Jone 6:55 - Buka Blahi Ka Cheke Holo

⁵⁵ Naugna thinigu iara na ngala u thofno gano te tutuani na, nei u dadaragu iara na ngala u thofno khoꞌu te tutuani na.

Jone 6:55 ပူးပေါင်းရင်းမြစ်များ

Jone 15:1

Mae Jisas ne cheke eghu ka nogna mae fanomhore, “Iara jateula kaisei gaju te ure sisi te kelira eghu. Mae Kmagu iara na mana jateula mae greireghi gaju te ure sisi te kelira eghu.

Jone 8:31

Mae Jisas ne cheke eghu ka mae Jiu te fatutuani ni mana re, “Te leghudi fabrahu ghotilo nogu farirhiu iara re, ghotilo thofno nogu mae fanomho iara.

Jone 8:36

Eghume, jame te atha fasnagla ghau iara mae Thugna God na, ghotilo ginauna snagla nomi tutuani ngala.

Jone 6:32

Mae Jisas ne cheke eghu ka mare, “Tutuani fara te chekeni iara ka ghotilo na. Mae Moses neke theome tusu ranghidi mae ku'emi ghotilo ra gano gna kligna na. Nu mae Kmagu iara na neke tusu ranghi ghami ghotilo u thofno gano teke mei funugna kligna na.

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Hibru 8:2

Mana kegra jateula mae pris biꞌo eghu ke ulugna God ka vido te blahi fara ke lamnagna suga tapuale gna kligna na, teke hohoro thegna God neke theome hohoro naikno.

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Nodi Khoje Hatimare Mae Jiu 4:7

Naikno te chekedi glepo igre keli tadi fara kate au kmana ghedi wit ka nagare na, nei au ghedi kmana waen te mala koꞌu na. Nu glealeꞌa te lilisei iagho ka thiꞌagu iara na ke biꞌogna nodi glealeꞌa naikno igrei.

Jone 6:54

Mae ihei te ghamuni thinigu iara na nei ko'uni dadaragu iara na teuna, mana athini karha fei tifa na. Iara ginauna fakarha fapuloni mana kau narane leghu lahu na.

Jone 6:56

Mae ihei te ghamuni thinigu iara na nei ko'uni dadaragu iara na teuna, mana na au balugu iara, eghuteuna iara na au balugna mana.