Jone 7:27 - Buka Blahi Ka Cheke Holo

²⁷ Nu kate mei mae Kraes na theo kaisei naikno nate laseni mana teke mei funugna aheva. Eghuteuna tahati kafe laseni namono gna mae igne.”

Jone 7:27 ပူးပေါင်းရင်းမြစ်များ

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Jone 9:29

Ghehati laseni mae Moses, naugna tifa na God neke cheke balugna mana. Nu mae Jisas gne ghehati theome laseni mana nei theome laseni neke mei funugna heva!”

Jone 6:42

Mare ne cheke eghu fari thedi, “Mae igne mae Jisas kolho. Tahati kafe lasedi kmagna nei idogna teure. Mana thugna mae Josep kolho. Naugna unha site chekeni mana ‘Iara neke mei funu kligna’ teu gnea?”

Profet Jeremaea 30:21

Kaisei mae ka mare thedi nate king te mala funei frunidi mare na. Iara ginauna atha meini mae igne mala mei namo ka iara. Naugna mare theome tangomana te mei thedi te namo ka iara na.

Nonomho Te Keli Teke Risoi Mae Mak 6:3

Tahati laseni mae kapenta igne, mana thugna Meri kolho. Eghuteuna mae tahigna mana re mae Jemes, mae Josep, mae Judas nei mae Simon. Eghuteuna, greghagnare kafe au teu ngala igre. Mana kaisei mae kolho, mana neke theome mei funu ka God.” Aonu naiknore ne filo faparini kolho mana.

Luku 4:22

Naiknore ne kafe keli tadi fara ka mae Jisas ne jaglo nodi fara ka nogna famane cheke te chekedi mana re, ne cheke eghu, “Tore, mae igne thugna mae Josep kolho!”

Profet Isaia 11:1

Kaisei ing majaghani ka vikegna King Devet thugna mae Jesi ginauna kotu haghe jateula grege majaghani te kotu mei ka pikhu gaju teke kato soru mare pari tifara eghu.

Profet Jeremaea 23:5

Lord ne cheke eghu, “Nogu Narane iara na ginauna mei. Ka narane igne, iara ginauna vavahi kaisei mae te keli ka vikegna King Devet. Mae igne ginauna kaisei king te au tagna gaoghatho te keli, eghuteuna mae igne ginauna funei frunini kantri igne ka puhi te thofno doglo fara.

Mae Khuru 8:33

Mare famamajani nei fakokhoanani eghu fara mana. Theo kaisei naikno te tangomana te cheke eigna vikegna mana na, naugna nakarhagna mana kau nauthoglu igne la gnafahi.”

Jone 7:15

Hatimare mae biꞌodi mae Jiu gre ne jaglo nodi fara kate nomhidi nogna farirhiu mana re ne cheke eghu, “Mae igne neke theome tei kolho ka sikolu. Faꞌunha ne lasedi fara si mana glepo igrea?”

Profet Isaia 53:8

Mare lokini mana mala hatini ka fate, aonu mare athani ne tei mala faleheni mana, nu theo kaisei naikno te nangani kolho glehegna mana na. Mare faleheni mana eidi nakhiboda tahatire.