Jone 7:24 - Buka Blahi Ka Cheke Holo

²⁴ Thosei vavahi ka unha glepo te keli kolho fifilogna ke kosi na, nu te keli na vavahi ka unha glepo te thofno tutuani.”

Jone 7:24 ပူးပေါင်းရင်းမြစ်များ

Jemes 2:9

Nu te vahini kolho ghotilo mae ihei te magnahaghei themi, naugna ne mae biꞌo mana teuna, ghotilo thono jafra fara ngala. Naugna ghotilo ne theome leghuni nogna vetula God te thono ulu fara na.

Jone 8:15

Ghotilo khogla fate leghuni kolho gaoghathogna naiknogna u nauthoglu igne kolho, eghuteuna iara theome fateni kaisei naikno jateula te eni ghotilo tuana eghu.

Jemes 2:1

Kheraguro, thosei vahini kolho mae ihei te magnahagheni themu na, naugna ghotilo fatutuani ni noda Lord Jisas Kraes, mae ihei te fnakno fabrahu kligna.

Proveb 24:23

Igre langau keha nodi famane cheke mae ihei te au tagna gaoghatho te keli na. Mae mala fate na mala theome mala phile balugna ihei nga ka kot.

Proveb 17:15

Jame mae mala fate snakre fajiflani mae te diꞌa na, ba parani mae te keli na. Lord na tirognadi phei puhi igre.

Jemes 2:4

Te eghu ghotilo na, ghotilo jafra fara, naugna ghotilo ne vahini mae ihei te dedei na nei mae ihei te kuma na neu ka gaoghathomi themi te diꞌare.

Levitikas 19:15

“Kate fateni ghotilo kherami na ka kot, ghotilo fateni mana ka puhi te doglo. Jame kaisei mae kuma tei ka kot, ghotilo thosei kaisei phile fara ka mana naugna te kuma mana na. Eghuteuna jame mae dedei tei ka kot, ghotilo theome ghatho tahuni fara mana naugna mana mae dedei. Ghotilo fatedi phia mare kaisei nanaba kolho.

Profet Isaia 5:23

Kate fatedi ghotilo naiknore, ghotilo lisa teidi kolho iheire te edi puhi te diꞌa re, naugna mare ne foli ghami ghotilo te mala eni nafnata puhi igne. Nu ghotilo atha tei ka sosolo naikno te doglore.

Nodi Khoje Hatimare Mae Jiu 82:2

Aonu mana na cheke eghu ka mare, “Ghotilo thosei fatedi naiknore kau nafnata puhi te theome doglo, nei ghotilo thosei ke phile ka naikno te diꞌa puhidi are.

Profet Sekaraea 7:9

“Leuleghu fata na iara Lord cheke eghu koba ka nogu naiknore: ‘Ghotilo mala fatedi naiknore ka puhi te doglo, eghuteuna ghotilo mala keli ranghidi nei kokhonidi eghu keha naiknore.

Jone 7:25

Keha naikno te au Jerusalem re ne cheke eghu, “Igne si mae teke mala fariuriu faleheni teku goro mae biꞌo ra.

Fapea Korin 10:7

Ghotilo mala filoni unha te ulu! Ihei te chekeni ne nogna Kraes teuna, mana mala ke ghaoghathoni, eigna ghehati jateula mana eghu nogna Kraes.