Jone 7:15 - Buka Blahi Ka Cheke Holo

¹⁵ Hatimare mae biꞌodi mae Jiu gre ne jaglo nodi fara kate nomhidi nogna farirhiu mana re ne cheke eghu, “Mae igne neke theome tei kolho ka sikolu. Faꞌunha ne lasedi fara si mana glepo igrea?”

Jone 7:15 ပူးပေါင်းရင်းမြစ်များ

Luku 4:22

Naiknore ne kafe keli tadi fara ka mae Jisas ne jaglo nodi fara ka nogna famane cheke te chekedi mana re, ne cheke eghu, “Tore, mae igne thugna mae Josep kolho!”

Matiu 13:54

Mana neke pulo ka thofno nogna namono teke biꞌo haghe na. Mana ne farirhiudi naiknore ka nodi suga tharai mae Jiure. Eghuteuna mare jaglo nodi fara ka mana ne cheke eghu fari thedi, “Icho idomi, neke hata aheva si mana glalase nei nolaghi eghu te edi kofubobhoi igrea?

Mae Khuru 26:24

Kate chekedi teu mae Pol glepo igre te mala tafragna thegna na, mae Festas ne fnaja fabiꞌo, “Ghema Pol, iagho la meomekro! Iagho hiohiro fabrahu ka buka la ghilei meomekro hila!”

Jone 7:46

Mae greireghigna Sugablahi gne ne cheke eghu ka mare, “Tore, ghehati theome nomhini kaisei mae te cheke ka nolaghi jateula mae igne teuna.”

Luku 2:47

Mae te kafe fanomho ka mana re ne jaglo nodi fara ka nogna glalase nei ka nogna cheke tughu eghu te edi mana re.

Matiu 22:22

Hatimare nomhini unha te chekeni mae Jisas igne ne jaglo nodi fara. Aonu, mare jifla ne tei kokoni mana.

Jone 1:19

Kaisei fata na, hatimare mae biꞌodi mae Jiu te au ka namono Jerusalem igre ne kurudi keha mae pris baludi keha mae te loku ka Sugablahi na mala mei ghusna eghu ka mae Jone, “Ghema, iagho mae hei?”

Matiu 22:33

Kate nomhini cheke mana igne, naiknore jaglo nodi fara ka nogna farirhiu mana igre.

Ululahu Samuel 10:11

Nu kate filoni mae iheire te laseni mae Sol unha te edi mana igre, mare ne cheke eghu, “Ei! Thugna mae Kis ia si ignea? Ba? Mae Sol gne kaisei mae profet langau signea?”

Jone 7:11

Kau narane gaghamu na mae biꞌodi mae Jiure ne hironi mae Jisas, ne ghusna eghu tafri, “Aheva si mae ignea?”

Jone 7:13

Nu theo kaisei naikno ka mare te frane te cheke thakleni mana na, naugna mare thono mhaghudi fara goro mae biꞌodi mae Jiu.

Mae Khuru 4:13

Hatimare mae biꞌo re ne jaglo nodi kate filodi mae Pita ghe mae Jone te theome mhaghu kate cheke ke uludi mare na. Mare lasedi phei mae igre neke theome tei sikoluni u glalase na, phiamare au kolho ka namono. Nu kate filoni te theome mhaghu phei mae igre na, mare neke ghatho fapuloni phei mae igre neke tei tafri balugna mae Jisas.

Profet Isaia 29:12

Eghuteuna jame te tusu lao ghotilo buka igne ka mae ihei te theome lase iu'iju na, mana ginauna cheke eghu, “Iara theome laseni igne. Iara theome lase iu'iju.”