Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jone 6:52 - Buka Blahi Ka Cheke Holo

52 Kate nomhidi cheke mae Jisas igre, hatimare mae Jiu ne funu diꞌa tadi ne fapholai fari thedi. Aonu, mare ne cheke eghu, “Faꞌunha tangomana si mae igne te tusu mei ka tahati thinigna na te mala ghamu na ia?”

အခန်းကိုကြည့်ပါ။ ကော်ပီ




Jone 6:52
11 ပူးပေါင်းရင်းမြစ်များ  

Kate nomhidi mae Jiu gre cheke mae Jisas igre, mare ne theome kaisei gaoghatho ka nogna cheke mana re.


Eghuteuna, keha mae Farasi re ne cheke eghu, “Mae teke eni igne neke theome mei funu ka God, naugna mana ne theome leghuni vetula gna narane Sabat.” Nu keha mae re ne cheke eghu, “Jame mae teke eni igne mana mae diꞌa meuna, mana jame theome tangomana te edi kofubobhoi igre.” Mae Farasire ne theome kaisei gaoghatho eigna mae Jisas.


Ka vido tuana hatimare mae Jiure ne funu buiburini mae Jisas. Mare buiburini mae Jisas naugna mana ne cheke eghu, “Iara ngala u gano teke mei funugna kligna na.”


Ihei te theome au tagna u Tharunga te Blahi na, mana theome tangomana te hata u farirhiu te tusu mei Tharunga gna God na. Mana theome lasedi gaoghathodi farirhiu igre, eghuteuna farirhiu igre theo nafudi kolho ka mana. Eigna ihei ngala te baubatu tagna Tharunga te Blahi na te tangomana te mala lasedi nogna farirhiu mana re.


Kate nomhini naiknore ka mae Pol eigna God teke fakarha fapuloni kaisei mae kau glehe na, keha naiknore ne maꞌe ka mae Pol. Nu keha mae ne cheke eghu, “Ghehati magnahaghe nigho iagho mala ke toutonu eigna igne thogheiro.”


Gaꞌase na ne cheke eghu ka mana, “Mae biꞌo, khoꞌu na au pari fara, iagho theo kaisei glepo te mala krisu khoꞌu na. Na tei atha aheva saghoi u khoꞌu karha te chekeni iagho tuana?


Mae Nikodimas ne ghusna eghu ka mana, “Faꞌunha eghu tangomana si ignea?”


Mae Nikodimas neke ghusna eghu ka mana, “Nu jame kaisei mae tela khomabrohi na, faꞌunha eghu ke karha si mana gnea? Naikno na theome tangomana teke fapea rumai ka thi'a idogna na mala teke karha majaghani na.”


Kaisei fata na, hatimare mae biꞌodi mae Jiu te au ka namono Jerusalem igre ne kurudi keha mae pris baludi keha mae te loku ka Sugablahi na mala mei ghusna eghu ka mae Jone, “Ghema, iagho mae hei?”


Kmana ka naikno teke leghuni fabrahu mae Jisas igre nomhini u nafnata farirhiu igne ne cheke eghu, “U farirhiu igne thono ninhigrana fara. Ginauna theome tangomana kaisei naikno nate fatutuanidi u nafnata farirhiu igre.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ