Jone 7:31 - Buka Blahi Ka Cheke Holo

³¹ Nu kmana naikno ne fatutuani ni mana. Mare ne cheke eghu fari thedi, “Kofubobhoi te edi mana igre thono jateula gobigna lepo teke chekedi mare mala edi mae Kraes ka narane nate mei mana ginauna.”

Jone 7:31 ပူးပေါင်းရင်းမြစ်များ

Jone 12:42

Neubane eghu ngau, kmana mae bi'odi mae Jiu ne fatutuani ni mae Jisas. Nu mare theome falalase ka ihei nga, naugna mare mhaghudi hatimare mae Farasi. Glahu faꞌau kosidi ka suga tharai na.

Matiu 12:23

Kate filoni mare igne, mare jaglo nodi fara ne cheke eghu, “Tore! Igne ngala jau si mae vikegna King Devet te ofoni tahati na.”

Mae Khuru 8:13

Mae Simon thegna na jaola ne fatutuani ne apublahi. Mana ne au fanamo fara rhegna mae Filip. Kate filodi mana u kofubobhoi nei glepo te nolaghi fara teu te edi mae Filip gre, mae Simon ne thono jaglo nogna fara.

Jone 11:45

Kmana mae Jiu teke mei au balugna Meri igre ne filoni unha te eni mae Jisas igne ne fatutuani ni mana.

Jone 9:16

Eghuteuna, keha mae Farasi re ne cheke eghu, “Mae teke eni igne neke theome mei funu ka God, naugna mana ne theome leghuni vetula gna narane Sabat.” Nu keha mae re ne cheke eghu, “Jame mae teke eni igne mana mae diꞌa meuna, mana jame theome tangomana te edi kofubobhoi igre.” Mae Farasire ne theome kaisei gaoghatho eigna mae Jisas.

Jemes 2:26

Eghume, mae ihei te khogla cheke eghu kolho mana fatutuani ni God teu nu theome eni kaisei glepo te keli ranghini kheragna fofodu na teuna, nogna fatutuani mana tuana theome tutuani kolho. Khogla jateula thini naikno te theome phaphanga tela lehehi ia eghu.

Jone 12:11

Naugna kate filoni mae Lasaros teke karha fapulo na, kmana mae Jiu ne jifla kokodi mae pris ulure ne fatutuani ni mae Jisas.

Jone 6:2

Kmana naikno leghuni mana, naugna mare ne filodi nogna gloku te nolaghi te edi mana te fakelidi naikno te fogra re.

Jone 4:39

Kmana naiknodi Samaria teke au ka namono tuana mare mei ne fatutuani ni mae Jisas naugna ka cheke te eghu gaꞌase na igre, “Thau igne ne chekedi gobi lepo teke edi iara tifa te ghilei thoke ka narane gognaro gne.”

Jone 3:2

Kaisei bongi mana neke mei ka mae Jisas, ne cheke eghu ka mana, “Velepuhi, ghehati lase nigho iagho kaisei mae velepuhi biꞌo neke mei funu ka God. Naugna jame te theome togho nigho God na, iagho jame theome tangomana te edi kofubobhoi igre.”

Jone 2:11

Igne kofubobhoi ulu lahu teke eni mae Jisas ka namono Kena ka provins Galili. Jare mae Jisas ne falalase nogna nolaghi biꞌo God na, eghuteuna nogna mae fanomho manare ne fatutuani ni mana.

Luku 8:13

Eghuteuna sisi te soru ka glose te saesape ka thina igne, eidi iheire te nomhini cheke na eghuteuna hata balu gleale'a. Nu ruma lamna ka gaoghathodire kolho. Mare fatutuani katha vido kmoꞌei kolho, eghuteuna kate thoke mei vido te ninhigrana igre, mare ginauna na lisa lao kolho gobigna lepore.

Jone 4:29

“Ghotilo re, kaisei mae na ne chekedi ka iara gobigna lepo teke edi iara tifa re. Mei si ghotilo filoni mana. Glahula me mae igne ngala mae Kraes na!”

Jone 7:26

Filoni si ghotilo, gognaro na mana kafe cheke ka naiknore, eghuteuna goro mae biꞌo re theome chekeni ngala kaisei cheke ka mana! Glahula me lasenihi goro mae biꞌo gre te mae igne tutuani ngala mae Kraes na.