Jone 6:65 - Buka Blahi Ka Cheke Holo

⁶⁵ Mae Jisas neke cheke eghu, “Igne u gaoghathogna teke chekeni iara ia, theome tangomana kaisei naikno te mei ka iara na jame te theome snakre meini mae Mama ka iara na.”

Jone 6:65 ပူးပေါင်းရင်းမြစ်များ

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Jone 3:27

Mae Jone ne cheke eghu ka mare, “Tutuani fara, theo kaisei naikno te tangomana te eni kaisei glepo na, nu thegna God ngala tangomana te tusu ranghini mana nolaghi na.

Fapea Timoti 2:25

Mana theome mala diꞌatagna kate farirhiudi iheire te theome kaisei gaoghatho ka mana re. Nu mana jame thoghei taegodi ka puhi te doglo, God glahula te tangomana te toghodi naikno tuare mala tughu nagnafa nei lase fakelini u thofno farirhiu te tutuani na.

Ululahu Timoti 1:14

Nu mae Jisas Kraes noda Lord neke bruara khokofakasai te biꞌo ke klignagu iara eghuteuna tusu ranghi ghau iara fatutuani nei namha maladi naiknore.

Filipae 1:29

Tutuani fara, God la tusu arihi ka ghotilo u nafnakno te mala loku ranghini nei fatutuani ni mae Kraes nei au papara malagna mana teuna.

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Jone 10:16

Aonu, keha nogu sipure au ngau ke kosi bara. Iara ginauna na atha mei dila ke lamna bara. Reꞌe ginauna nomhini naoglagu iara na, eghuteuna reꞌe ginauna kaisei bukredi ngala nei iara ngala te mala reireghidire eghu.

Matiu 13:11

Mae Jisas ne cheke eghu ka mare, “Te eni iara igne, naugna God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.