Jone 7:37 - Buka Blahi Ka Cheke Holo

³⁷ Narane leghu lahu igne ngala narane biꞌo fara ka gaghamu na. Kau narane tuana mae Jisas kegra haghe farihoteigna nakhapru na ne cheke eghu fabiꞌo, “Mae ihei te roi koꞌu na mei ka iara mala koꞌu.

Jone 7:37 ပူးပေါင်းရင်းမြစ်များ

Profet Isaia 55:1

Lord ne cheke eghu, “Ghotilo mei ka iara! ghotilo iheire te magnahaghei koꞌu ra, mei koꞌu ka iara. Khoꞌu na au ngala. Ghotilo iheire te theo nomi sileni ra, ghotilo mei ka iara. Ghotilo mei atha gano ka iara mala ima. Ghotilo mei mala koꞌu milk nei waen, uve, neubane theo sileni mei kolho.

Jone 4:14

Nu ihei te koꞌu ka khoꞌu te tusu ranghini iara na, mana ginauna nake theome roi koꞌu. U khoꞌu nate tusu mei iara igne na jateula ngau glokha eghu na fura mei fabrahu ke lamnagna mana. U khoꞌu igne ginauna na tusu ranghini mana u karha fei tifa na.”

Jone 6:35

Mae Jisas ne cheke eghu ka mare, “Iara jateula u gano eghu mala tusu lao u karha na ka naiknore. Mae ihei te mei ka iara na mana ginauna theome rofo. Mae ihei te fatutuani ghau iara na mana ginauna theome roi koꞌu.

Profet Isaia 12:3

Ghotilo ginauna keli tami fara, naugna God ne thofno fakarhi ghami ghotilo.

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Profet Isaia 44:3

Eghume, iara ginauna snakre mei nakhete mala soru mei ke kligna glose te theo khoꞌu fara mala tangomana khoꞌu gre te britha ke kligna glose te khapra. Eghuteuna iara ginauna snakreni Tharungagu na ka thumi ghotilore. Eghuteuna iara ginauna fablahidi iheire nate karha mei ke leghumi ghotilo re.

Jone 4:10

Aonu mae Jisas ne cheke eghu ka gaꞌase na, “Naikno biꞌo, iagho theome laseni nogna khokofakasai God ranghini naikno na, nu iagho theome laseni mae ihei te tore khoꞌu teu ka iagho gne. Jame laseni iagho na, iagho tangomana te tore ghau iara na, eghuteuna iara tangomana te tusu ari ka iagho u khoꞌu karha na.”

Thakle 21:6

Mana ne cheke eghu ka iara, “Uve, gognaro na iara funei frunidi gobigna lepore naugna iara ne tapla sorudi nogu naoka re. Iara kulu au neke vuavuha nga gobigna lepo igre nei iara na au fabrahu kate ari te gnafadi gobigna lepore. Jame ihei te magnahaghei karha te tifa na, iara ginauna snakreni mana mala koꞌu kolho ka glokha khoꞌu te tusu mei karha na.

Nodi Khoje Hatimare Mae Jiu 42:2

God, iagho God te karha, iara magnahaghei nigho iagho fara jateula mae ihei te moja graragna na te magnahaghei koꞌura eghu. God, niha nau te mala ari iara te mala kegra ke ulumu te mala tarai na?

Nodi Khoje Hatimare Mae Jiu 63:1

God, iagho nogu God iara. Iara magnahaghei nigho iagho fara te mala au fabrahu ka nakarhagu gne. Kate theomu iagho na, iara haimini ka nakarhagu na jateula glose te moja te theo khoꞌura eghu, eghume iara magnahaghei nigho iagho fara te mala au balugu iara.

Nodi Khoje Hatimare Mae Jiu 143:6

Gognaro na nakarhagu iara na thono jateula glose te mojara eghu. Eghume iara ngafa haghe khamegu na ka iagho balu tharai, naugna iara thono magnahaghei nigho iagho fara te jateula kaisei mae te magnahaghei koꞌura teuna.

Thakle 22:1

Mae engel na ne falalase ka iara u khoꞌu te tusu mei karha na. Kho'u igne siasigla jateula thiro eghu nei fura mei ka nogna sape nafnakno God na nei nogna Lam

Ululahu Korin 12:13

Eghuteuna neuba tahati ne mae Jiu ba theome mae Jiu, mae sneka ba theome mae sneka, kaisei Tharunga te Blahi ngala teke kafe faꞌapublahi ghita na mala jateula kaisei thini eghu tahati. God neke tusu ranghi ghita hui kaisei Tharunga te Blahi ngala mala au ke lamnada.

Jone 6:55

Naugna thinigu iara na ngala u thofno gano te tutuani na, nei u dadaragu iara na ngala u thofno khoꞌu te tutuani na.

Matiu 11:28

“Ghotilo te babaꞌo ka nanhiꞌo te tahu ra mei ka iara mala gnafa, iara ginauna hata fadelei nanhiꞌo te tahu tuana ka ghotilo.

Naba 29:35

“Uve, ka fanhanai narane gna gaghamu na, ghotilo ginau mei khapru mala kilo fnakno ghau iara, eghuteuna ghotilo jaola mala gnafa.

Ululahu Korin 10:21

Theome naba ghotilo te koꞌu ka nogna hinao Lord na nei jaola koꞌu ka nogna hinao naitu na. Eghuteuna ghotilo theome naba la te ima ka nogna tevo Lord na nei jaola ima ka nogna tevo naitu na.

Ululahu Korin 10:4

Eghuteuna mare kafe koꞌu ka khoꞌu teke fafura mei God ranghidi ka thina teke tei baludi na. Thina igne Kraes thegna ngala.

Profet Isaia 58:1

Lord ne cheke eghu ka iara, “Iagho eha fabiꞌo jateula naogla khufli eghu! Toutonu ranghidi nogu naikno iara Israel, eigna puhi te figri tagru ghau nei eidi nakhibo teu are.

Levitikas 23:36

Eghuteuna leuleghu narane te tei thoke ka fafitu narane na, ghotilo mala eni kaisei fafara mala tusu mei ka iara jateula kaisei glepo blahi eghu ka iara Lord. Ka fahana narane na, ghotilo mala kafe mei mala kilo fnakno ghau iara, nei mala ke eni kaisei fafara mala tusu mei jateula kaisei glepo blahi eghu ka iara. Igne narane mala kilo fnakno ghau iara, eghuteuna blahi te mala eni ghotilo kaisei gloku tagna na.

Efesus 5:18

Thosei koꞌu me dranga ka waen, naugna igne ginauna batu fadiꞌadi puhimi ghotilo re. Nu snakreni mae Tharunga te Blahi na mala fodu ke lamnami mala batu fakeli ghami.

Ululahu Korin 11:25

Jaola, ke leghugna te ima bret na, mana hata hinao na ne cheke eghu, “Hinao igne u nhaꞌa cheke majaghani funu ka God ranghidi nogna naiknore. Nhaꞌa cheke majaghani igne farerheta ka dadara glehegu iara na. Kate ko'uni igne, ghotilo ghatho fapulo ghau iara.”

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Jone 5:40

Neubane eghu ngau ne cheke eigu iara u grioriso te blahi gre ghotilo theome magnahagheini te mei ka iara te mala athini u thofno karha tuana.

Jone 1:23

Mae Jone ne cheke eghu ka mare, “Iara gne ngala mae teke cheke eghu mae profet Isaia tifa ia, ‘Kaisei mae na eha fabiꞌo ke lamnagna namono nagou na na cheke eghu: Noda mae funei na la meihi, tarabana nabrou mala meigna mana!’ ”

Profet Sekaraea 9:15

Lord mae ihei te au nolaghi fateote'o igne, mana ginauna reireghi nogna naiknore jateula kaisei greoreo eghu. Nogu naikno iara re ginauna falehedi nei uludi eghu nodi naoka te piri kuava ka mare re. Kate uluni magra na, mare ginauna eha fabiꞌo jateula mae te koꞌu waen te thaviru ra eghu kate ghamu nei koꞌu teu mare na. Mare ginauna boho fara, jateula dis te fodu ka dadara mala fafara te mala tofa ka olta ra neu.

Profet Maeka 6:9

Ihei te lalase na mala thofno ghatho tahuni Lord, mana eha eghu mei ka tahati naiknoda Jerusalem, “Famane fanomho mei ghotilo naikno te kafe salo fodu mei ka namono igne!

Profet Jeremaea 16:19

Lord, iagho jateula nogu vido te keli mala poru eghu iara. Kate thoke mei hoholo biꞌo ka iara na, iagho reireghi ghau nei tusu ranghi ghau nolaghi. Naikno ka vido te gnafa ka nauthoglu igne ginauna mei cheke eghu ka iagho, “Kuꞌemi ghehati tifa ra neke pogho soru kolho ka tharumaꞌei mumuju te theome toghodi mare.

Profet Jeremaea 2:2

“Jeremaea, iagho tei cheke ka naikno te gnafa te au ka namono biꞌo Jerusalem, Lord ne cheke eghu: “Iara ghathoni fabrahu narane teke ghatho tahu ghau iara ghotilo ia. Ka narane igne ghotilo neke thofno namha ghau iara jateula gaꞌase te tolaghi majaghani te namhani fara khetogna na ia neku. Ghotilo neke leghu ghau iara fabrahu ka namono nagou te theome tangomana kaisei naikno te joꞌu gano tagna ia.

Profet Isaia 55:3

Ghotilo mei ka iara! Ghotilo fanomho mei! Jame te mei ghotilo na, iara ginauna eni kaisei nhaꞌa cheke balumi ghotilo, eghuteuna nhaꞌa cheke igne ginauna au fabrahu tifa tifa. Iara ginauna ghatho tahu ghami ghotilo fabrahu jateula teke ghatho tahuni iara King Devet tifa ia eghu.

Profet Isaia 40:6

Iara neke nomhini kaisei naogla ne cheke eghu, “Iagho eha tei!” Aonu iara ne ghusna eghu, “Unha nate chekeni iara na?” Naogla igne neke cheke eghu ka iara, “Iagho na cheke eghu: Naikno te gnafa igre ginauna theome au raugha ka nauthoglu igne na jateula buburu eghu kolho, eghuteuna nodi glepo te keli re jateula chechenge eghu kolho.

Nehemaea 8:18

Eghuteuna leuleghu narane, funu ka narane gaghamu ululahu te posa ka narane leghu lahu na, mae Esra ne iuꞌiju ka nogna Vetula God. Naiknore ne eni nakhapru biꞌo igne nabagna fitu narane, eghuteuna ka fahana narane na, mare khapru ne tarai leghuni unha te chekeni ka Vetula na.

Levitikas 23:39

“Leuleghu finogha, ke leghu kate hata gano ka nomi nagare re, ka fafitu nhigra, ka fabotho glima narane gna na, ghotilo mala eni Narane biꞌo te mala Au ka Grorofe Ikoi igne. Narane biꞌo igne mala eni nabagna fitu narane. Narane ululahu gna na, nei fahana narane gna na, phei narane igre mala gnafa ghotilo.

Jone 7:28

Kate farirhiudi naiknore teu ka Sugablahi na mae Jisas ne cheke eghu fabiꞌo, “Uve, ghotilo lase ghau iara, eghuteuna ghotilo laseni funu aheva teke mei iara na. Nu iara theome mei ka nogu gaoghatho thegu. Mae ihei te tutuani na teke kuru mei ghau iara na. Ghotilo theome laseni mana!

Profet Isaia 40:2

Thoghei famane cheke ranghidi naiknodi Jerusalem, eghuteuna cheke ka mare te narane ninhigrana te thokedi mare igne la gnafahi. Uve, iara Lord la paradihi mare eidi nakhibodi fateote'o teke edi mare ra. Iara neke tusu ranghidi papara biꞌo, nu gognarona la gnafahi eghu.”

Famane Khoje 5:1

Kheraguo, iagho khetogu iara. Iara meihi lamna ka nogu nagare na. Iara atha khakladi te famane sisiri nei glaghobe. Iara kelitagu fara te ghamu ghegu famane jurukuli. Iara koꞌu waen balu milk. Ghopa kheraguro, ghopa mala ghamu fodu, nei koꞌu fodu, eghu ghilei thofno boho ghopa ka nomi namha na.

Matiu 3:3

Mae profet Isaia neke kulu cheke eghu eigna mae Jone, “Kaisei mae na poapola fabiꞌo ke lamnagna namono nagou na, na cheke eghu, ‘Tarabana nabrou gna Lord, eꞌei fakeli nabrou mala tei gna mana.’ ”

Proveb 9:3

Eghuteuna naꞌa ne kurudi nogna gaꞌase glokure mala kegra ka vido kligna ka namono biꞌo na, mala eha eghu tei ka naiknore,

Proveb 8:1

Gaoghatho te keli nei doglo teu igne jateula kaisei famane gaꞌase te kegra haghe te eha mei ka tahati ra eghu.

Proveb 1:20

Gaoghatho te keli nei doglo teuna jateula kaisei gaꞌase te kegra ka nabrou, ba ka maket te eha ka naiknora eghu.

Proveb 8:17

Namha ghau iara, iara ginauna namha nigho iagho. Hiro ghau iara, iagho ginauna dei ghau iara.

Profet Esikiel 47:9

Ka vido te gnafa aheva te tei khoꞌu igne na, ginauna au kmana nafnata glepo tautagu nei sasa eghu tagna. Naugna khoꞌu igne ginauna hata mei tagna glepo te karha nei famane khoꞌu te keli eghu ka Thongna Lehe igne, ba ka vido aheva te tei khoꞌu igne tagna na.

Matiu 5:6

Keli tadi iheire te magnahagheni fara te eni unha te keli te magnahagheni God. Naugna God ginauna toghodi mare te mala eni igne.

Jone 4:11

Gaꞌase na ne cheke eghu ka mana, “Mae biꞌo, khoꞌu na au pari fara, iagho theo kaisei glepo te mala krisu khoꞌu na. Na tei atha aheva saghoi u khoꞌu karha te chekeni iagho tuana?