Jone 6:9 - Buka Blahi Ka Cheke Holo

⁹ “Kaisei mae sitei agne au glima bret nei phei sasa. Nu gano igre ginauna theome naba kolho ka naikno te kmana igre!”

Jone 6:9 ပူးပေါင်းရင်းမြစ်များ

Luku 9:13

Nu mae Jisas ne cheke eghu ka mare, “Theo. Faghamudi si ghotilo naikno gre.” Mare ne cheke eghu ka mana, “Ghehati au glima bret nei phei sasa eghu kolho. Ba iagho magnahaghei ghami ghehati te tei foli gano te mala nabadi naikno te kmana igre sia?!”

Nonomho Te Keli Teke Risoi Mae Mak 6:38

Mana ne cheke eghu ka mare, “Niha bret te au ka ghotilo na? Tei ba filo!” Kate filo mare kau bret re, mare mei ne cheke eghu ka mana, “Glima bret nei phei sasa langau eghu.”

Matiu 14:17

Mare ne cheke eghu ka mana, “Ghehati au glima bret nei phei sasa eghu kolho.”

Nodi Khoje Hatimare Mae Jiu 78:19

Mare ne ke cheke faparini God, ne ke cheke eghu, “God na theome tangomana te tusu mei gano te keli ka tahati ka namono nagou igne.

Matiu 16:9

Theome thofno glolau ngala ka ghotilo sia? Kela ghatho ihoni hila si ghotilo teke piepike iara glima bret teke faghamudi glima thogha mae ra? Ghotilo neke fafofodu nabotho phei khara'o ka vido gano teke salaꞌui ra.

Nonomho Te Keli Teke Risoi Mae Mak 8:19

Ghathoni ka narane teke faꞌimadi iara glima thogha naikno ra? Niha khara'o teke fafofodu ghotilo ka vido gano teke salaꞌui ra?” Mare ne cheke eghu ka mana, “Nabotho phei khara'o.”

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Nodi Khoje Hatimare Mae Jiu 147:14

Mana tusu ranghi ghita pharikeli mala au fakeli tahati ka kantri igne, nei tusu ranghi ghita gano te keli mala glealeꞌa tahati.

Nodi Khoje Hatimare Mae Jiu 81:16

Jame leghu ghau iara nogu naikno gre meuna, iara ginauna na faꞌimadi ka thofno gano te keli, eghuteuna iara ginauna na thofno faglealeꞌadi ka narane te imani mare jujurukuli te keli na.”

Diutronomi 8:8

Glose igne au nagare wit nei bali, nei sisi grep, nei sisi pomegranet, nei gaju fig, nei gaju oliv, nei jaola au kmana jurukuli.

Thakle 6:6

Aonu iara ne nomhini kaisei naogla farihoteidi fati glepo te karha igre ne cheke eghu, “Naiknore ginauna foli katha gano ikoi ka sileni te biꞌo fara! Thosei goigoni nodi oel nei waen teu mare re!”

Jone 11:32

Nu Meri ne tei ka vido te au mae Jisas na. Kate filoni mana na, Meri ne tuturupuku soru ne cheke eghu ka mana, “Lord, jame au meu iagho agne na, greghagu iara mae Lasaros ia jame neke theome lehe.”

Jone 11:21

Mafa thoke lao ka mae Jisas ne cheke eghu ka mana, “Lord, jame au meu iagho agne na, greghagu iara mae Lasaros gne jame neke theome lehe.

Jone 6:7

Mae Filip ne cheke eghu ka mana, “Tahati jame kafe loku kaisei nhigra te mala foli naba gano te mala katha vido kaisei naikno teuna!”

Profet Esikiel 27:17

“ ‘Maedi Juda baludi mae Israel foli famane glepo ka iagho ka soasopai nafnata famane wit, nei jurukuli, nei oliv oel, nei glepo mala ei oel nei insens.

Nodi Khoje Hatimare Mae Jiu 78:41

Kmana fata mare magnahaghei te fariuriuni noda God tahati naiknoda Israel. Uve, mare tirodini mae ihei te blahi fara na.

Fapea Kings 7:1

Nu mae Elisa ne cheke eghu, “King! Fanomho mei ka nogna cheke Lord igne! Nathuꞌu jateula gognarogne teuna, praes di glima kilo flaoa re thono pari fara ka kaisei silva koen kolho, eghuteuna nabotho kilo bali na kaisei silva kolho eghu ka grengatha gna namono biꞌo Samaria!”

Ululahu Kings 4:28

Mare jaola hata mei bali nei buburu eghu maladi hose mala korho chariot nei keha nogna hose King Solomon.

Diutronomi 32:14

Eghuteuna nomi buluka nei nanigot nei sipu teu ghotilo re blokha fara ka teke au reꞌe ka namono Besan. Reꞌe tufa kmana milk ka ghotilo. Eghuteuna nomi nagare wit ghotilo re famane fara. Eghuteuna waen ukru te koꞌu ghotilo re thofno mamahe fara.

Jone 6:11

Aonu, mae Jisas ne atha glima bret re, ne cheke fakelidi ka God, mana tusu lao ka mae fanomhore mala tufa ka naiknore. Mana jaola ka phei sasare, eghuteuna naiknore kafe ghamu ne boho.

Jone 21:9

Mare longa mata ne filoni kaisei khaꞌaghi te karha teu sisibegna na. Keha sasare ne foefobe neu ka khaꞌaghi na nei keha bret eghu jare.

Jone 21:10

Aonu, mae Jisas ne cheke eghu ka mare, “Atha mei keha sasa ka teke atha ghotilo are mala gahu.”

Jone 21:13

Mae Jisas ne atha bret na, ne tufa ka mare. Eghuteuna, mana ke jaola neke tufa sasare.