Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jone 7:28 - Buka Blahi Ka Cheke Holo

28 Kate farirhiudi naiknore teu ka Sugablahi na mae Jisas ne cheke eghu fabiꞌo, “Uve, ghotilo lase ghau iara, eghuteuna ghotilo laseni funu aheva teke mei iara na. Nu iara theome mei ka nogu gaoghatho thegu. Mae ihei te tutuani na teke kuru mei ghau iara na. Ghotilo theome laseni mana!

အခန်းကိုကြည့်ပါ။ ကော်ပီ




Jone 7:28
46 ပူးပေါင်းရင်းမြစ်များ  

Mae Jisas ne cheke eghu ka mare, “Jame thugna God tutuani ghotilo na, ghotilo jame namha ghau iara naugna iara neke mei funu ka God, eghuteuna te gognarona iara au agne. Aonu, iara theome mei kau nogu nolaghi thegu, nu iara mei ka nogna nolaghi God mae teke kuru mei ghau na.


Hatimare ne ghusna eghu ka mae Jisas, “Aheva gne mae kmamu iagho te chekeni iagho na?” Mana ne cheke eghu ka mare, “Ghotilo theome lase ghau iara nei theome laseni la mae Mama. Jame lase ghau iara ghotilo na, ghotilo jame laseni la mae Mama.”


Iara au kmana glepo fara te mala cheke eimi ghotilo nei mala fate ghami ghotilo teuna. Nu iara ginauna kafe cheke ka ghotilo naiknogna nauthoglu igne unha teke nomhidi iara ka mae teke kuru mei ghau na. Naugna unha te chekedi mana re thono tutuani fara.”


Mae Jisas ne cheke eghu ka mare, “Uve, ka thegu iara na iara cheke kate au nafugna, eghuteuna u nogu cheke iara igre tutuani fara, naugna iara laseni aheva teke mei gu na nei aheva nate ke tei gu na. Ghotilo theome laseni aheva teke mei gu na nei aheva nate ke tei gu na.


Ghema Jeremaea. Iagho tei au fari hoteidi naikno te chaichaghi koba nei theome filo glani ghau iara teu are.” Igne chekegna Lord.


Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.


Naugna iara theome cheke leghudi kolho gaoghathogu thegu. Mae Mama mae teke kuru mei ghau iara kau nauthoglu igne te cheke ranghi ghau iara unha te mala chekedi nei farirhiudi teure.


Iara neke mei ka nanghagna mae Mama, nu ghotilo theome magnahaghei ghau iara. Nu jame kaisei mae mei ka nanghagna thegna kolho na, ghotilo ginauna fanomho ka nogna cheke mana re nei leghuni eghu mana.


Mae Jisas ne cheke eghu, “Mae Kmagu iara na la lisa meihi ka khamegu iara gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire ngala teke vahidi iara ginauna cheke ranghidi eigna mae Mama, eghuteuna mare ginauna jaola laseni mae Mama.


Ihei te fatutuani ni Thugna God na, mana laseni ka nagnafagna na cheke igne thofno tutuani fara. Nu ihei te theome fatutuani ni God na, unha God te chekeni eigna mae Thugna na, mana kiloni God kaisei mae chaichaghi, naugna mana theome fatutuani ni unha te chekeni God eigna mae Thugna na.


Uve, tahati laseni gaoghathogna God na ginauna theome tughu. Eigna mana neke kulu nhaꞌa cheke ka mae Ebraham nei jaola farerheta nhaꞌa cheke tuana kate cheke ka nhaꞌa cheke ka nanghagna thegna. Eghuteuna God na theome tangomana te chaghini naikno na! Eghume, ka phei glepo igre tahati te gnafa na thono rheta fara gaoghathodare. Uve, tahati rikha ari ka God mala reireghi ghita. Gognaro na tahati au noda fatutuani biꞌo te mala athini glepo teke nhaꞌa chekeni mana na.


Mana magnahaghei ghita tahati te mala hata u karha te theo ka huigna na. Eghuteuna, tahati rouronu eigna u nakarha igne naugna God neke kulu nhaꞌa chekenihi igne funu tifa kani theome vuvuha nga tekeu u nauthoglu igne. Nu tahati kafe laseni God na theome tangomana te chaghi ghita tahati na.


Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.


God na cheke tutuani koba eghuteuna iara jaola chekeni unha te tutuani ka ghotilo. Eghume nogu nhaꞌa cheke iara ka ghotilo na theome kaisei “Uve” nei theome kaisei “Theo” eghu kaisei fata ngala.


Theo fara. Neubane chaghi naiknore, God ginauna tutuani fabrahu ka unha te chekedi mana re, jateu te chekeni ka grioriso te blahi na, “God, te chekeni iagho kate tapla jafra ghehati ka nakhibo na, ghehati laseni nou cheke iagho na thofno doglo fara. Eghuteuna kate ghaoghatho mala fate nigho teuna, naiknore ginauna filo glani nigho te doglo fabrahu iagho na.”


Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.


Kate tei faligohoni iara namono ghotilo igne, iara filodi glepo te pogho sorudi ghotilo gre. Eghuteuna iara jaola ne filo deni kaisei olta te au grioriso igre, ‘Nogna olta kaisei god te theome laseni tahati.’ Uve, ghotilo pogho soru ka God mae ihei te theome laseni themi na. Nu God te theome laseni ghotilo igne ngala nate toutonuni iara ka ghotilo na!


“Mama, iagho ngala te thofno keli fara na. Naiknogna nauthoglu igne theome lase nigho iagho, nu iara lase nigho iagho. Eghuteuna nogu naikno iara igre lase nigho iagho mae teke kuru mei ghau iara na.


Mare ginauna edi glepo igre ka ghotilo naugna mare theome lase ghami ghepa mae Mama.


Nu iara magnahaghedi naiknogna nauthoglu igne te lase ghau iara te namhani mae Mama na. Eghume iara edi ngala unha te chekedi mae Mama mala edi iara teku mana re. “Uve, kheraguro, ghotilo kegra haghe mala tei kokoni tahati vido igne.”


Fatutuani ghau iara sagho. Iara au balugna mae Mama, nei mae Mama au balugu iara. Cheke te chekedi iara ka ghotilo igre theome nogu cheke iara thegu. Nu mae Mama te au balugu iara na te edi nogna glokure.


Eghuteuna ka unha gne site ne cheke faparini iara mae Mama teuni ghotilo gnea? Ba, naugna te cheke eghu iara, ‘Iara Thugna God’ teu iara gne? God vahi ghau iara neke kuru mei ghau iara kau nauthoglu gne.


Nu kate fateni iara naikno na, iara fateni mana ka puhi te tutuani nei doglo eghu. Naugna theome iara thegu kolho te fate na, nu ghepa mae Mama mae teke kuru mei ghau iara na te mala fate naikno na.


Nu kaisei mae ngau te au teu te mala cheke eigu iara ka naiknore, eghuteuna iara laseni unha te chekedi mana eigu iara re thofno tutuani fara.


Nu mae ihei te fatutuanidi unha te chekedi mana re, mana fatakleni unha te chekeni God na thofno tutuani fara.


Kaisei bongi mana neke mei ka mae Jisas, ne cheke eghu ka mana, “Velepuhi, ghehati lase nigho iagho kaisei mae velepuhi biꞌo neke mei funu ka God. Naugna jame te theome togho nigho God na, iagho jame theome tangomana te edi kofubobhoi igre.”


Nu mae Natanel ne cheke eghu ka mae Filip, “Nasaret! Theome tangomana kaisei glepo te keli te jifla mei Nasaret na!” Mae Filip ne cheke eghu ka mana, “Mei sagho, mala filoni themu!”


“Mae Kmagu iara na la lisa meihi ka khamegu iara na gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire teke vahidi iara re ngala, iara ginauna cheke ranghidi eigna mae Mama, eghuteuna mare ginauna jaola laseni mae Mama.”


Mae Jisas neke pulo baludi repa Nasaret. Mana ne leghudi unha te chekedi repa re. Eghuteuna idogna mana na ne ghaoghatho eidi unha teke edi re ne tathaji u cheke igre ka nagnafagna na.


Ke leghugna tela gnafahi unha te chekeni eigna sua igne ka vetula na, Josep ghe Meri neke pulo Nasaret ka Provins Galili ka nodi thofno namono na.


Ka bongi gognaro gne kaisei mae te mala fakarha ghami ghotilo ka nakhibo na la karhahi ka namonogna mae King Devet. Mana mae Kraes noda mae funei tahati.


Mae Josep ghe khetogna ne jifla Nasaret kaisei namono ka Provins Galili ne tei Betlehem ka Provins Judia. Namono igne namonogna mae King Devet tifa. Mae Josep ne tei jare naugna mana kaisei mae ka vikegna mae King Devet.


“Puhi te eni ghotilo maemi Israel igne thofno diꞌa fara. Naugna igne, ghotilo ginauna na theome tangomana te figri ka nomi God. Eghuteuna unha te eni ghotilo te tarai ka mumuju igne thofno goigonidi puhimi ghotilo re. Naugna igne, ghotilo ginauna theome tangomana nate filoni nomi Lord God.


Ghotilo naiknomi Israel, ghotilo fanomho fakeli ka nogna cheke Lord igne! Mana na cheke eghu, “Theo kaisei naikno ka ghotilo nate thofno leghu ghau iara na, nei jaola theo kaisei ka ghotilo nate ghatho tahu ghau iara na. Ghotilo te gnafa na theome filo glani ghau iara te nomi Lord ghotilo na.


Ginauna na theo kaisei naikno nate farirhiuni kheragna ba thabusigna na ka puhi te cheke eghu igne, ‘Ghotilo mala laseni Lord!’ Naugna ka narane tuana, naikno te gnafa igre ginauna lase ghauhi iara, neuba ihei ne fnakno ba theo. Iara ginauna atha fadelei thua glepo te diꞌa teke edi mare re, eghuteuna iara ginauna nake theome ghathodi nakhibodire.” Igne chekegna Lord.


Naikno te lase nigho re mare ginauna na fatutuani nigho. God, thosei figri tagrudi naikno te mei ka iagho te mala toghodi iagho re.


Phei thugna mae Pris Eli igre theome mae pris keli, eghuteuna phiamare theome ghatho tahuni Lord.


Kate thoke farihoteigna gaghamu na, mae Jisas ne ruma ka Sugablahi na ne funu farirhiudi naiknore.


Mae Jisas ne cheke eghu ka naiknore, “Ba, ne mae blau iara eghu mei balu naflahi nei nanala eghu mala mei loki ghau iara si ghotilo ia? Leuleghu narane iara gnokro farirhiudi koba naiknore ke lamna Sugablahi, nu ghotilo theome mei loki ghau ngala iara jare.


Mare ne cheke eghu fari thedi, “Mae igne mae Jisas kolho. Tahati kafe lasedi kmagna nei idogna teure. Mana thugna mae Josep kolho. Naugna unha site chekeni mana ‘Iara neke mei funu kligna’ teu gnea?”


Ghehati laseni mae Moses, naugna tifa na God neke cheke balugna mana. Nu mae Jisas gne ghehati theome laseni mana nei theome laseni neke mei funugna heva!”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ