Jone 6:44 - Buka Blahi Ka Cheke Holo

⁴⁴ Theo kaisei naikno tangomana te mei ka iara na ghilei batu meini mae Mama mae teke kuru mei ghau iara na. Eghuteuna mae ihei te mei ka iara na, iara ginauna fakarha fapuloni mana kau narane leghu lahu na.

Jone 6:44 ပူးပေါင်းရင်းမြစ်များ

Jone 6:65

Mae Jisas neke cheke eghu, “Igne u gaoghathogna teke chekeni iara ia, theome tangomana kaisei naikno te mei ka iara na jame te theome snakre meini mae Mama ka iara na.”

Jone 12:32

Ka narane nate tupijuru ghau iara mare ke kligna gaju fafatha na, iara na salo fodu mei naiknore ka thegu.”

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Jone 6:45

U cheke teke risodi hatimare mae profet tifa ra cheke eghu, ‘God ginauna kafe farirhiudi naiknore.’ Ihei te nomhini chekegna mae Mama na eghuteuna leghuni teuna, mana na mei ka iara.

Profet Jeremaea 31:3

Ka narane tuana, Lord neke falaseni thegna ka mae Israel neke cheke eghu, “Iara namha ghami ghotilo fabrahu fara, eghuteuna iara ginauna na ghatho tahu ghami ghotilo fabrahu.

Jone 5:44

Ghotilo magnahagheidi naiknore te ghatho tahu ghami kolho themi, nu ghotilo theome fariuriu hatani u nafnakno te mei funu ka thegna God na. Eghume thono ninhigrana ghami fara ghotilo te fatutuani ghau iara na.

Profet Hosia 11:4

Iara neke edi gobigna lepore ranghidi jateula kaisei thugu thegu te thofno namhani fara ra neku neke fakarhidi nei faꞌimadi neku.

Kolose 2:12

Kate apublahi na ghotilo kaisei ka mae Kraes, jateula mare te giugilu ghami nei ke karha fapulo ka glehe balugna mana. Igne tutuani fara ka ghotilo naugna nomi fatutuani ka nogna nolaghi biꞌo God teke fakarha fapuloni mana ka glehe.

Filipae 1:29

Tutuani fara, God la tusu arihi ka ghotilo u nafnakno te mala loku ranghini nei fatutuani ni mae Kraes nei au papara malagna mana teuna.

Famane Khoje 1:4

Iagho jateula nogu king eghu iara. Iagho atha ghau iara! Tapa faghose tei mala au lamna nou chogho iagho. Tapa ginauna thofno glealeꞌa fara, naugna iara thofno namha nigho eghuteuna iagho namha ghau iara fara salaꞌudi famane waen. Nabadi kolho goro gaꞌase gre te namha nigho na.

Jone 8:43

Ghotilo theome laseni unha te chekeni iara na. Naugna ghotilo theome magnahagheni te leghudi nogu cheke iara re.

Profet Jeremaea 13:23

Ba, mae te pipito na tangomana teke tughu thinigna na teke vegha na? Ba, phusi mata na tangomana teke tughu thinigna te thuthunu na? Thono theo fara. Ghotilo jateula tuana eghu theome tangomana te koko puhimi te diꞌare mala teke eni puhi te keli na.

Matiu 12:34

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Jone 6:43

Aonu, mae Jisas ne cheke eghu ka mare, “Thosei buiburi eghu fari themi!