Jone 7:18 - Buka Blahi Ka Cheke Holo

¹⁸ Mae ihei te farirhiudi kolho nogna gaoghatho thegna re, mana fariuriu fafnaknoni kolho thegna. Nu mae ihei te fariuriu fafnaknoni mae teke kuru mei ghau iara na, naikno tuana chekeni koba u glepo te tutuani na eghuteuna mana theome lase chaghi.

Jone 7:18 ပူးပေါင်းရင်းမြစ်များ

Jone 5:41

“Iara theome hironi u nafnakno na ka naiknogna nauthoglu igne.

Ululahu Tesalonika 2:6

Ghehati theome hironi nafnakno na ka ghotilo, ba ka ihei. Ghehati nogna khuru mae Kraes. Naugna igne, kate au balumi ghotilo na, ghehati tangomana te tore glepo ka ghotilo. Nu ghehati faꞌamama ka ghotilo jateula kaisei gaꞌase te taegodi goro thugna.

Jone 12:28

Iara na cheke eghu, ‘Mama, fathakle ka naikno gre nou nolaghi te biꞌo!’ ” Kate chekedi mana cheke igre, kaisei cheke ghosei ne soru mei funu kligna ne cheke eghu, “Nogu nolaghi biꞌo iara na neke thaklehi, eghuteuna ginauna nake fathakleniu ngala u nolaghi biꞌo tuana.”

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.

Matiu 6:9

“Eghume, kate tarai na, ghotilo tarai jateula igne eghu: “ ‘Mama te au kligna, ghehati magnahaghei te ghatho tahuni nanghamu te blahi.

Proveb 25:27

Theome keli te koꞌu suka fara iagho na, theome keli iagho te fafnakno nigho themu na.

Naba 11:29

Aonu mae Moses ne cheke eghu, “Unha site nanga nou iagho ka iara te mala kmu mare teu gnea? Iara magnahagheini Lord te tufa lao nogna nolaghi gna Tharunga te Blahi na ka mare, mala cheke jateula mae profet eghu mare!”

Jone 11:4

Kate nomhini mae Jisas nonomho igne mana ne cheke eghu, “U fogra tuana theome mala lehe mae Lasaros, nu mala filoni naiknore nogna nolaghi biꞌo God na. Eghuteuna mala laseni naiknore iara mae Thugna mana na jaola au nolaghi biꞌo jateula mana eghu.”

Jone 8:54

Mae Jisas ne cheke eghu ka mare, “Jame fafnakno ghau iara thegu na, igne theo kaisei nafugna kolho. Nu mae ihei te fafnakno ghau iara na mae Kmagu iara ngala, mae te chekeni ghotilo ne mae nomi God themi teuni ghotilo ia.

Jone 12:43

Mare magnahaghei nafnakno ka naiknore ke tulao gnai nafnakno te mei ka God.

Ululahu Jone 2:29

Ghotilo kafe laseni God na mae keli fara nei eni fabrahu unha te doglo na. Eghume ghotilo kafe laseni iheire te eni unha te doglo na mare goro thugna God.