Jone 7:42 - Buka Blahi Ka Cheke Holo

⁴² Unha te chekeni kau grioriso te blahi na mae Kraes na mala karha mei ka vikegna mae King Devet. Eghuteuna mana na karha ka namono Betlehem, namono aheva teke karha mae Devet.”

Jone 7:42 ပူးပေါင်းရင်းမြစ်များ

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Matiu 2:5

Mare ne cheke eghu ka mae King Herod, “Ka namono Betlehem, ka Provins Judia.” Naugna aigne unha teke risoni mae profet Maeka tifa na,

Luku 2:4

Mae Josep ghe khetogna ne jifla Nasaret kaisei namono ka Provins Galili ne tei Betlehem ka Provins Judia. Namono igne namonogna mae King Devet tifa. Mae Josep ne tei jare naugna mana kaisei mae ka vikegna mae King Devet.

Profet Jeremaea 23:5

Lord ne cheke eghu, “Nogu Narane iara na ginauna mei. Ka narane igne, iara ginauna vavahi kaisei mae te keli ka vikegna King Devet. Mae igne ginauna kaisei king te au tagna gaoghatho te keli, eghuteuna mae igne ginauna funei frunini kantri igne ka puhi te thofno doglo fara.

Luku 2:11

Ka bongi gognaro gne kaisei mae te mala fakarha ghami ghotilo ka nakhibo na la karhahi ka namonogna mae King Devet. Mana mae Kraes noda mae funei tahati.

Matiu 1:1

Igne buka thoutonu eigna mae Jisas Kraes, vikegna mae Devet, nei vikegna mae Ebraham.

Profet Isaia 11:1

Kaisei ing majaghani ka vikegna King Devet thugna mae Jesi ginauna kotu haghe jateula grege majaghani te kotu mei ka pikhu gaju teke kato soru mare pari tifara eghu.

Nodi Khoje Hatimare Mae Jiu 132:11

Iagho neke eni kaisei nhaꞌa cheke te theome bligi ka mae Devet te theome tangomana iagho te fakhusui na. Uve, iagho neke nhaꞌa cheke eghu agne, “Iara ginauna vahini kaisei mae thumu iagho mala king, eghuteuna mana ginauna mala funei frunidi naiknore ke leghumu iagho.

Ululahu Samuel 16:1

Aonu Lord ne cheke eghu ka mae Samuel, “Iagho diꞌanagnafani fabrahu mae Sol, nu iara theome magnahagheni mana te king gna Israel gognarona. Iagho hata oliv oel mala tei hironi mae Jesi ka namono Betlehem. Iara vavahi kaisei mae ka thugna mana ra, eghuteuna iagho tofa oel ka pha'ugna mana na mala king gna Israel.”

Nodi Khoje Hatimare Mae Jiu 89:4

Iara neke cheke eghu ka mae Devet, ‘Uve, vikemu iagho na ngala te mala king koba na, eghuteuna mare na mae nheta koba.’ ”

Ululahu Samuel 16:18

Kaisei mae ka mae igre ne cheke eghu ka mana, “Kaisei maegna Betlehem, thugna mae Jesi, mana lase lalahu gita fara. Mana kaisei mae soldia keli nei theome mhaghu eghu. Mae igne thofno keli fara filogna na, eghuteuna mana kaisei mae lase cheke fara, eghuteuna Lord na au balugna mana.”

Jone 7:27

Nu kate mei mae Kraes na theo kaisei naikno nate laseni mana teke mei funugna aheva. Eghuteuna tahati kafe laseni namono gna mae igne.”

Ululahu Samuel 17:58

Mae king Sol ne ghusna eghu ka mana, “Mae majaghani, mae ihei mae kmamu iagho na?” Mae Devet ne cheke eghu ka mana, “Kmagu iara na mae Jesi, maegna ka namono Betlehem, mae kmagu iara igne mana ghatho tahu nigho iagho fara.”

Ululahu Samuel 16:4

Aonu mae Samuel ne leghuni unha te chekeni Lord ka mana igne. Kate posa mana ka namono na, hatimare mae biꞌogna namono na filoni mae Samuel ne mhaghu nodi fara. Mare mei ne ghusna eghu ka mana, “Iagho mei ka pharikeli?”

Matiu 2:6

“ ‘Ghotilo naiknomi Betlehem, te au ka Provins Judia. Kaisei mae ka ghotilo mana ginauna na kaisei mae mala baubatudi naiknogna Israel jateula kaisei mae greireghi sipu te batudi nogna sipura eghu. Eghume, nomi namono ikoi ghotilo igne ginauna na kaisei namono ulu tulao ka Provins Judia.’ ”