Jone 6:56 - Buka Blahi Ka Cheke Holo

⁵⁶ Mae ihei te ghamuni thinigu iara na nei ko'uni dadaragu iara na teuna, mana na au balugu iara, eghuteuna iara na au balugna mana.

Jone 6:56 ပူးပေါင်းရင်းမြစ်များ

Jone 14:20

Kau narane tuana, ghotilo ginauna lase ghau iara te au balugna mae Mama, eghuteuna ghotilo au balugu iara, eghuteuna iara au balumi ghotilo.

Ululahu Jone 3:24

Ihei te leghuni chekegna God na mana au balugna God, eghuteuna God au balugna mana. Faꞌunha laseni tahati God te au baluda na? Tahati laseni igne naugna God neke kuru meini mae Tharunga te Blahi na ka tahati.

Thakle 3:20

Filo si ghotilo! Iara kegra ka grengathagna nomi khiloau ghotilo na mala kikidi. Jame kaisei naikno te nomhini chekegu iara na, eghuteuna tothora ranghi ghau iara grengatha na teuna, iara ginauna ima fodu balugna mana.

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Nodi Khoje Hatimare Mae Jiu 91:9

Lord na fnakno fara kligna lahu, eghuteuna, naugna te rouronuni iagho mana na, mana ginauna baubatu nigho, nei reireghi fakeli nigho eghu.

Ululahu Jone 4:12

Theo kaisei naikno te filoni God, nu te fari namhai tahati na, God au baluda nei nogna namha na thofno horoghoto ke lamnada.

Fapea Korin 6:16

Nogna Sugablahi God na theome mala fodu ka mumuju. Jaola ghotilo laseni eigna tahati na nogna Sugablahi God mae ihei te karha te tifa! Naugna God neke cheke eghu, “Iara ginauna mala au baludi nogu naiknore, eghuteuna iara ginauna mala tei baludi. Iara ginauna mala nodi God mare, eghuteuna mare ginauna mala nogu naikno iara.”

Efesus 3:17

Uve, iara toreni Kraes mala au mana ka nagnafamire, eigna ghotilo fatutuani ni mana. Iara jaola toreni mana eigna gobigna lepo te edi ghotilo re thofno jifla mei ka nomi namha te biꞌo ranghini God nei naikno te gnafa, mala ghotilo nei nogna naikno te gnafa God re au glalase te mala lase fakelini nogna namha Kraes te biꞌo fara nei brahu fara nei haghe fara nei mamhara fara.

Lamentations 3:24

Te ghathoni iara na, “Lord ngala thua nafnotu te magnahaghedi iara re, eghume iara tangomana te fatutuanini mana na.”

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Nodi Khoje Hatimare Mae Jiu 90:1

Lord, funu tifa tela ghilei mei posa gognaro gne, iaghou ngala te jateula sugami teu ghehati na.

Jone 6:55

Naugna thinigu iara na ngala u thofno gano te tutuani na, nei u dadaragu iara na ngala u thofno khoꞌu te tutuani na.

Ululahu Jone 2:24

Hati nhetami na leghuni fabrahu farirhiu teke nomhini ghotilo tifa ia. Jame leghuni fabrahu ghotilo farirhiu tuana, ghotilo ginauna na au baludi Thugna ghe Mama.