Jone 6:5 - Buka Blahi Ka Cheke Holo

⁵ Mae Jisas efra haghe ne filodi kmana naikno ne mei ka mana. Aonu mae Jisas ne cheke eghu ka mae Filip, “Filip, aheva nate tei foli gano tahati te mala faghamudi naikno igre?”

Jone 6:5 ပူးပေါင်းရင်းမြစ်များ

Matiu 15:33

Nogna mae fanomhore ne ghusna eghu ka mana, “Vido igne namono nagou theo kaisei naikno te au agne na. Eghuteuna, agne na theo kaisei vido aheva te mala tei hata naba gano te mala faghamudi naikno te kmana fara igre.”

Jone 4:35

Nomi cheke ghotilo ia eghu agne, ‘Fati nhigra ngau te ofo na ame ghano nga nagare na eghu.’ Nu te chekeni iara ka ghotilo na, ‘Faghano filo fakeli si ghotilo ka nagare ana, u nagare na la ghanohi!’

Jone 1:43

Ka keha narane na, mae Jisas neke magnahaghe tei ka Provins Galili. Kate posa ka namono na, mana thafoni mae Filip ne cheke eghu ka mana, “Ghema Filip, mei leghu ghau iara.”

Naba 11:13

Heva te tangomana tei atha nafnahi iara maladi naikno igre na? Naikno igre tanhi fabrahu ka iara, ‘Ghehati magnahaghei ghemi nafnahi!’

Nonomho Te Keli Teke Risoi Mae Mak 6:32

Mare saghe ka mola na ne tei ka namono te theo naiknogna na.

Luku 9:10

Kate gnafa nodi gloku na, mae khurure neke pulo mei ka mae Jisas. Mare ne toutonu ka mana gobigna lepo teke edi mare re. Ke leghugna igne, mare ne tei balugna mae Jisas ka kaisei namono te kiloi Betsaeda. Mare ne tei au thedi jare.

Jone 1:44

Mae Filip gne mae gna Betsaeda, kaisei namono baludi mae Aduru ghe mae Pita.

Jone 1:45

Ke leghugna igne, mae Filip tei ne thafoni mae Natanel ne cheke eghu ka mana, “Ghehati la thafonihi mae ihei mae Moses teke rioriso eigna mana ka buka vetula ia, nei hatimare mae profet neke rioriso eigna la mana. Nanghagna na mae Jisas, thugna mae Josep, mae gna ka namono Nasaret.”

Jone 1:46

Nu mae Natanel ne cheke eghu ka mae Filip, “Nasaret! Theome tangomana kaisei glepo te keli te jifla mei Nasaret na!” Mae Filip ne cheke eghu ka mana, “Mei sagho, mala filoni themu!”

Jone 1:48

Mae Natanel nomhini cheke mae Jisas igne ne jaglo nogna fara ne cheke eghu ka mana, “Faꞌunha neke lase ghau iara sagho ia?” Mae Jisas ne cheke eghu ka mana, “Iara neke kulu filo nigho iagho ka teke gnokro teku iagho ke parigna gaju fig ia. Ka vido tuana mae Filip neke theome kilo mei nigho iagho nekeu ka iara.”