaꞌui.

Fapea Korin 5:16

Eghume gognaro na ghehati theome fateni kaisei naikno leghuni nogna gaoghatho naiknogna nauthoglu gne. Tifa na ghehati neke fateni Kraes leghuni nogna gaoghatho naikno na, naugna ghehati gaoghathomi na ne khogla naikno kolho mana eghu. Nu gognaro na ghehati theome eni tuana.