Jone 6:70 - Buka Blahi Ka Cheke Holo

⁷⁰ Mae Jisas ne cheke eghu ka mare, “Iara neke kafe vahi ghami ghotilo nabotho phei mae. Nu neuba ngau kaisei mae ka ghotilo na thono jateula mae Satan eghu.”

Jone 6:70 ပူးပေါင်းရင်းမြစ်များ

Jone 13:27

Theome raugha kate hata mae Judas bret na, Satan ghosei ne ruma haghe ka thiꞌagna mae Judas na ne fadiꞌani nagnafagna mana na. Aonu mae Jisas ne cheke eghu ka mae Judas, “Faghose tei eni glepo teke ghathoni iagho na.”

Jone 13:2

Kate ima rafi teu mae Jisas baludi nogna mae fanomhore, mae Satan neke kulu liliseihi ka nagnafagna mae Judas na te mala majorani mae Jisas. Mae Judas gne kaisei mae ka hatimare nabotho phei mae fanomho gre, thugna mae Simon Iskariot.

Jone 17:12

Kani au tekeu iara baludi, iara neke taji fakelidi kau nolaghi gna nanghamu iagho na, nangha teke famei iagho ka iara ia. Iara neke kafe taji fakelidi mare hui. Eghuteuna kaisei mae ngala ka mare nate snivi na mala horoghoto ka unha teke cheke eghu kau grioriso te blahi ia.

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Jone 6:64

Nu keha naikno ka ghotilo theome fatutuani ghau iara.” Funu ka vuvuhagna na mae Jisas la kulu lasedihi mae iheire te theome fatutuani ni mana re. Eghuteuna mana la lasenihi mae ihei nate majorani mana na.

Ululahu Jone 3:8

Nu ihei te tapla jafra fabrahu ka nakhibo na mana nogna mae Satan, naugna mae Satan tapla jafra fabrahu vuha tifa. Thugna God neke thakle mei malagna gaoghatho igne, mala roꞌeni nogna gloku mae Satan.

Ululahu Timoti 3:11

Jateula tuana eghu khetogna na, naꞌa mala baubatu nila nakarha te keli na, eghuteuna naꞌa theome mala vuavuha chekedi keha naiknore, nu naꞌa mala reireghi fakelini thegna. Eghume naꞌa mala nafnata gaꞌase tahati te ghatho tahuni fabrahu.

Mae Khuru 1:17

Mae Judas gne neke kaisei mae kherami ghehati, naugna mana neke loku balumi ghehati tifa.”

Jone 15:19

Nu jame leghuni ghotilo puhigna nauthoglu igne na, mare ginauna na namha ghami ghotilo, naugna ghotilo nogna naikno u nauthoglu igne. Nu iara neke vahi fadelei ghamihi ghotilo kau nauthoglu igne. Eghume ghotilo theome nogna naikno nauthoglu igne. Naugna tuana naiknogna nauthoglu igne ginauna theome magnahaghei ghami ghotilo.

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Jone 13:21

Ke leghugna te chekeni igne, mae Jisas diꞌanagnafa gna fara ne funu cheke eghu ka mare, “Tutuani fara te chekeni iara ka ghotilo na. Kaisei mae ka ghotilo ginauna majora ghau iara.”

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Taetus 2:3

Nu iagho ginauna na famane farirhiudi goro naikno biꞌo are mala au fakeli reꞌe, mala thosei buiburi naikno, ba thosei khuru koꞌu waen. Mala farirhiuni reꞌe unha glepo te keli na.

Mae Khuru 13:10

ne cheke eghu ka mana, “Ghema, iagho thugna mae Satan! Iagho tiroudi gobigna lepo te kelire. Eghuteuna iagho fodu salaꞌui ka nafnata puhi te chaichaghi nei puhi te diꞌa nei batu fadiꞌadi naiknore eghu. Iagho leuleghu fata na fadiꞌani koba thofno chekegna Lord na ne jateula te khogla cheke chaichaghira neu kolho.

Jone 2:2

Hatimare ne toreni mae Jisas baludi nogna mae fanomhore mala au langau ka gaghamu tholaghi igne.

Jone 6:67

Aonu, mae Jisas ne ghusna eghu ka nabotho phei nogna mae fanomhore, “Ghotilo ba, ghotilo jaola magnahaghei te tei koko ghau iara sia?”

Jone 6:71

Mae Jisas cheke eigna mae Judas, thugna mae Simon Iskariot. Mae Judas gne kaisei mae ka hatimare nabotho phei mae nogna fanomho gre. Nu mana ngala nate majorani mae Jisas na.

Jone 20:24

Ka narane teke kulu thakle mae Jisas ka nogna mae fanomhore, mae Tomas keha nanghagna na, mae Didimus, neke theome au baludi mae fanomhore.