Jone 7:14 - Buka Blahi Ka Cheke Holo

¹⁴ Kate thoke farihoteigna gaghamu na, mae Jisas ne ruma ka Sugablahi na ne funu farirhiudi naiknore.

Jone 7:14 ပူးပေါင်းရင်းမြစ်များ

Jone 7:28

Kate farirhiudi naiknore teu ka Sugablahi na mae Jisas ne cheke eghu fabiꞌo, “Uve, ghotilo lase ghau iara, eghuteuna ghotilo laseni funu aheva teke mei iara na. Nu iara theome mei ka nogu gaoghatho thegu. Mae ihei te tutuani na teke kuru mei ghau iara na. Ghotilo theome laseni mana!

Luku 19:47

Leuleghu narane na mae Jisas farirhiudi naiknore ke lamna Sugablahi. Nu hatimare mae pris ulu, nei mae velepuhigna vetula nogna mae Moses, nei mae mala baubatu ka naiknore eghu ne fariuriu hara keha phoge mala faleheni mana.

Jone 18:20

Mae Jisas ne cheke eghu ka mana, “Iara neke famane cheke ke uludi naiknore. Eghuteuna iara neke farirhiu koba ke lamna suga tharai, nei ke lamna Sugablahi, ka vido aheva te kafe khapru teu mae Jiure. Tutuani, iara neke theome cheke poruni kaisei glepo.

Jone 8:2

Hamerane boibongi ka keha narane na, mae Jisas neke pulo Jerusalem ne ruma ka Sugablahi na. Ka narane tuana, kmana naikno filoni mana ne mei khapru faligohoni mana. Eghuteuna mana gnokro soru ne toutonu ranghidi Nonomho te Keli na.

Jone 7:37

Narane leghu lahu igne ngala narane biꞌo fara ka gaghamu na. Kau narane tuana mae Jisas kegra haghe farihoteigna nakhapru na ne cheke eghu fabiꞌo, “Mae ihei te roi koꞌu na mei ka iara mala koꞌu.

Jone 7:2

U narane biꞌo nodi mae Jiu te kiloi “Gaghamu Grorofe” na la namohi.

Jone 5:14

Kaisei fata ke leghugna igne, mae Jisas neke filoni mae igne ka Sugablahi na. Mae Jisas ne cheke eghu ka mana, “Filo sagho, iagho gognaro na kela kelihi. Eghume iagho gognaro na thosei ke eni kaisei glepo te diꞌa, na eghunu ke thoke nigho iagho kaisei glepo ke diꞌagna ignei eghu.”

Matiu 26:55

Mae Jisas ne cheke eghu ka naiknore, “Ba, ne mae blau iara eghu mei balu naflahi nei nanala eghu mala mei loki ghau iara si ghotilo ia? Leuleghu narane iara gnokro farirhiudi koba naiknore ke lamna Sugablahi, nu ghotilo theome mei loki ghau ngala iara jare.

Matiu 21:12

Mae Jisas ne tei ruma ka glalabagna Sugablahi na ne filodi naikno te foifoli ka vido tuana. Aonu, mana brue fajifladi ne gnafa naikno te foifoli nei sabiri teu jare igre. Mana fapogru nodi tevo mae te tutughu sileni te mala foli takis gna Sugablahi na nei nodi mala gnokro mae te sabiri balhu te mala fafara re.

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Naba 29:17

“Ka fapea narane gna gaghamu na, ghotilo ginauna kaikaliti nabotho phei buluka nalhaꞌugna te majaghani, phei sipu nalhaꞌu, nei nabotho fati sipu nalhaꞌu ikodi te kaisei finoghadi are, nu atha kate theo kaisei thona ba thubu ka thinidire are eghu.

Naba 29:20

“Ka fatilo narane gna gaghamu na, ghotilo mala eni kaisei fafara te nanaba kolho ka narane ululahu ia, nu ghotilo ginauna fafara nabotho kaisei buluka nalhaꞌudi te majaghani kolho.

Jone 8:20

Mae Jisas neke chekedi u cheke igre ka teke farirhiudi mana naiknore kau Sugablahi na, rhegna vido mala lilisei sileni ka God naiknore. Eghuteuna, theo kaisei mae te mei lokini mae Jisas na, naugna nogna narane mana teke lilisei God na theome thoke mei ngau.